مش هشد مع حد تانى

**ahmedsy** · 17-05-2011 07:57 PM

يا جماعه انا النهارده كنت بشد مع واحد على طريق زراعى فاضى المهم عديت منه وكانت سرعتى تقريبا داخله على 140 وفضلت مكمل لكن الطريق كان عليه يو تيرن صعبه فهديت على قد مقدرت و دخلتها على سرعة 100 تقريبا وطبعا حسيت ان العربيه هتقلب خاصة وانا بعدل العربيه بعد الملف حسيت انها بتحدف فى الاتجاه التانى المهم فضلت ماسك الدركسيون لحد ما العربيه ظبطت انا مش فاكر تتابع الاحداث كويس لانها حصلت فى جزء من الثانيه يس الحمد لله ربنا ستر و عاهدت نفسى مش هشد مع حد تانى بس عايز اسالكم ايه تاثير ده على العفشة مع العلم ان العربيه لانسر كرستاله

**Hamdy Masria** · 17-05-2011 08:05 PM

المشاركة الأصلية كتبت بواسطة ahmedsy

يا جماعه انا النهارده كنت بشد مع واحد على طريق زراعى فاضى المهم عديت منه وكانت سرعتى تقريبا داخله على 140 وفضلت مكمل لكن الطريق كان عليه يو تيرن صعبه فهديت على قد مقدرت و دخلتها على سرعة 100 تقريبا وطبعا حسيت ان العربيه هتقلب خاصة وانا بعدل العربيه بعد الملف حسيت انها بتحدف فى الاتجاه التانى المهم فضلت ماسك الدركسيون لحد ما العربيه ظبطت انا مش فاكر تتابع الاحداث كويس لانها حصلت فى جزء من الثانيه يس الحمد لله ربنا ستر و عاهدت نفسى مش هشد مع حد تانى بس عايز اسالكم ايه تاثير ده على العفشة مع العلم ان العربيه لانسر كرستاله

الحمد لله ربنا ستر .. ربنا يسترها عليك وخد بالك كويس من الطريق ونصحتى ليك متحاولش تشد على طريق متعرفوش لأن سرعتك بتكون عالية ومتعرفش اية اللى هايقابلك وهتفادية ازاى

**Ralliart** · 17-05-2011 08:10 PM

يوترن على 100 !!
اللي حصلك وهو ان العربية بتحدف برا الملف اسمه under steering وده بيحصل في العربيات الجر الامامي ولازم تبقى عارفه وعامل حسابك عليه قبل ما تخش ملف بالسرعة دي
الحمد لله جت سليمة طالما مش حاسس ان العربية فيها حاجة

**ahmedsy** · 17-05-2011 08:24 PM

الحمد لله هوا انا طول ما كنت ماشى بالعربيه كانت سليمه بس و انا بدخلها الجراش سمعت صوت تكتكه بسيطه مع ان العربيه فى كذا ملف مسمعتش حاجه

**prisoner** · 18-05-2011 11:54 AM

المشاركة الأصلية كتبت بواسطة ahmedsy

يا جماعه انا النهارده كنت بشد مع واحد على طريق زراعى فاضى المهم عديت منه وكانت سرعتى تقريبا داخله على 140 وفضلت مكمل لكن الطريق كان عليه يو تيرن صعبه فهديت على قد مقدرت و دخلتها على سرعة 100 تقريبا وطبعا حسيت ان العربيه هتقلب خاصة وانا بعدل العربيه بعد الملف حسيت انها بتحدف فى الاتجاه التانى المهم فضلت ماسك الدركسيون لحد ما العربيه ظبطت انا مش فاكر تتابع الاحداث كويس لانها حصلت فى جزء من الثانيه يس الحمد لله ربنا ستر و عاهدت نفسى مش هشد مع حد تانى بس عايز اسالكم ايه تاثير ده على العفشة مع العلم ان العربيه لانسر كرستاله

اولا الف حمد الله على السلامة ثانيا انت قصدك منحنى والا يو تيرن لان فيه فرق كبير ، ثانيا موضوع الشد ده بصراحة مزعج قوى انا عايز اقولك عاهدت نفسى مليون مرة بسبب الحوادث اللى الواحد بيشوفها ويسمع عنها بس لما بتلاقى حد يروش عليك ربنا يبعد عنا شيطانا وافتكر لو اثر فى العفشة هتلاقى جلب مقصات علشان انت حملت عليهم كتير وعايز اذكرك ونفسى ان السواقة ملهاش كبير ربنا اللى بيسترها معانا تحياتى

**fouaa** · 18-05-2011 12:20 PM

حمدالله على سلامتك ومتقلقش العربيه مفهاش حاجه خالص هو انت بس عشان دخلت الملف وانت دايس فرامل لازم العربيه تحس انها بتروح اتجاه تانى خالص كان المفروض تدوس بنزين عشان تسحبها وعمرها مكانت هتنحرف وقدر الله وماشاء فعل والحمد لله انك بخير

**ahmedsy** · 18-05-2011 01:10 PM

الف شكر يا جماعه على الردود
استاذ Prisoner
ممكن تقول الملف ده على شكل حرف يو مفتوح او حرف L بس مكسور شويه وانا ان شاء الله مش هعمل كده تانى بس اعمل ايه الشخص اللى كان قصادى مستفذ بشكل رخم و خلانى اتهور و افقد اعصابى

استاذ Rallliart
هو ده تقريبا اللى حصل انا شوفت شوية فيديوهات و تقريبا اللى حسيت بيه كان هو ال UNDESTEERING

استاذ fouaa
انا اول ما دخلت الملف شيلت رجلى من على كله و فضلت ماسك فى الدركسيون كأنه ابويا

**hosammoner** · 18-05-2011 01:53 PM

الحمد لله انك بخير بس اكشف على بيض المقصات واظبط زوايا وان شاء الله هتلاقى كل حاجة تمام ومتعملش الحركة دى تانى بقى ههههههههههه يا رجل لاقيت نفسك اتزنقت كنت كمل على طول ولف من اليوترن اللى بعده يلا حصل خير ربنا يستر طريقنا كلنا

**ahmedsy** · 18-05-2011 02:48 PM

المشاركة الأصلية كتبت بواسطة hosammoner

الحمد لله انك بخير بس اكشف على بيض المقصات واظبط زوايا وان شاء الله هتلاقى كل حاجة تمام ومتعملش الحركة دى تانى بقى ههههههههههه يا رجل لاقيت نفسك اتزنقت كنت كمل على طول ولف من اليوترن اللى بعده يلا حصل خير ربنا يستر طريقنا كلنا

آمين يا رب
انا خلاص حرمت اشد تانى
وان شاء الله اكشف على العربيه قريب وربنا يسهل و ما يكونش فيها حاجه كبيره