الموضوع: أنا في مشكلة و مش عارف أعمل إيه

مش عارف أبدأ إزاي ولا منين...أنا لحد دلوقتي حاسس إني في كابوس و لسة مفقتش منه و بجد مش عارف أوصف الحالة اللي بقيت فيها

في يوم 24 يناير اللي فات (قبل الثورة على طول) فوجئت بالHR بتاع الشركة اللي كنت بشتغل فيها بيكليموني و عايزني فرحتلهم و لقيتهم محضرنلي الورق بتاعي و الإستقالة عشان أمضي عليها

الراجل اللي كان بيسلمني ورقي و بيمضيني على استقالتي حسيت إنه زعلان جدا رغم إنه ميعرفنيش و مبصش في وشي خالص وانا قاعد معاه

اللي حصل إني كنت لسة متعين في الشركة دي بقالي 3 شهور اللي هي فترة الإختبار....ومتقليش ده ليه حصل في ساعتها بس قبلها بحوالي 12 يوم كانت مديرة الHR طلبت تشوفني هي و الشخص اللي عمللي الinterview و قالولي إنه ال مدير المبيعات (مكنش فيه مدير غيره في الشركة لسة ومكانش مديري و مديري كان في السعودية و مقعدش معايا إلا مرة واحدة بس لمدة 5 دقايق تقريبا) بيقول عليا إني معنديش experience و إني مبعرفش أشتغل و إني مبقعدش كتير مع الناس!

أنا كان بقالي 4 سنين شغال و اشتغلت في شركتين محترمين قبلهم ....معرفش كون إن أنا مبقعدش مع الناس دي تخليني منفعش و لا إيه

الشركة دي لما اتعينت فيها كانت لسة بتفتح فرع ليها في مصر.... ومكانش أصلا المبنى خلص فقعدت أول أسبوع ليا في مبنى تاني مؤقتا بتاع شركة تانية عاملة شراكة من زمان مع الشركة اللي كنت بشتغل فيها قبل متفتح في مصر..... وفي الأسبوع ده كنت كل يوم أروح أقعد فيها من 9 ل 6 من غير معمل أي حاجة...أحيانا كان ييجي حد يقعد يشرحلي شوية و يمشي

بعد كده رحت قعدت في مبنى تاني لنفس الشركة دي لمدة أسبوع برضه و كان مدير المبيعات ده بيدينا orientation عن الشركة و منتجاتها و طبعا ده كان للناس بتوع المبيعات وأنا كنت مشتريات خارجية بس كنت مضطر أقعد معاهم عشان مكانش في حتة أقعد فيها و مكانش في مكاتب كانت شقة فاضية و فيها أوضة فيها ترابيزة و كراسي حتى هو قاللي أقعد إسمعلك كلمتين أهو تعرف الشركة

بعدها اتنقلنا المبنى بتاعنا و مكانش لسة خلص ..... بس إضطرينا نقعد فيه و هو كده عشان مكانش في حتة تانية نروحها و طبعا قعدنا أسبوع نوضب في المكان و نجهزو و الكومبيوترات مكانتش لسة جت

خلص التوضيب و التجهيز قعدنا أسبوع كمان كملنا فيه ال orientation واللي طبعا كان و لايزال للمبيعات بس

بعدها جت أجازة العيد و قعدت 9 أيام في البيت

بعد الأجازة سفرونا فرع الشركة في دبي كانو عايزين يتعرفو علينا و يدوناorientation (تاني) و كان نفس ال orientation اللي إداهولنا مدير المبيعات ده بالظبط و اللي طبعا أنا برضه قمت فيه بدور المتفرج عشان مكانش ليه أي علاقة بشغلي

قعدنا حوالي 4 أيام هناك و جينا يوم خميس........آدي أسبوع كمان

بعدها بعتو جابولي واحد يعمللي training على الsystem اللي كان المفروض هشتغل عليه و قعد معايا 5 أيام و مشي قبل الweekend بعد ماعلمني و امتحني و اتأكد إني خلاص فهمت

كل ده و لسة مفيش شغل محدش بيشتغل....حتى ورق الشركة نفسه مكانش خلص لحد قبل مامشيت بحوالي أسبوعين........كنا نيجي كل يوم نفضل قاعدين لحد منروح...فيه اللي يقعد يسمع أغاني و فيه اللي يقعد عالfacebook واللي يلعب games واللي ياكل اللي هو فعلا مفيش حاجة تتعمل

