فلو ماك - قاطع تيار كهربى عن موتور المياه عند انقطاع المياه
اقتباس:
المشاركة الأصلية كتبت بواسطة gelgel2004
السلام عليكم
اعتذر عن عدم الرد سابقا لظروف خاصه
1 - عنوان الحرمين فى نص شارع هارون على اليمين - لو سالت الف هيدلوك.
2 -م محمود خلوصى 26244929 - كلمه الاول علشان الحاجه بتخلص بسرعه.
3 -موجوده عند الحرمين.
4 - بند 2 و 3
5 ده تجيبه من شارع الجمهوريه و اسمه فلوماك و التوصيله بتاعته سهله كلمنى بس الكهربائى اللى يعملها او تبلغنى اجيلك اعملها و سعره متوسط 200 جم و متجبش الصينى باى حال من الاحوال.
و برضه متنساش الفلتر البلاستيك على العمومى علشان يحافظ على الاجهزه و الاوتوماتيك - عن تجربه .
و انا فى الخدمه لاى معلومات عن التشطيبات و الاجهزه الكهربيه.
مبروك تانى و سامحنى للتاخير فى الرد
دمت بود:b4_611:
السلام عليكم و صباح الخير
انا تحت الامر و الطلب و يسعدنى جدا خدمه الزملاء بالمنتدى الغالى - و اى حد عاوز افكار للتشطيبات و الديكور و شراء الاجهزه الكهربيه المنزليه - انا تحت امره سواء على صفحات المنتدى او على الخاص او الايميل الخاص بى GALIL2004@HOTMAIL.COM - و المعاكسات التليفونيه بعد 7 مساء ان شاء الله.:grin54:
انا نزلت صور الفلو ماك ( قاطع كهربائى و اوتوماتيك لموتور المياه فى نفس الوقت - ارجو متنسوش فلتر البلاستيك قبل التركيب ضرورى علشان المحافظه على الجهاز و طريقه التركيب كالاتى :-
ركب الزور اللى بيركب فيه العداد بتاع الضغط و البلونه فى الموتور مع استخدام التفلون بدل الخيش .
2 ركب عداد الضغط .
3 - المكان اللى هيركب فيه الاوتوماتيك عباره عن ذكر قلاووظ خارج لبره - ده موش هنحتاجه طبعا و لازه نطببه - نروح للخراط و نعمل طبه نحاس محترمه - لو الخراطه نظيفه و النحاس تقيل تتكلف من 10 الى 15 جم- او يكلمنى ابعتله واحده.
4 نركب البلونه و يا حبذا نوع ايطالى مضمون.
5/ الخارج بتاع الموتور اللى طالع من الموتور يمشى 1/4 متر مواسير بولى 3/4 بوصه و نركب لاكور تجميع علشان لو اى صيانه مستقبليه نعرف نفك من غير مشاكل .
6 / نركب الجهاز الفلوماك و بعديه محبس 3/4 محترم.
كده الاعمال الصحيه تمام مع ملاحظه انه احنا مركبين لالفلتر ال 3/4 بعد مدخل العداد و بعديه شيك بلف ( صمام عدم الرجوع ) بنوع ايطالى محترم ماركه يورك مثلا.
الاعمال الكهربيه لتوصيل الفلو ماك
1 لو عاملين مفتاح بلوحه الكهرباء نخليه 10 امبير .
2/ المسافه اللى هتمشى من مفتاح التشغيل لحد الفلوماك لحد 15 م طولى نستخدم سلك ترموبلاستيك ( معزول ) 2 لون احمر * اسود او بنى * ازرق و القطر مايزيدش عن 1 ملم - كفايه جدا و لو المسافه لحد 25 ملم يبقى 1.5 ملم و لو اكثر يبقى 2 ملم .
الفلو ماك له فتحتين دخول الاسالاك الاقرب للموتور ( علبه الكهربائ اللى بتبقى فوق الموتور - تدخ الاول و لازم و حتما نبقى عارفين انه واحده فرده الكهرباء غالبا بيبقى لونها احمر و الارضى اسود - .
3 ناخد الفرده بتاعه الكهرباء اللى جايه من لوحه الكهرباء او من مالمفتاح اللى انت واخد منه الكهرباء و ندخلها للفلوماك و بعدين نركب الكلبس البلاستيك - جاى معاه- و بعدين الترمل النحاس و بعد مانغطيه بالكلبس البلاستيك ندخله على البورده و مكتوب عليه L ) يعنى الكهرباء الحيه او خط الدخول . و نعمل نفس اللى عاملناه فى الكهرباء مع الفرده الارض و ندخله على N - اى النيوترال او الارضى .
4 ناخذ كهرباء سلك الكهرباء اللى خارج من الموتور و ندخله على L1 - اى كهرباء 1 و الارضى بتاع الموتور على N1
5- كده كله تمام نقفل غطاء البورده و نفتح المحابس و نطمن انه مافيش تسريب و بعدين نوصل الكهرباء
6 لو المشوار بين الموتور و الشقه بعيد نعلى الضغط بتاع التشغيل و لو المشوار قصير 10 م مثلا نوطى الضغط من مسمار الضغط اللى باين على الفلوماك من بره.
و لو حد عايزنى معاه انا فى الخدمه
دمتم بود و اليكم الروابط
http://www.nileup.com//uploads/image...7d17eb889a.jpg
http://www.nileup.com//uploads/thumb...7d17eb889a.jpg
ظ…ط±ظƒط² طھط.ظ…ظٹظ„ ظ†ط§ظٹظ„ ظ…ظˆطھظˆط±ط²
http://www.nileup.com//uploads/image...7d17eb889a.jpg