تابلوه ابيزا

**SYD** · 18-05-2011 01:29 PM

السلام عليكم ورحمة الله وبركاته
انا عندي كونسول التابلوه تحديدا الاطار الي فوق الكاسيت وهوايات التكييف اتكسر تماما والمفاتيح الي علي الشمال كلها وقعت ماعدا طبعا مفتاح الزجاج الحراري
انا عندي القطع المكسورة، هل لو لزقتها هينفع تاني ولا لازم اغير تابلوه كامل؟؟؟؟
هل الكونسول دة بيتباع لوحده؟؟؟؟؟؟
طب هل الاطار البلاستيك دة بيتباع لوحده؟؟؟؟؟؟
ارجو الافادة الله يخليكم
والله المستعان
،
،

**alzelafy** · 18-05-2011 07:35 PM

كلام مظبوط و اسعار مضبوطه ميه الميه

**SYD** · 19-05-2011 04:00 AM

المشاركة الأصلية كتبت بواسطة behman

الحوار بتاع الفريم او الكونسول ده غلس جدا و مشكله في البولو الابيزا
خامته ضعيفه و لوغيرت الكاسيت مرتين تلاته هايكسر
و ممكن تجيبه لوحده بس صعب اوي و هاتلف كتير عليه و هاتشتريه غالي 200 ج ممكن او اكتر
انا غيرت التابلو كله بسببه و مالقتش الفريم ده لوحده ... جبت التابلوه من غير العدادات ب 500
و بالعدادات 600 ... بس تابلوه محترم بكل حاجته و سماعاته و زراير الازاز ... عليه طبقه جلد اسود بينزل في السيات النقل
و في التابلو الفايبر كله ... بيعمل نفس السعر تقريبا او اغلي شويه
و الكلام ده موجود في الحرفيين كتير ... لو عايز تدور علي الفريم بس انزل الوكاله و شوف هناك

يعني يا باشا تفتكر احاول الحم والزق فيه ولا هتفكس ؟؟؟ وزي مابيقولوا شرا العبد ولا تربيته
ولو هغير طب اعمل ايه في التابلوه الي عندي ؟؟ تفتكر حد ممكن يشتريه ؟؟؟

وارجوك لو تقولي جبته من عند مين بحالة نظيفة زي الي حضرتك بتحكي عليها ؟؟؟
انا عندي 4 زجاج ومرايات كهربا ومفتاح يعلي ويوطي الاضاءة

انا شوفت واحد زميلي لازق علي الكونسولة دي في عربية فورد لزقة شكلها جميل اوي عاملة زي المشمع وقالي في منها ابانوس واسود ورصاصي مقلم اسود وحاجات حلوة اوي تفتكر دي ممكن تبقي حل ارخص وعملية ؟؟؟

ارجو الافادة لأن التابلوه شكله زبالة عندي من غير الكونسولة

والله المستعان
،
،

**matrix012** · 19-05-2011 12:24 PM

المشاركة الأصلية كتبت بواسطة behman

هاتلاقي الحاجه دي عند ابو شهد ... في الشارع بتاع الياباني اللي اوله نزله كبيره واللي فيه رضا جولف
انا هاجيبلك الرقم بتاعه من واحد صاحبي عشان تسأل
و احمد رضوان بس بيبيع غالي شويه في الشارع اللي قبله
و عموما هاتلاقي الحاجات دي في الحرفيين او الوكاله عند ناس كتير
و التابلوه من غير الفريم او الكنسوله دي مالوش لازمه عشان هي اللي بتبوظ فيه
و موضوع التلزيق ده فعلا فاكس ... مع الشمس هايبوظ وشكله هايبقي عاااار
ممكن تخترعلها اي حركه تتحط علي الكنسوله او تغطيها بحركه روشه

انا اعرف ابو شهد هوا كويس جدا واسعارو كويسه وعموما هوا عند نزلة الرحانى هيا مشهوره هناك قصاد منو محل احمد وعلى بتاع الاوبل هوا عامل يافطه كبيره وعموما يا ريت يا باشا لو روحت هناك قولى التابلوه عمل كام علشان انا كمان عاوز واحد وربنا يكرم

**SYD** · 20-05-2011 09:04 PM

انا فعلا لقيته ب500 جنيه عندنا في فيصل علي المريوطية من غير عدادات
ولقيت الكونسول بس ب 350 جنيه
فكرت اشتري التابلوه كامل من غير عدادات واستفاد بالدرج والدرج الي تحت الدركسيون لأنه مكسور بردو عندي وهواية التكييف الي في اقصي اليمين ولو في سماعات تبقي مصلحة
والله المستعان
،
،

**SYD** · 21-05-2011 06:06 AM

علي فكرة انا عرفت ان الكونسولة بتباع عند الشركة الهندسية في شارع رمسيس محطة غمرة جديدة نوفي ب220 جنيه

**SYD** · 22-05-2011 11:35 AM

المشاركة الأصلية كتبت بواسطة syd

علي فكرة انا عرفت ان الكونسولة بتباع عند الشركة الهندسية في شارع رمسيس محطة غمرة جديدة نوفي ب220 جنيه

المشكلة حضرتك اني مجرد سمعت لسة مش متأكد من السعر اول لما هتأكد هقول لحضرتك فوراً

والله المستعان
،
،

الموضوع: تابلوه ابيزا

LinkBack

أدوات الموضوع

عرض

تابلوه ابيزا - انشر الموضوع فى :

-

-

-

-

المواضيع المتشابهه

سعر تابلوه ابيزا 2000 يعمل كام ؟

تابلوه ابيزا 1998 مميزاته وعيوبه وكيفيه تركيبه

امكانية تركيب تابلوه ابيزا mk3 على ابيزا 94 !!!

تابلوه ابيزا 94

اجزاء من تابلوه ابيزا 98 للبيع

الكلمات الدلالية لهذا الموضوع

المفضلات

المفضلات

ضوابط المشاركة