أنا طبعا كنت بفضل قاعد زيي زي الكرسي اللي أنا قاعد عليه عشان الكومبيوتر اللي كنت مستلمه مكانش بتاعي فا مش من حقي أستعمله إلا في أغراض الشغل بس مبعرفش أفتح فيه حاجة تانية زي مالناس كانت بتعمل فا ياإما كنت بقعد ساكت ياإما أتكلم مع أي حد

تقريبا نص الناس اللي كانو موجودين كانو بيشتغلو في الشركة القديمة اللي أنا قعدت فيها أول أسبوع ليا و مدير المخازن كان بيعمل نفس شغلي........فكان في شوية شغل من أيام الشركة القديمة مخلصش فكان بيتابعو فمدير المبيعات ده قاللي إتفرج عليه شوفو بيعمل إيه عشان لما الشغل يبتدي تعمل زيه - و هخليه يحطك cc في الإيميلات عشان تعرف ال cycle ماشية إزاي و مش مطلوب منك تعمل أي حاجة لحد الشغل الفعلي مايبتدي و لحد أما احنا نقوللك إبتدي (قصده على نفسه و على مديري اللي المفروض هييجي من السعودية و هيبقى مدير الشركة)

وكان مدير المخازن ده أحيانا بيقعد معايا و يفهمني شوية حاجات رفيعة أنا كنت ببقى أصلا فاهمها و كان لما بيطلب مني أساعده كنت برحب طبعا أهو أتعرف على الشغل أكتر و أحلل المرتب اللي بينزللي ده بدل منا قاعد....أحيانا كان بيطلي مني أقابل المخلص بتاع الشركة أسلمه أو أستلم منه ورق و بس كنت بقول ماشي أهي فسحة بدل القعدة اللي ملهاش لزمة

الوضع ده إستمر لأسابيع لحد ماحصل اللي حصل و يوم ماندهولي و قالولي الكلام اللي الراجل ده قالو عليا جتلي صدمة لأنه كان بيعاملني باحترام و أنا الوحيد اللي خلاه يختار مكتبه و معاملته معايا كانت خاصة و مختلفة عن بقية الناس

لما رجعت و واجهته باللي قاله فوجئت بيه بيقوللي محصلش مقلتش مش أنا ده أكيد حد تاني يمكن الراجل اللي جه من السعودية أو مديرك اللي هناك ..... قلتله دول بيقولو إنك انتا اللي قلت قاللي لأ محصلش طب هما يقولو كده ليه قاللي معرفش....قلتله فرضنا مديري اللي قال الراجل شافني مرة و احدة و قعد معايا مكملش 5 دقايق قاللي عادي ممكن يكون قيمك بنظرة!!!!!!!!!!!!!!! نظرة؟؟؟؟؟؟؟؟؟؟؟؟؟ أمال ال3شهور بيبقو معمولين ليه؟؟؟؟؟ و الراجل المحترم اللي عمللي الinterview و قاللي إنتا overqualified على المكان بس هنحاول نشوفلك حاجة عندنا؟ طب هل ال5 دقايق دي اللي قعدها معايا مديري كانت interview بس بعد متعينت مثلا؟ ولا إيه؟ لقيته بيقوللي كمان من الآخر كده إحنا مش محتاجين حد بتاع مشتريات ... إحنا محتاجين واحد ينزل و يتمرمط مع المخلصين و بقية شغلك هيتعمل من السعودية...... طب ماكان من الأول أمال جيتوني ليه؟ كنتو جبتو أي حد من شركة شحن أو تخليص معهوش شهادة و تدولو 1000 ولا 1500 و كان هيبقى راضي.... أنا ذنبي إيه؟


