صيانه ال15000 لعربيتى الساجا
السلام عليكم
اعضاء نايل موتورز الكرام
امبارح روحت عملت صيانيه ال15000 فى التوكيل عربيتى ساجا اوتو 2010
كان عندى مشكله بس مش بتحصل ديما حصلت مرتين ثلاثه ان الفتيس كان بيقفش و مش بيرضى يتحرك لازم اعافر معا!
فقولتلهم عليها فى الصيانه بس بعد مستلمت العربيه لقيت ان الفتيس بقى
انعم من الاول بكتييير جدا!!! بقى بتحرك من اللمس؟!! و ديه حاجه قلقانى جدا حاسس انى ممكن ينزل لوحده على الغيار وانا سايق؟!
هل كده يبقى فيه مشكله
العربيه ماشيه تمام و كل حاجه بس انا مش عارف ليه حاسس ان الفتيس فيه حاجه مش مظبوته؟!
الاول خالص كان ناعم بس مش بالشكل ده
حاجه تانيه انا بقيت بحس ان العربيه بتحدف يمين
ايه احسن مكان اظبت بيه زوايا؟
و لا اعملها فى التوكيل احسن؟
سالتهم فى التوكيل امبارح قالولى ان محدش برا بيظبت زوايا كويس؟
اخر سؤال لسه مفيش حل للبنزين
انا العربيه بتعمل معايا 10 لتر 100 كيلو فى العادى يعنى طرق مش زحمه اوى + على طريق سريع
و11 لتر فى 100 كيلو و انا مشغل التكييف
شكرا جدا ليكوا و ربنا يكرمكوا انشاء الله
م/محمود