مين اللى هيعمل كدا؟؟

**زينة الله** · 17-05-2011 07:51 PM

فى ظل الظروف الإقتصادية الصعبة و الأزمة اللى بتعيشها البلد

هل نقدر فعلا نعمل كدا ؟؟

هل نقدر نربط الحزام و نتكاتف مع بعض و نعتمد على سواعدنا عشان ننقذ نفسنا و بلدنا ؟؟

هل نقدر نشوف شغلنا بضمير و ننسى الأنا و المطالب الفئوية مؤقتا ؟؟

هل ممكن نقتصد فى الاستهلاك مثلا ... فى البنزين ، فى الكهرباء ..فى المياة .. فى كل حاجة ؟؟

هل ممكن نساعد الأضعف مننا .. بالمال و بالطعام و الملبس .. أو حتى بالتوعية ... باللى نقدر عليه ؟؟

يكون لنا كلنا دور فى العمل التطوعى الوطنى و زى ما نجحنا بشرف فى حماية نفسنا و بلدنا باللجان الشعبية

و نثبت نفسنا فى الدور الاقتصادى و الاجتماعى التكافلى كمان

يا ترى أحنا قدها و قدود إن شاء الله ؟؟ والا إيه رأيكم و أفكاركم لإنقاذ مصر ؟؟

**Ahmed_Ramadan** · 17-05-2011 08:15 PM

مظنش الشعب لحد دلوقتى أنانى جدا جدا جدا ....و مش بيفكر غير فى نفسه

**OgsMc** · 17-05-2011 08:26 PM

احنا بقى عندنا ماديه وانانيه غريبه
انا وبعدى الطوفان

**زينة الله** · 17-05-2011 08:51 PM

المشاركة الأصلية كتبت بواسطة yobaaa

مظنش الشعب لحد دلوقتى أنانى جدا جدا جدا ....و مش بيفكر غير فى نفسه

ماهو الشعب برضو هيعمل كدا عشان نفسه بس عشانها بطريقة صح

المشاركة الأصلية كتبت بواسطة ogsmc

احنا بقى عندنا ماديه وانانيه غريبه
انا وبعدى الطوفان

الأنانية والمادية اللى شعب فيها دلوقت أعتقد والله أعلم سببها الفرقة و التشتت فيما قبل الثورة

و معاها كمان الأنا مالية و هى جت عليا لأن ماكنش فيه أمل فى مستقبل أفضل

لكن المفروض الوضع الآن مختلف ... صحيح هو وضع صعب لكن مش أصعب من حالتنا بعد ثورة 1952

لما كان الشعب تقريبا فقير و جاهل الا ما ندر .. بدون خدمة صحية و لا تعليمية و لا سياحة و لا قناة سويس ولا ....

أحنا حاليا بغض النظر عن الادارة السيئة ،،نملك موارد و أصول محترمة جدا ( بشرية و طبيعية و منشأت و مؤسسات صحية و تعليمية و ...)

معقول نسيب دا كله يضيع و نضيع أحنا كمان معاه !!!

معقول نضيع دم الشهداء اللى ضحوا عشان حياة أفضل لنا هدر !!!

**sayed911** · 17-05-2011 09:02 PM

بيني وبين نفسي انا شايف انها فزاعة !!!!!!!! الإقتصاد بتاعنا هش اي نعم وحالته منيلة بستين نيلة كمان !! وممكن يصل للركود ولكن نضرب تفليسة !!! صعب ممكن الجنيه قيمته تنخفض لكن تفلية صعب !! احنا اقتصادنا كان رقم 3 في العالم من تهم الفساد !! ده طبعا بعد المكسيك ودولة تانية

**زينة الله** · 17-05-2011 09:32 PM

المشاركة الأصلية كتبت بواسطة sayed911

بيني وبين نفسي انا شايف انها فزاعة !!!!!!!! الإقتصاد بتاعنا هش اي نعم وحالته منيلة بستين نيلة كمان !! وممكن يصل للركود ولكن نضرب تفليسة !!! صعب ممكن الجنيه قيمته تنخفض لكن تفلية صعب !! احنا اقتصادنا كان رقم 3 في العالم من تهم الفساد !! ده طبعا بعد المكسيك ودولة تانية

ما هى الديون و خاصة من بنك النكد الدولى بفوايدها التراكمية الرهيبة ممكن تجيب لنا تفليسة مع كل مواردنا

