لماذا اضراب الاطباء مش مطلب فئوى و لمصلحة المريض اولا و اخيرا

**SkyBird** · 22-05-2011 05:23 AM

المشاركة الأصلية كتبت بواسطة heshamzaky

حد شاف الخبر دة
...................... منقول ...........................
عقدت نقابة الصيادلة بالإسكندرية جمعية عمومية غير عادية، احتجاجاً على قرار وزير الصحة، برفع الحد الأدنى لأجور الأطباء إلى 1400 جنيه و1100 جنيه للصيادلة، وهو ما اعتبروه «محاباة وتمييزا» من الوزارة للأطباء على حسابهم.

وأكدت مصادر مطلعة، في مجلس نقابة الصيادلة الفرعية لـ«المصرى اليوم» أن هناك اتجاهين لدى الجمعية العمومية، الأول يقترح عدم التصعيد والتفاوض مع وزارة الصحة لمساواة رواتب الصيادلة بالأطباء، فيما يدعو الآخر إلى وقفات احتجاجية ثم اعتصام جزئي يليه اعتصام مفتوح، ينتهي بإضراب عن العمل وغلق الصيدليات حال عدم الاستجابة لمطالب الصيادلة.

من جانبه، قال الدكتور مجدي عوض، عضو مجلس النقابة، إن الصيادلة لا تهدف من عموميتها الطارئة إلى زيادة الأجور أو البحث عن الأموال لكنها «مسألة أدبية ومعنوية»، مطالبا بتحقيق المساواة بين الأطباء والصيادلة.

واعتبر عوض أن تفرقة وزارة الصحة في الأجور تقليل من شأن الصيادلة الذين وصفهم بأنهم أحد أهم الحلقات في القطاع الصحي.

وفي السياق نفسه، قال الدكتور جمال عبد الوهاب، أمين عام نقابة الصيادلة بالإسكندرية، لـ«المصرى اليوم» إن من حق الصيادلة الحصول على أجر عادل، لافتا إلى أن عدد من الصيادلة شاركوا في الإضراب الجزئي الذي نظمته نقابة الأطباء للتضامن معهم في مطالبهم، مؤكداً انه حال تنظيم إضراب للصيادلة فإنه لن يؤثر على خدمة المرضى.

لازم الاخوة الصيادلة يفهموا ان ده مخطط من الوزير لضرب اسفين بين الاطباء والصيادلة لانهاء الاضراب وتفشيله
اولا مفيش قرار من الوزير بالكلام ده ولكن ده تصور تخيلي وضعه الوزير في اجتماعه مع مجلس الصحة كاقتراح للحكومه تاخد بيه او ما تخدش ووزع مقترحه ده على الصحف لاثارة البلبلة
ثانيا الاضراب لازال قائم ولكن تم تعليقه حتى غدا الاحد الساعة 3م وسوف يتم استئنافه لان الحكومة لم تستجب لاي مطلب من مطالب الاطباء
ثالثا الاضراب هدفه رفع موازنة الصحة كلها من 2% الى 15% و لا توجد مطالب للاطباء بحد ادنى ولا حد اقصى للاجور ولكن طالبوا بنسبة للصحة من الموازنة العامة هدفها رفع اجور العاملين بالقطاع الصحي وتوفير الادوية والمستلزمات والاجهزة للمرضى في مستشفيات وزارة الصحة وعلى حسب الموازنة سيتم وضع الاجور لكل العاملين بالقطاع الصحي اطباء وصيادلة وفنيين وغيرهم

**heshamzaky** · 22-05-2011 07:16 AM

............ منقول ......................
قالت الدكتور نادية مكرم عبيد الخبيرة فى البنك الدولى، إن الاقتصاد المصرى يعانى من مشاكل صعبة، مشيرة إلى أنه لن يتحسن إلا فى حالة واحدة وهى توقف المظاهرات والاعتصامات الفئوية والدفع بعجلة الإنتاج خاصة فى مجال السياحة.
وأضافت نادية فى تصريحات لليوم السابع على هامش افتتاح وحدة الأفراد المبتسرين بمستشفى عين شمس الجامعى، أن استمرار تلك المظاهرات سيضع الاقتصاد المصرى فى مأزق بالغ الخطورة، لافتة إلى أن سرعة الدفع بعجلة الإنتاج ستنهض بالاقتصاد فى أقرب وقت.

