أخيرا" حلِّيت المعضله...بوينتر 2004

**hatem_m_911** · 18-05-2011 06:52 PM

السلام عليكم ورحمة الله وبركاته
اللهم صل على محمد وعلى آله وصحبه أجمعين

إشتريت أخيرا السياره إللى كنت بدوَّر عليها... بوينتر 2004 بس كانت مع حد مبهدلها..الحمد لله
المهم..طبعا" لازم حبة تظبيطات!! أهم حاجه ضايقتنى :: إن السنتر والإنذار ووحدات الرفع مش شغاله !!؟؟
تبتدى منين يا واد يا حاتم؟؟ أكيد الكربائى !! علشان أتأكد إن الكهربا واصله الأول أو الفيوزات بتاعتها سليمه..
بدأت أنا والكهربائى نشوف الكونفينيوس بتاع السنتر والإنذار...وإكتشفنا الآتى::

حد فتحه قبل كده و بكتر أو موس قطع لاين او إتنين علشان إيه ؟؟!! لحد ما إكتشفت معرفتش ليه..
المهم أنا كان ليا خبره فى البوردات والموبايلات..فرجعت اللاينات تانى زى ما كانوا(يعنى أعدت توصيل ولحام اللينات المقطوعه).. وإكتشفت ثانيا":::

الإنتظار شغال على طول مش بيفصل..

يعنى فيه حاجه غلط!! أكيد الكونفينيوس بايظ أو حاجه زى كده ؟؟!!
الحمد لله عندى واحد صاحبى عنده نفس السياره ونفس الموديل ونفس اللون كمان

أخدت الكونفينيوس بتاعه وجربتع عندى:: المفاجئه:: إشتغل أخيرا"::: بس لمدة دقيقتين وعمل زى الكونفينيوس بتاعى ؟؟؟ طب أعمل إيه؟؟؟
روحت الحرفيين لكهربائى بسم الله ما شاء الله كويس ومحترم وبتاع ربنا ولسه شاب صغيَّر
مشى ورا كل ما هو كهرباء...النتيجه:: كله تمام:: جرب روح لواحد بتاع أبواب ومفاتيح هو هيبقى عنده الحل...
روحت عنده -طبعا الكلام ده كله حصل فى خلال 3 أسابيع- بعد ما شرحت له القصه كلها قاللى الحل مش عندى ..روح لواحد بتاع كمبيوتر يشوفلك القصه دى.ووصفه لى.. روحتله قالى روح لظاظا يجربلك كذا كونفينوس تانى لحد ما واحد يظبط .. روحت لظاظا..::جربلى 32 كونفينيوس .. وأكدلى إنه مجربهم قبل كده وكلهم سُلام..المهم مفيش واحد ظبط عندى.... رجعت تانى للكهربائى بتاع الحرفيين..قاللى إن المشكله إحتمال بنسبة 99% سينسور الكالون..وأنا كنت سألت على الكالون الإستيراد لقيتع عند الكوثر بــ225 جنيه - فقولتله المشكله لو إشتريته وطلع مش هو ..هعمل إيه ؟؟؟
فأكدلى إن المفروض هو إللى عامل مشكله...بفكركم تانى إن كل ده حصل فى 3 أسابيع- كل جمعه وسبت-
المهم روحت يوم جمعه وأخيرا" أخدت صاحبى معايا لبتاع الأبواب والمفاتيح وأخدت الكالون والسنتر بتوع صاحبى وقولت أجرب قبل ما أشترى!! وحدثت المفاجئه::: فعلا" السينسور هو إللى كان بايظ ...وبالتالى علشان كده كان حد قطع لاينات فى الكونفينوس علشان يفصل اإنذار والإنتظار...

