أنا حأحكي عن طريقتي أنا في ضبط التاكيهات و دي أللي شغالة معايا 100%
بس خد بالك فيه ناس ليها طرق مختلفة مثلا أنا شفت ناس بتظبت التاكيهات و الموتور ساخن و حاجات تانية ليها العجب
عموما العملية مش صعبة بالعكس هي سهلة و عايزة شوية دقة و خلاص
نبدأ علي بركة ألله:
طبعا لازم الموتور يكون بارد تماما يعني أول ما تصحي من النوم و الموتوسيكل بايت طول الليل مطفي طبعا
أول حاجة تفك التانك طبعا بعد ما تقفل الحنفية و تخلع الخرطزم بحرص
بعد ذلك تفك وش التاكيهات بحرص برضه علشان ما تقطعش الجوان و الوش بيكون عادة بأربع مسامير
تعشق الفتيس علي الرابع علشان تعرف تلف الموتور علي الوضع صفر (ده الوضع اللي يكون فيه الكامة أفقية تماما) و بعض المواتير تلاقي فيها مؤشر عند وش الكهرباء لتوضيح النقطة دي
تبدأ بتاكيهات البنزين (التغذية) و دي أللي بتكون ناحية الكربيراتير
نفك الصامولة بتاعة التاكيه ثم بمفك عادة نلف المسمار (بعد وضع الفيلر تحته علي القراءة الموصي بها)
عموما أنا بأستعمل .4 للبنزين و .6 للعادم
نلف المسمار حتي يصبح الخلوص (المسافة) بين المسمار و الصباب يادوبك علي حجم الفيلر ..... خد بالك مايكونش مجرح في الفيلر و في نفس الوقت يعدي منه
و نكرر نفس الأمر مع تاكيه العادم بس بحجم .6 و بعدها تلف العجلة لتحرير السلندر أللي بعده
و هكذا حتي تنهي العملية
و بعد كده تنظف الجوان الكاوتش من أي زيت أو أوساخ و لو الجوان مبهدل أو بيرشح زيت من الأفضل تغييره أو علي الأقل لذقه بسيليكون
تربط مسامير وش التاكيهات و تركب التانك
و مبروك
طبعا أنا شرحت أللي أنا بأعمله بس لا تقم بهذا العمل ألا لو رأيته قبل ذلك بعينك و عندك مقدرة علي الفك و التركيب و التعامل بحرص و صبر مع الأجزاء الميكانيكية
المفضلات