الموضوع: اسكندريه عججججججججججججججججججججججوز البحر المتوسط !!

الراجل ده المفروض يتحاكم لانه خرب اسكندريه عن طريق السماح لمخالفت البناء بالاستمرار مما تسبب فى زحمه شديده وضغط على المرافق لا تستطيع تحمله لانها تعبانه اساسا ومكنش معمول حساب الهبل اللى عمله المحجوب فتلاقى عمارات طالعه 15 دور فى شارع عرضه 3 متر وطبعا الناس عندها عربيات عايزه تركنها طبعا الكلام ده جريمه لان مش من حق حد مخالفه القانون ولو الكلام ده حصل فى دوله محترمه كان زمان سيادته فى السجن او بالاحرى مكنش حيقدر يعمل كده اساسا لكن احب اوضح ان الراجل والله اعلم مخدش حاجه فى جيبه من الناس اللى بنوا العمارات دى لكن كان المقابل هو تجميل ميدان او دفع تبرع للمحافظه يترصف بيه شارع لكن اللى حصل ده غلط كبير وطبعا فيه ناس مش حيعجبها الكلام ده لكن اللى انا متاكد منه ان الراجل ده اكذوبه كبيره الناس مغشوشه فيها لا يعرفون كم من المصايب تسبب فيها وستظل اثارها لفتره طويله جدا جدا جدا وبكره الناس تعرف الحقايق ويعرفوا انهم كانوا مخدوعين

الراجل ده المفروض يتحاكم لانه خرب اسكندريه عن طريق السماح لمخالفت البناء بالاستمرار

انا معاك انها اتحسبت غلط لكن ، الكون اتعمل فى 6 ايام ، يجى واحد عايز يصلح كل حاجة فى يوم وليلة، طب محمد نجيب اتعمل و بعد 3-4 ايام صحيو من النوم و اكتشفوا الغلط و راحوا كسروا تانى :?: :?: ، المحجوب عمل اللى يقدر عليه باللى كان فى ايده و ده احسن ما ينام فى الخط بحجة اللى معاهوش ما يلزموش
الواحد بيحاول انه يصبر على المحافظ الجديد بس بصراحة و مع المصيف الاسكندرية اللى هى احلى مدينة فى نظرى اصبحت مش قادر استحمل اللى بيحصل انا ساكن عند نفق سيدى بشر و بعدى كل يوم على محمد نجيب و اقول يارب يكون النفق اشتغل يرحم الناس عند المزلقان و دلوقتى حتى التقاطع مع عبد الناصر وقف طيب يعنى الناس تقعد فى بيوتها لحد ما الشوارع تتصلح :twisted:

طيب حد يقولى لما الثانوية العامة تخلص هيبقى شكل البلد ازى و الشوارع بالشكل ده :?:

حسبنا الله ونعم الوكيل .. الواحد معدش عارف إيه إللى بيحصل .
عموماً مشكلة مصر كلها سوء الإداره وعدم إستغلال الموارد الإستغلال الأمثل .

المشكلة فى الابراج العالية مش بس اماكن ركن العربيات ده فى مكل حتصل فى الخدمات كمان
شبكات المية والصرف الصحى مش متصممه علشان تستحمل الضغط ده
ربنا يستر

المشكلة فى الابراج العالية مش بس اماكن ركن العربيات ده فى مكل حتصل فى الخدمات كمان
شبكات المية والصرف الصحى مش متصممه علشان تستحمل الضغط ده

يا ريتها تيجى لحد كده بس تخيل لو لاقدر الله زلزال جامد شوية خبط اسكندرية
ساعتها اسكندرية ستتحول الى كومة تراب بسسب ناطحات السحاب اللى فى الزواقيق اللى هتنام على بعضها
وسلملى على المحجوب

المحجوب هو فعلآ أكثر من خرب فى الأسكندرية
وللاسف بالوضع الحالى والأخطاء العديدة الموجودة حاليآ مقدرش اقول ان لبيب هو طوق النجاة

:( :( :( :( :( ربنايتولانـــــــــــــــــــــــــــــــــا:( :( :( :( :(