الموضوع: صوت كركبه فى العفشه حاسس انه من علبة الدركسيون

عربيتى لانوس 2 مو2000 ماشيه حاليا 130000 واخر صيانه فى التوكيل عملتها على 120000 كم
لما بمشى فى شارع مكسر بسمع احيانا صوت كركبه فى العفشه حاسس ان مصدره علبة الدركسيون
والسؤال الاول هو لو كانت علبة الدركسيون محتاجه حشو سعر الحشو الاصلى كام وهل الحشو عملى ولا تغيير العلبه افضل وتمنها كلها كام ولو مكنش صوت الكركبه من علبة الدركسيون ممكن يبقى من ايه اصلى بصراحه مش واثق فى اى صنايعى ومش عايز حد يعمل عليا شغل وحاسس انى لو رحت التوكيل بسبب العفشه هدفع مبلغ وقدره
السؤال التانى بسمع احيانا لما بتنزل العجله الشمال فى حفره بسيطه بصوت طقه فى المساعد دى اعمل فيها ايه مع العلم المساعدين حالتها كويسه
السؤال الثالث ايه رأيكم فى الكسوة السجاد للكراسى سعرها رخيص وشكلها معقول وسهلة الفك والتركيب والغسيل
وشكرا ليكم

شكرا للاهتمام استاذ ممدوح احنا دايما تعبينك معانا وعلى فكرة انا اتصلت النهارده بالتوكيل وسألتهم الكشف على العفشه يكلف كام قالى 110 جنيه فقلت حرام مجرد الكشف ادفع المبلغ ده امال لو صلحوها هياخدو كام ومع ذلك خايف اروح لعفشجى غشيم يفتح فى حاجات كتير بدون داعى لان صوت الكركبه مش مسموع قوى يعنى ايه رأيكم