الموضوع: موضوع نسيت أكلمكم فيه فى المقابلة !!!!!!!!!!!!!!

المشاركة الأصلية كتبت بواسطة moha4tec

خليه يجبلك سوست ايباخ للعفشه لو ناوى تهبط و عاوز ثبات و مرونه فى الغرز على سرعات و فى الملفات و نعومه و يجيبلك البارز بتاعة الترا ريس لو عاوز ثبات على سرعات و فى ملفات و طقم كاوتش بريدجستون او اى نوع يابانى او المانى كويسين بريلى او جود يير او بتاع المرسيدس المقاس اللى قدام زى ما هو و اللى ورا تجيبه 245/40/17 فردتين فقط و روح لاى مركز كاوتش بريدجستون او بنزينه بس حد فاهم وروح بالعربيه و اساله المقاس ده يركب على ال 17 بتاعك و الا لا و فى مقاس تانى احسن 275/35/17 بس لو ينفع يركب عندك بس فى العجلتين اللى ورا فقط يبقى اشطه هتعرض المقاس بتاع الكاوتش من غير ما تغير فى سمك الكاوتش او ارتفاع العربيه و هتزود الثبات و هتقلل التعويم جامد على السرعات العاليه
و لو هتجيب جى بى اس هاته بالكفر بتاعه بس لازم تعرف عندك انت دبل دن و الا دن واحد بس عشان متلبسوش
و ممكن تجيب اعتاب بتنور او مبتنورش و مكتوب عليها كيا او فورتى اعتاب داخليه طبعاو ممكن تجيب بدى كيت حلو او فوانيس متعدله زينون و عدسات و حركات و ليدات خلفى و امامى
و ربنا معاك و لو عرفت اسعار اى حاجه من دول و عاوز تجيبهم و تخدمنا فيها يا ريت تقولنا اسعارهم و ربنا يوفق و متشكرين جدا
و نصيحه متكترش فى الطلبات على عمك عشان ممكن ينفضلك و لازم تقوله على اللى انت عاوز بدرى قبل ما يسافر بمده عشان متزنقوش فى الوقت و يعرف يجيبلك الحجات صح و يعرف يلف عليها
و السلام ختام

حبيب هارتى محمد بك ........... واحد من النمور إللى كنت مستنيهم ينوروا الموضوع - بس أنا عايزك تاخدنى على قد عقلى و واحدة واحدة كده تفهمنى كل الحاجات الفظيعة الخطيرة إللى قولت عليهم و ياسلام لو فيه صور كده بقه و لا فيديوهات و يا حالوللى لو عرفنا أسعار الحاجات ده هنا نقدر نقارنها بأسعار بره و ماتنساش إنى لو كتبت الليستة ده و قولتها لعمى بجد هيبقى و ساعتها مش هأقدر أقول ده حساسية و لا إلتهابات و لو ضغطوا عليا فى التحقيقات هاقول على كل حاجة و هاقولهم إن إنت السبب دا أنا ممكن أبيع البلد مع أول طبق شوربة و لا فتة ....................... ياااااااااااااااااااااااا اااااه والله جوعت .

همتك معايا يا أبو حميد علشان نقضى المصلحة ده و أنا تحت أمرك و أمر أى ( حد ولا صديق و لا أخ ولا ........ ) مش عارف أقول عليكو إيه بس لإن مهما عملت مش هأقدر أرد و لو جزء بسيط من جمايلكم والله .

صحيح بالنسبة لموضوع الكاوتش و الجنط أنا أصلا عربيتى كانت بجنط 17 بس أنا إسترط على المعرض وأنا بشترى إنه يغير بجنط 16 فإيه رأيك بقى ؟؟؟؟؟؟؟؟؟؟؟؟

أخيرا ............ أنا ملاحظ إن موضوع التنفيض دا كتر أوى و فى ناس كتيرة عمالة تحذرنى منه هو فيه إيه هو حد كلم عمى قاله على المخطط بتاعى و لا إيه ,,,,,,,,,,,,,, هل يوجد بيننا جواسيس معاهم لاسلكى طب هقول لكريم منير

