ما معنى المسافة بين المحورين ؟

**El Prince** · 21-04-2008 06:10 PM

فى مواصفات السيارات أجد الطول و العرض والارتفاع ... كل ده مفهوم
لكن ما معنى " المسافه بين المحورين " و على ماذا يدل ؟
يا ريت حد يفيدنا
شكراً

**1.8Tee** · 21-04-2008 06:31 PM

أرجو أن الصورة دى تفيدك:

المسافة بين المسافة بين المحور الخلفى و المحور الأمامى....يعنى قاعدة العجلات.

تفيد أو تدل على مثلا عربية أطول من الثانية بس ممكن العربية الأقصر تبقى قاعدة العجلات بتاعتها أكبر من العربية الأطول :)

**fiatmomo** · 21-04-2008 10:54 PM

كلام سليم 100% .. واضيف ان مساحة قاعدة العجلات بتنعكس على مساحة المقصوره ( الصالون ) كلما كانت المسافة مابين المحورين كبيرة كلما اتسع الصالون . هية مش قاعدة عامة .. لان فى اشياء كتير ممكن تأثر على مساحة الصالون .. زى انسيابية السيارة وخطوط التصميم .

حاجة تانى طول قاعده العجلات بيأثر ايجابياً على اتزان و ثبات السيارة .

**mohamed ibiza** · 21-04-2008 11:00 PM

كلام سليم جدا جدا و قاعدة العجلات و المسافة بين المحورين تعتبر عامل مؤثر في ثبات العربية اذا كانت قاعدة العجلات عريضة و الوزن متوزع علي الاربع عجلات و مركز الثقل في المنتصف تستشف من الكلام ده ان العربية ثباتها علي الطريق عالي بدون دخول في عوامل الثبات الاخري لانها برا الموضوع

Ibiiiiiiiiiiiiiiiiiiiiiiiiiiiiiizzzzzzzzzzzzzzzzaa aaaaaaaaaaaaaaaaaa For Ever

**Dr Ahmed** · 22-04-2008 01:53 AM

وياترى زاوية إنغلاق الأفق الدائرى للمحور الأول مع التانى تتزامن مع توزيع ثقل الركاب وللا ملهاش علاقة بالعربية؟

ممكن تشرحوا بالعربى؟

**SEATLOVER** · 22-04-2008 02:02 AM

سيبك دة كلة كلام تجارى لبيع العربيات
لا طول قاعدة عجلات يعنى مساحة داخلية زيادة
ولا قصر مسافة محاور بيصغر العربية

الشركات بتحاول بس تديك فكرة عشان لو بتقارن مقارنة ارقام ..فتكسب هيا

**El Prince** · 23-04-2008 04:07 PM

أشكر جميع من ردوا من الاخوة

**ahmed1981** · 27-04-2008 08:44 PM

المشاركة الأصلية كتبت بواسطة Dr Ahmed

ممكن تشرحوا بالعربى؟

المسافة بين المحورين = طول المسافة من مركز العجلة الخلفية إلى مركز العجلة الأمامية
أو
ـــــــــــــــــــــــــ ــــــــــــ = طول المسافة بين النقطة التي تلامس الأرض في العجلة الخلفية والنقطة التي تلامس الأرض في العجلة الأمامية