[gdwl]المشكله إللى بدور لها على حل لحد دلوقتى::: هى تشغيل الريموت بتاع السياره لأنه كان مش شغال [/gdwl]وغيرت بطاريات الريموت وبقى ينوَّر بس مش شغال...[gdwl]فعايز أعرف إزاى أشغله من أصحاب الخبرات فى الموقع.[/gdwl]..ولو حد واجهته نفس المشكله يبعتلى أقوله تفاصيل التفاصيل علشان يستفيد من التجربه دى..فى إنتظار الردود

**M.Mostafa80** · 18-05-2011 08:13 PM

على ما اعتقد ان كل اللى محتاجه الريموت هو اعادة برمجه والمفروض ان الكهربائى يكون عارف بيتعمل ازاى
عمتا هو ممكن يكون بيحتاج انك تضغط على احد الأزرار وتشغيل الكونتاكت وفصله اكثر من مره تقريبا 8 مرات لحد ما بيعمل صوت
دا لو هو دا العادى بتاعة

**dr_radioooooo** · 18-05-2011 11:22 PM

معلش يا باشا ممكن تقولى البوينتر دى جايبها على كام

**hatem_m_911** · 19-05-2011 03:27 PM

المشاركة الأصلية كتبت بواسطة m.mostafa80

على ما اعتقد ان كل اللى محتاجه الريموت هو اعادة برمجه والمفروض ان الكهربائى يكون عارف بيتعمل ازاى
عمتا هو ممكن يكون بيحتاج انك تضغط على احد الأزرار وتشغيل الكونتاكت وفصله اكثر من مره تقريبا 8 مرات لحد ما بيعمل صوت
دا لو هو دا العادى بتاعة

ده أنا جربت 50 طريقه من النت لكل انواع السيارات ومفيش حاجه نفعت..بس شكرا لردك الجميل ولو عرفت حاجه تابعنى..شكرا" مجددا"

**hatem_m_911** · 19-05-2011 03:47 PM

المشاركة الأصلية كتبت بواسطة dr_radioooooo

معلش يا باشا ممكن تقولى البوينتر دى جايبها على كام

39 الف بالتسجيل

**hatem_m_911** · 23-05-2011 04:54 PM

[marq="3;right;3;scroll"]
مفيش حد كوِّد ريموت قبل كده
[/marq]

**hatem_m_911** · 25-05-2011 04:47 PM

الناس راحت فين ؟؟؟؟؟؟؟

**MIDO_82** · 26-05-2011 04:26 AM

السلام عليكم
مبروك عليك العربية الجديدة
عندك فكرة ايه اخبار قطع غيارها؟ علشان بفكر اجيبها بس قلقان من الموضوع ده

**spero** · 26-05-2011 04:39 AM

اولا مبروك بس ليا سؤال قطع غيا ر اية نظمها ولو تقدر تفدني في سعر سيور و فلاتر العربية وبلية ماتور

**windofchange** · 26-05-2011 08:13 AM

الحمدلله والله فرحتني يا حاتم باشا ربنا يباركلك فيها يارب بس ايه الكونفينيوس ده وراكب فين؟ عند علبه الفيوزات......وبالنسبة للريموت مش شغال مع انه بينور شوف من علي الريموت اسم الشركة المصنعة يعني وبيبقي فيه وحدة مربعة كده عندي فايبيزا المفروض مكانها عند علبة الفيوزات شوفها موجودة ولا لأ؟ لأن هي اللي بتلقط الاشارة يمكن تكون مش واصلة عندي الريموت سيمنز

الموضوع: أخيرا" حلِّيت المعضله...بوينتر 2004

LinkBack

أدوات الموضوع

عرض

-

-

-

-

المواضيع المتشابهه

أخيرا... "رينو" تقدم "Logan" بناقل أوتوماتيك لأول مرة

بوينتر 2004 1000cc ؟؟؟؟؟

ابه الافضل بوينتر 2004-2007 او polo 2003-2004 او كوري جديد

فتيس بوينتر 2004

فولكس بوينتر موديل 2004

الكلمات الدلالية لهذا الموضوع

المفضلات

المفضلات

ضوابط المشاركة