فاكر الخديو اسماعيل لما دين مصر بحفلة افتتاح قناة السويس و باع أسهم القناة اللى مات تحتها 120 ألف مصرى لبريطانيا وفرنسا

القناة خسرناها بحفلة ؟؟!!!! و الدين جر علينا الاحتلال بعد كدا

و العراق اهه بعد الحصار الاقتصادى 10 سنين والا 13 و انهيار الخدمات و الاقتصاد دخلتها امريكا بأى زريعة

و احنا اقتصادنا مش زى العراق ببترولها و خيرها قبل الحرب ولا حتى جيشنا و لا ولا ... يعنى مش هناخد غلوة !!

يا ترى احنا بعد التفليسة والانهيار ... حبيبتنا اسرائيل هتسيبنا .. و احنا جيران و الاقربون اولى بالمعروف

**sayed911** · 17-05-2011 09:37 PM

طبعا وها تلاقي كل اللي حواليك هنوووووووووووووووووووود كلو يالله نفسي اللي كانو ايام الثورة فنجرية بق لو امريكا بتطلع 5 احنا نديكم 10 !!! قلبناها صدقة جارية اصلها !!!!! بس الفكرة مش في كل ده !!!
اقتصادنا انا شايف انه حتى وان الناس رجعت تشتغل تاني قدامنا مش اقل من 6 اشهر بالميت عشان نحس ببصيص من الأمل تاني فيه باَافة للرانكينج الدولي لمصر اعتقد حضرتم طلعة ومصر بعد ما كانت مصنفة دولة نامية بقت ايه !!!

**زينة الله** · 17-05-2011 09:49 PM

احنا كشعب مش عايزين حاجة من حد برا لأمريكا و لا غيرها

احنا عايزين نعتمد على نفسنا و نساعد بعض و نصبر و نربط على الجرح لما يطيب

لله در عنترة بن شداد لما قال :

و لقد أبيت على الطوى و أظله ==== حتى أنال به كريم المأكل

( الطوى = الجوع )

**A.Saad** · 17-05-2011 10:43 PM

المشاركة الأصلية كتبت بواسطة زينة الله

ماهو الشعب برضو هيعمل كدا عشان نفسه بس عشانها بطريقة صح

الأنانية والمادية اللى شعب فيها دلوقت أعتقد والله أعلم سببها الفرقة و التشتت فيما قبل الثورة
اعتقد انها طبع اصيل نتيجة للمعيشة
يعنى للزحام وللعادات الاجتماعية مش للظروف السياسية

و معاها كمان الأنا مالية و هى جت عليا لأن ماكنش فيه أمل فى مستقبل أفضل

لكن المفروض الوضع الآن مختلف ... صحيح هو وضع صعب لكن مش أصعب من حالتنا بعد ثورة 1952
هم مش اصعب
هو مش موجود اصلا اقتصاد
لان المخرجات والمدخلات شبه معدومة
لما كان الشعب تقريبا فقير و جاهل الا ما ندر .. بدون خدمة صحية و لا تعليمية و لا سياحة و لا قناة سويس ولا ....

أحنا حاليا بغض النظر عن الادارة السيئة ،،نملك موارد و أصول محترمة جدا ( بشرية و طبيعية و منشأت و مؤسسات صحية و تعليمية و ...)
المهم الادارة
ادارة اى مكان
اغلب المؤسسات ادارتها بتهجرها للى بتشوفه من
معاملة الادنى ليهم
او طلبات فئوية المنشأة مش هتقدر تحققها

معقول نسيب دا كله يضيع و نضيع أحنا كمان معاه !!!

معقول نضيع دم الشهداء اللى ضحوا عشان حياة أفضل لنا هدر !!!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

-

الموضوع: مين اللى هيعمل كدا؟؟

LinkBack

أدوات الموضوع

عرض

مين اللى هيعمل كدا؟؟ - انشر الموضوع فى :

-

-

-

-

-

-

-

المواضيع المتشابهه

لو حد فيكو مكاني هيعمل ايه

يا جماعه هو مين هيعمل ايه

الأهلي ..... هيعمل ايه النهاردة

رجاء لكل ال هيعمل تغطية لاوتوماك

انا زهقت اللى يمشى ورا كبلم الناس مش هيعمل حاجة

الكلمات الدلالية لهذا الموضوع

المفضلات

المفضلات

ضوابط المشاركة