المشاركة الأصلية كتبت بواسطة medoakef

انا رئيي الشخصي يجيب لك موتور 2.4 و عفشته كمله و يجيب لك كات كامل و طقم سوند كريادف او سوني الي يلقيه و طقم جنوط 18 o.z اوريجينال طبعا احدث صيحه تجيب اسمها من الموقع و تقول له عليها(طب هتجيب اغلي واحده ها ها ها ها)
لا نتكلم جد
زينون اوكش جي بي اس غالي بس برحتك و يجيب لك يا معلم dvd 7 بوصه تعيش معاه حاجه اوريجينال و هتعمل معاك احلي شغل
و لو هيعرف يجيب لك طقم بوجوهات بسلكها بردو اشطا
و علي فكره السيراتو بتنزل بره عدسات و عدسات متحركه كمان(ادامي 2 استيراد ب900 جنيه بزينون اوريجينل يا بلاش بس مش هشتريهم بردو!) لو يعرف يجيب لك الفنوسين الادام او الي ورا يبقا كدا تمام اوي لكن مش بعيد يجبهملك و في الاخر يقول لك يا شريف يا حبيبي انا هحتاج عربيتك ال6 شهور الي انا اعدهم هنا و طبعا انت مش هتبخل عليه زي ما هو مبخلشي عليك!

حبيبى الغالى و الله فكرة أنا أخليه يجيبلى عربية جديدة من بابه و نخلص علشان تبقى فابريكة
كل كلامك زى الفل بس عايز تفاصيل أكتر الله يكرمك يعنى أنواع الزينون و أرقام اللمبات كده يعنى كذلك أنواع الDVD و GPS و هكذا موضوع البوجيهات ده فكرة جامدة برده بس أنهى نوع يعنى .

إيه موضوع العدشات بالزينون إللى قدامك دول يعنى لو فيه فرصة تصورهم أو تجيبلنا صورهم و نحاول نشوفهم لو كويسين أنا شايل بس سعادتك بتقول إنك برده مش هتشتريهم هما غاليين شويتين و لا حاجة !!!!!!!!!!!!!!!!!!!!

نيجى بقه لزتونة الموضوع و مربط الفرس : سعادتك عرفت منين إنه هيقعد فى مصر 6 شهور .......... أكيد أنا قولت أو إنت عرفت منه و أنا ما قلتش يبقى عرفت منه يعنى كلمته و قولتله على المخطط بتاعى و هوه قالك إنه هيجيب الحاجة و مش بعيد ياخد تمنها و فى الأخر ياخد منى العربية فترة أجازته هنا فى مصر و ممكن يهربها على الكويت و أنا ماعرفش ............... أنا دلوقتى بقيت زى عمى بعد ما يسمع الليستة إللى هطلبها منه و عرفت إن إنت معاك لاسلكى ................هجووووووووووووووو وووووووووم يابوليييييييييييس ............. يا شاويييييييييييش

المشاركة الأصلية كتبت بواسطة ghazy12

بما اني كنت من سكان الكويت سابقاً, و بما اني مولود هناك كمان,
يبقى لازم و لابد اني اقولك تجيب ايه من هناك بحكم ان انا و عمك طلعنا جيران :))

قبل اي حاجه لازم تقوله يسلملي على الكويت لانها واحشااااااااااااااني جداااااااااااا
و ماتسألنيش يسلملك عليها ازاي لاني اكييد ماعرفش... ههههههههه

شوف يا شريف باشا و في رأي دول الأهم و اللي هيفرقوا معاك...

- زينون محترم كامل بالفوج لايت (علشان شكلها بيبقى وحش لو الفوانيس بس)

- cd-double din مع gps و بيبقى فيه dvd و بلوتوث :))

- لو موجود في الكويت العتب بتاع الباب اللي بينور يبقى جااامد جدااا

بس كده يا باشا... و ما تتقلش على عمك علشان ممكن يغير رأيه
و ماينزلش الاجازه دي اصلاً بعد الطلبات البسيطه دي... هههههههههههه

تقبــل تحيــاتي, و ربنا يجيب عمك و اسرته بالسلامه ان شاء الله...

