عايز اروح المطار و جاي من الزراعي "بنها"
بعد اذنكو عايز شرح مفصل عشان انا مبسافرش كتير و ال اعرفه في الدائري نزلة المحور
عرض للطباعة
عايز اروح المطار و جاي من الزراعي "بنها"
بعد اذنكو عايز شرح مفصل عشان انا مبسافرش كتير و ال اعرفه في الدائري نزلة المحور
بص يا سيدي
هتاخد الدائري بس اتجاه المعادي اللي هو عكس اتجاه نزلة المحور
هتفضل ماشي ماشي لحد ماتنزل نفق السلام وبعد شوية هتلاقي نزلة المطار وكدة وصلت واهلا بيك في المطار
ههههههههه لو انت هتيجي من على الزراعي في اتجاه الدائري
يبقى هتسيبك من اول طلعة لان دي هتوديك ناحية المحور والمريوطية و6اكتوبر ولو على تاني مطلع ده بيوديك ناحية المعادي
والنفق بتاع السلام ده لو انت نزلت من تحتيه يبقى انت كدة ماشي صح
ولو سيبتك من النفق ودخلت يمين يبقى انت كدة هتدخل القاهرة والحرفيين بس هتلاقي المطار على ايدك الشمال
بس طبعا الخيار الاول احسن اللي هو تنزل في النفق احسن
وانت جاى من بنها يا باشا هتلاقى الدايرى طبعا معروف اوى هتطلع الطلعه التانيه مش اول طلعه كده يبقى انت طلعت الدرايرى فاتجاه المعادى وهتفضل ماشى معاه لحد متنزل النفق غصب عنك وتمشى بعد النفق بحوالى 4 5 كيلو كده هتلاقى دخلت المطار من على الدايرى واهلا بيك فالمطار
وانت مروح من المطار بقى هترجع فنفس الطريق بتاع المطار الى انت دخلت منو ده واسمو مخرج طريق السويس عشان متنساش وهتفضل ماشى فيه لحد متلاقى يفطه مكتوب فيها مصر الجديده مدينه نصر ودى هتلاقيها فاقصى اليمين هتخرج منها دى بطلع على طريق السويس اول متطلع طريق السويس هتلف اول يو تيرن وده هتلاقيه بالظبط على بعد 400 متر كده قريب جدا وهتمشى بعد متلف على طول هتلاقى الدايرى طبعا هتطلع من تانى طلعه وتفضل ماشى على طول لحد متلاقى نزلت اسكندريه الزراعى وانت عارف الباقى بقى
لخبطوني اهو بقى
واحد قالي النفق اجباري و واحد قالي بمزاجي:Ka_che1[1]:
انا هلاقي النفق بعد اد ايه لما اطلع الدائري
وسؤال لولبي بقى
مش انا لما اطلع على طريق السويس و الف و ارجع هرجع من مكان ما كنت جاي :grin54: :)
ولا هلاقي نفسي طالع على الدائري لوحدي
معلش انا بسال كتير عشان مبحبش اسال على الطريق
اول ماتطلع على طريق السويس في اتجاه مدينة نصر وكدة هيكون الدائري في ضهرك
هتاخد اول يوتيرن اللي هو هيبقى تحت الكوبري وترجع تاني وكانك كدة رايح على السويس هتلاقي الدائري في وشك هتطلع تاني طلعة برده زي ماقال fouaa ودي اللي بتروح ناحية الهرم لان اول طلعة دي بتروح المعادي والتجمع
بالراحه كده تانى:
هتطلع الدائرى شمال (يعنى تانى طلعه و هتكون عديت من تحت الدائرى) و تفضل ماشى كتير هتوصل للنفق عند مدينة السلام (النفق تحت طريق اسماعيليه الصحراوى)... من هناك فى مليون طريقه للوصول للمطار بس خلينا فى اسهل واحده
هتنزل النفق و تمشى بتاع 5-6 كيلو هتلاقى مدخل للمطار على اليمين تخش و تمشى حوالى 5-6 كيلو تانيين (مفيش تفريعات هو طريق واحد) و هتوصل عند بوابة الرسوم و تعيش فى المطار نفسه
النفق شمال بس متقلقش لأنه واكل الطريق كله ... هى حاره واحده اللى يمين بتطلع على الاسماعيليه الصحراوى ... يعنى امشى شمال فى اخر حاره او اللى جنبها مفيش مشكله