ازيكو يا احلى ناس ...
كنت عايز اشترى سماعات صب حلوة للبيت وتنفع برضه لاى مناسبات على الضيق
قوته مناسبة يقضى الغرض مش عايزه صوته عالى اوى ويقرف الناس والجيران .
ايه افضل ماركة ؟وصناعه ؟لانى اعرف انه فيه مضروب كتيررررررر
والاسعار كام؟
عرض للطباعة
ازيكو يا احلى ناس ...
كنت عايز اشترى سماعات صب حلوة للبيت وتنفع برضه لاى مناسبات على الضيق
قوته مناسبة يقضى الغرض مش عايزه صوته عالى اوى ويقرف الناس والجيران .
ايه افضل ماركة ؟وصناعه ؟لانى اعرف انه فيه مضروب كتيررررررر
والاسعار كام؟
ميزانية كام و يهمك صوت surround و لا قوة ؟
ماحد ش عنده سماعات ولا ايه ياشباب؟
زود حاجه بسيطه و هات كرييتف زفي مالركه تانيه اسمها تو بي في ناس بتقول عليه كويسه
Logitech 2.1 Stereo Speaker System S220 السعر 170 جنيه ... فى ماكسيمم هاردوير - سوق العصر ..
creative 4.1 أو 2.1 سماعات تحفة وسعرها حلو والصب بتاعها جامد جدا وضمان creative ممكن تعدى 200 بس تستاهل بقالها معاية أكتر من 5 سنين ماشاء الله وكأنها لسه جايبهاز
لسة شارى واحد ممتااااااااز فى سعره وفى آداؤه
الصوت قوى جداً ونقى ولما اجيب اخر الصوت مفيش زنة أو خروشة
اسمه gigamax 2.1 صينى طبعاً
والسعر 160 جنيه
سماعات Mazoori ممتازة جدا و فيه شركة واخدة توكيلها فى مصر
و دة الموقع http://mazoori.com
creative معايا من 7 سنين وشغاله تمام
انا نزلت عشان اشترى سماعات لوجيتك بعد نصيحة الاعضاء لفيت كل المحلات ولا واحد لاقيتها عنده ولاقيت اشكال والوان من السماعات(هاى لاين-جامبو-ماجيك-سلفر كريست-مازورى-فانتوم-اكس او- سونيك-الهامر- كرييتف - ميديا تك-وتو بى-وتايجر لاقيت منها اشكال كتير) بصراحة تهت وزادت حيرتى والموضوع اتعقد معايا وقلت ارفع السعر ل200 بس الانواع كتير واخايف اشترى حاجه تطلع مضروبه...
اتكل على الله التيجر ميه ميه بس اللى اعرفه ان الاصلى بتاعها غالى حبتين مش عارف يمكن علشان انا شاريه من بتاع 6 سنين
هامر سماعة كويسة عندي منة و عندي كمان صبين كبار اوي اسمة اكس زينون دي كانت ب 500 جنية سمعتين كبار اوي مقاس 12 و صوتهم جامد اوي
حضرتك روحت فين اللوجاتيك موجوده فى شركة ماكسيمم هاردوير - سوق العصر وعندهم الكرياتف برده وده رقمهم وعنوانهم لو تحب تتاكد :
العنوان : 50 شارع الخليفة المأمون - روكسى - مصر الجديدة (مول سوق العصر)
الدور الاول - محل رقم 123
الدور الثانى - محل رقم 203
التليفون : 22560220 - 0105799494 - 0100191916 - 0160771001
لو حضرتك من اسكندرية هما ليهم فرع فى الديب مول وممكن تطلبها شحن منهم وهيبقى بمبلغ رمزى وعموما لو الكرياتف قدامك اشتريها بدون تردد يكفى انها ماركة معروفه وليها سمعة عالميا بس اهم حاجة اتاكد من استيكر الضمان مكتوب عليه مترا وملصوق على العلبة وموديلها Creative Inspire T3130 2.1 وسعرها 190 جنيه وخلى بالك ان الانسبير افضل فى جودة الصوت بفارق ملحوظ من الموديل الاخر SBS فى الكرياتف ......
انا شخصيا مش بفضل ال 4.1 لانها مفهاش سماعة فى الوسط بالاضافه الى ان الانسبير t3130 صوتها افضل بس اهم حاجة تتاكد من وجود استيكر الضمان لان فى منها مغشوش بالتوفيق ان شاء الله ....
تسلم ياباشا ,,وانا اضطريت اجل الشراء لبكرة اللى هو التلاثاء. وحدور على كريياتيف t3130 ولو انى حاسس انى مش حلاقيه.ولو مالاقتوش حخلينى فى التايجر او المازورى وان شاء الله اقؤلكم اشتريت ايه اخيرا .
اخيرا وبعد لف وبحث طويل وبناءا على نصيحة بعض الاخوة الاعضاء,وبعد مفاضلة بين التايجر والمازورى ,
اشتريت سماعة mazori x600 عبارة عن 1*2 معاها ضمان سنتان والانطباع الاول جيده جدا ولكن الاداء يقل قليلا مع تعلية الصوت على الاخر وان كنت اعتقد ان قدم كارت الصوت هو السبب.لكن لا باس مع سعر 150 جم.
انا بشكر كل الاخوة اللى تكرموا بالرد فى الموضوع ,واعتقد الموضوع حيبقى مرجع كويس للى عايز يشترى سماعة صب.
وبالتوفيق للجميع,,,,
الف مبروك اخى الكريم على الصب ربنا يباركلك فيه وتتهنى بيه باذن الله ...
الله يبارك فى حضرتك ,,واحب اشكر حضرتك على المتابعه الفعاله...
وربنا يصلح حال مصر ويوفقنا جميعا