في موقف حصل معرفش له علاقة ولا لأ


كنت في يوم في المطار و كان معايا مدير المخازن ده و رجعنا متأخرين عشان السكة كانت زحمة فأما رجعت لقيت مدير المبيعات ده بيقولنا أنا بعتلكو إيميل ياريت تردو عليا فيه فا طلعت لقيت مديري بتاع السعودية ده باعتلي بيقوللي إعمل meeting و إستلم شغلك و كان باعتو الساعة 1 أو 2 مش فاكر بالظبط و أنا واصل الشركة 4:30 تقريبا فأما بعته رد عليه مدير المبيعات ده و قاله ماشي هنعمل meeting يوم كذا الساعة كذا أنا و محمد (اللي هو أنا) و مدير المخازن و ياريت ياجماعة (الكلام ليا و لمدير المخازن) تأكده فأنا بعت التأكيد عادي
لقيت مديري بقى بيرود عليا يقولي عيب إنك تتأخر عليا في الرد و كان المفروض ترد عليا أنا من الأول........مع إن مدير المبيعات ده قال ياجماعة إبعتولي أنا تأكيد فببساطة قلت خلاص هو رد و خلص و أنا بره فملهاش لزمة أعيد الموضوع كله من الأول و بعت التأكيد زي ماهو قالي وخلاص..... المفاجأة بقى لقيت مدير المبيعات ده باعتلي بعد ما مديري بعتلي بيقوللي صاح إنتا كان المفروض تبعتله هو من الأول!!!!!! طب منتا قايلي أبعتلك إنتا تأكيد!!!! و إنتا كنت عارف إني برة ف شغل يبقى لزمتو إيه!!!! هو أه مش مديري بس مكتوبلي في ال job de......ion إنه ممكن يبقى مديري لو مديري الأصلي مش موجود فأنا شايف إني إتصرفت عادي........و حتى لو كنت غلطت هل دي غلطة تستاهل إني أترفد؟



وأنا كنت سمعت الراجل ده كذا مرة و هو بيقول (إحنا مكتب sales مش شركة) معرفش بقى كان قصده يسمعني ولا إيه ده غير في نفس اليوم اللي مشوني فيه مشو كمان واحدة كانت ماسكة ال marketing و قبلها مشو سكرتيرة و واحدة كانت في الreception وفعلا مافاضلش حد غير بتوع ال sales بس......طيب لو أنا وحش و منفعش دول كلهم كمان مينفعوش؟

مش عارف بقى أعمل إيه دلوقتي أديني أهو قاعد داخل على 4 شهور في البيت و أنا والله من النوع اللي بكره القعدة جدا أو إني أبقى فاضي و مفيش حاجة و رايا........والله كمان مرة كنت بشيل هم الweekend عشان مكنتش بحب القعدة و كنت بحب الشغل جدا و كنت خلاص إتعودت عشان كان بقالي 4 سنين بشتغل بدون إنقطاع......أقولكو حاجة أغرب؟؟ أنا في ال4 سنين دول مخدتش أجازات غير يمكن يومين ولا ثلاثة من كتر حبي في الشغل و الصحيان بدري و كرهي للفضى و القعدة.........

مقضيها طبعا عمال أبعت في الCV و رحت تقريبا 7 شركات و أنا عارف أكيد محدش فيهم رضي يعيني لإني كاتب في الCV إني قعدت 3 شهور في شركة و مشيت....... مش عارف بقى هل أشيلها خالص من الCV ولا لأ بس أنا مبحبش أكدب

أنا آسف إذا كنت طولت أو إن كلامي مش مترتب.....بس ده لأني فعلا مشوش و مش عارف أفكر عشان الموضوع ده مستولي على تفكيري تماما

مش عايز أقولكو الموضوع ده مأثر على نفسيتي إزاي و مش عارف هل في حاجة تتعمل زيادة عن اللي أنا بعمله ولا لأ أنا كل يوم بدخل أدور في النت و أبعت الCV لما ألاقي حاجة مناسبة.....أنا عندي 29 سنة و كان في مشروع جواز إتأجل و شكله هيتلغي خالص أنا كنت تقريبا في حكم الخاطب....... و الفترة الي أنا قاعدها دي هتضرني و هتسأل عنها بعد كده حتى بعد أما أشتغل تاني لو لفيت فرصة كويسة.......المشكلة إني مبكدبش و قلت ده ف كل الinterviews بس أكيد محدش مصدقني و ليهم حق أكيد بيجيلهم ناس كتير غيري بيشتغلو و محصلهمش اللي حصللي......لكن أنا نفسي حد يصدق إني فعلا إتظلمت و إنه اللي حصل ده كان غصب عني و ماليش دخل فيه بس هعمل إيه بقى........الله المستعان

ياريت ياجماعة لو حد عنده أفكار أو أي حاجة تنفعني ميبخلش عليا بيها......