عايز رأيكم ضروري في مشكلة مكلفة حصلت لي النهارده
انا عربيتي يا جماعة عاملة 25000 كيلو و حصل اني كنت ماشي بالعربية رايح مشوار بعيد لغاية ما لقيت العربية مشيتها مش طبيعية
فنزلت لاقيت العجلة اليمين ورا علي الجنط و فيها خرم ضبة و مفتاح
فلاقيت واحد بتاع كاوتش قريب من المكان اللي كنت فيه ففك العجلة بالجنط و ركبنا الاستبن بالجنط بتاعه
فأنا دلوقتي مش عارف اعمل ايه لأني كده يعتبر معنديش استبن
فكنت بفكر اشتري اي كاوتش اندونيسي او تايلندي و برده يكون حاجه محترمة بس ميكنش غالي زي البريدجستون و اخليه استبن
و بعدين لما اجي اغير الاربع فرد هبقي اشيل العجلة اللي ورا البريدجستون اللي ركبتها علي جنب
ايه رأيكوا
و بعدين كنت عايز اسال العجلة اللي باظت ديه ليها بيعه ولا ارميها ولا بتوع الكاوتش بيعملوا بيها حاجه ؟
كنت عايز اعرف برده اجيب الاستبن نوعه ايه ؟؟ و اسعاره ايه
شكرا جزيلا و مستني ارائكم ...