وسع يا بنى الكبير وصل .................... غازى باشا يعلم الله أنا أحبك فى الله قد إيه و سعيد جدا بمعرفة سعادتك و على قكرة واضح إن إحنا مش بس جيران فى المنتدى دا إحنا كمان كنا جيران فى الكويت لإنى عشت هناك فترة كبيرة قبل ما نرجع مصر ............ موضوع إنى أسلمك على الكويت إزاى ده ممكن نعمله موضوع منفصل على الإجتماعى و ناخد أراء الناس بس يارب ألحق أبلغ عمى قبل ما يرجع بس !!!!!!!!!!!!!!!!!!!!!!!!!!!!!!!!!!!!

ثانيا متشكر جدا لتعبك معايا و على إقتراحاتك إللى إعتبرها خلاص إتنفذت ( أمر و نفذ يا كبير ) بس زيادة فى التعب و الغلاسة منى لو فيه صور (خصوصا للgps و كذلك العتب ده) أو أسعار أو حتى تقولى ممكن أسأل فين يبقى يعنى كده شغل فنادق و لوز اللوز .

ياباشا نورتنا الحبة الصغيرين دول و تحياتك مقبولة عصب من عن عينى ........... أنا أقدر برده فبلاش تقول الكلام ده بالله عليك لإنك غالى عندى أوى يا غازى باشا

المشاركة الأصلية كتبت بواسطة abouleila

يعنى ايه نسيت طبعا ما انت مكنتش مركز معانا عنيك كانت على حاجه تانيه ....

بص ياشريف انا مش بحب الزينون اصلا فمعرفش عنه اى حاجه

اما ال dvd اللى اعرفه اننا نسال محمد سعد ونشوفه جابه ل ادهم اى نوع فى فيلم ( اللى بالى بالك )

ايه رايك فى الافادة دى

المشاركة الأصلية كتبت بواسطة m7amd_7amdy

هههههههههههههههه الله يجازيك يا أبو ليلى

فعلا مكنش مركز :d

بص ياسيدى اللى أقدر أقولهولك ان شوقى هو اللى ممكن يفيدك فى الموضوعين دول :)

بس كده :d

ماشى ماشى هتتفقوا عليا إنتم الإتنين ماشى يا حضرة العمدة ماشى ياعم حمدى مش كفاية إتفقتوا سوا و هربتوا شحنة المشبك سرا و لا من شاف و لا من جرى و قولنا و ماله بألف تريليون هنا و شفا على إللى هياكله

ماشى يا عمدة بتشردلى و إنت يا عم حمدى بتيجى فى صف العمدة شكلك طمعان إنه يعينك نائب ليه دا أنا أروح أبلغ بيت أبو سويلم و نلم أهل البلد و نروح نتظاهر جنب الفسئية لحد ماتقولوا وديتو المشبك فين

أما بالنسبة للديفيدى أنا ممكن أسأل أدهم فعلا أو مامته أكيد هيعرفوا و لو مش كده أكلم بقى محمد سعد أو حسن حسنى أو حتى وائل إحسان أهو كان برده مخرج الفيلم و أكيد هلاقى عنده معلومات برده .

بالنسبة يا عمدة للإفادة فكل إفادة مهما كانت بجانب معرفتك فهى و لا شىء دا إنت 100 100 مش عايز نائب ليك:b4_611: بقى
أما بالنسبة لمحمد حمدى فهو المسئول عن معرفة كل تفاصيل ال dvd و الزينون من شوقى بك و إلا .......... مظاهرات عند الفسئية عدل

المشاركة الأصلية كتبت بواسطة normal

+1
أنا متفق مع غازى الصراحه
وأحلى تحيه لشباب المقابله السيراتويه :)

أنا متفق معاك طبعا يا نورمال باشا إنك متفق مع الغالى غازى باشا و إحلى تحية و سلام لشباب المقابلة اللى طلعت سيراتوية تيريوسية مشتركة مع إننا كان نفسنا تبقى كياوية تيريوسية مشتركة بس معلش ملحوقة ..........

نيجى بقى للجزء إللى أنا زعلان منك فيه : ما ينفعش واحد بحجمك و بخبرتك يمر كده مرور الكرام العاديين خالص بدون شرح وافى مستفيض ياراجل دا أنا بستنى مشاركاتك بالخصوص لإنى ببقى مستمتع و مبسوط و أنا بقرأ كلامك تقوم إنت تيجى عندى و هما جملتين بالعدد و منفضلى على الأخر ( يعنى التنفيض ده ألاقيه من عمى و لا منك ) لا ياراجل ما كنش العشم