**mohkhattab** · 22-05-2011 02:24 PM

المشاركة الأصلية كتبت بواسطة heshamzaky

أسمحلى أقولك حاجة لا تنعت الاطباء بأنهم ((( أحسن و أنظف عقول فى مصر )))
دة على أساس أية مثلا انك جبت مجموع كبير فى ثانوية عامة و دخلت طب دة مش دليل أن الطالب دة أحسن و لا أنظف مخ ممكن يبقى طالب صمام و السلام و معنى كلامك أن باقى الوظائف الاخرى أقل عقلا من الاطباء دة توصيف سطحى جدا لانك معملتش أختبارات ذكاء لكل الناس علشان تحكم عليهم و الوظيفة مش دليل على الذكاء و لا التفوق العقلى
الى متخرج مثلا من هندسة يبقى مرتبة أقل و الى متخرج من سياسة و أقتصاد يبقى المرتبة الاقل و هكذا أسمحلى دة شغل الناس بتوع التنسيق و لا صحة لة على الاطلاق أن عقول الناس تبقى نظيفة و لا لآ
أنا حبيت أعلق على الجزئية دى تحديدا لانها فى غير محلها و ليست صحيحة على الاطلاق

و فعلا انا اؤيدك كلامك بشدة يا استاذ / هشام ، لان فعلا مش كل دكتور مخه نظيف و مش كل الناس مخها تعبان و فى حاجة اسمها ان كل شىء فى الكويس و قى الوحش ، فى الذكى ، و فيه اللى ذكاءه متوسط ، فى دكاترة و مهندسيين و و كل الفئات حتى الميكانكين فهمين و مخهم نظيف جدا و فى ناس حافظة بس مش فاهمة . هو دا الفرق

المشاركة الأصلية كتبت بواسطة dr_radioooooo

طبعا بحترم رأى حضرتك وانت من الناس اللى بحترمها فى المنتدى
طبعا معاك حق
وانا غلطت فى توضيح النقطة دى
و لكل قاعدة استثناءات
بس الفكرة ان دراسة الطب بتخليك تبقى ملم بعلوم كتير اوى فبالتالى بتفتح مداركك
و الاغلب الاعم مننا واخد على الاطلاع و حب المعرفة لعلوم كتير غير الطب
ده غير ان الطب بيعلمنا طريقة التفكير المنهجى المنطقى ... سواء فى شغلنا او فى حياتنا العملية
فبالتالى معظم الناس اللى بقابلهم ويعجبنى تفكيرهم بيبقوا دكاترة
و طبعا زى منا قولت لكل قاعدة استثناءات
يعنى انا اعرف اتنين ميكانيكية دماغهم نضيفة جدا و مكملوش تعليمهم ...... مع العلم انى من الصعب انى احكم على حد ان دماغه نضيفة
وعندى طبيب نسا صديقى ..... لا اتمنى لمريضة انها تقع تحت ايده

انت تعرف ان اعلى سكور لشخص فى امتحان الiq فى العالم ليس لطبيب او مهندس او مخترع ... كان لواحدة ست وكانت بتشتغل عالمة

اقصد بعالمة رقاصة مش باحثة

وطبعا احترامى و تقديرى لكل فئات الشعب من اصغرهم لاكبرهم

بس اعذرنى اتعصبت لانى حسيت ان انا بنفخ فى اربة مقطوعة

وتحياتى

معلش يا دكتور عصبيتك دى مش مبرر علشان تغلط فى الناس

، لانك المفروض انك راجل صبور و بتحمل ضغوط كتيرة دا على اساس ان شغلك بعتمد على الضغط و لا انت لما تكون تحت ضغط فى شغلك تغلط فى الناس و لا ايه

عموما مش دراسة الطب اللى تخليك ملموم بحاجات كتير ، ممكن تقابل ناس اقل منك فى التعليم بس فاهمين فى الدنيا اكتر منك لانهم عندهم خبرة اكتر منك و ممكن يكون قرؤا اكتر منك فى مجالات كتيرة . و دى وجهات نظر

**dr_radioooooo** · 22-05-2011 11:32 PM

المشاركة الأصلية كتبت بواسطة mohkhattab

و فعلا انا اؤيدك كلامك بشدة يا استاذ / هشام ، لان فعلا مش كل دكتور مخه نظيف و مش كل الناس مخها تعبان و فى حاجة اسمها ان كل شىء فى الكويس و قى الوحش ، فى الذكى ، و فيه اللى ذكاءه متوسط ، فى دكاترة و مهندسيين و و كل الفئات حتى الميكانكين فهمين و مخهم نظيف جدا و فى ناس حافظة بس مش فاهمة . هو دا الفرق

اكيد وده انا قولتوا فوق
معلش يا دكتور عصبيتك دى مش مبرر علشان تغلط فى الناس

، لانك المفروض انك راجل صبور و بتحمل ضغوط كتيرة دا على اساس ان شغلك بعتمد على الضغط و لا انت لما تكون تحت ضغط فى شغلك تغلط فى الناس و لا ايه

عموما مش دراسة الطب اللى تخليك ملموم بحاجات كتير ، ممكن تقابل ناس اقل منك فى التعليم بس فاهمين فى الدنيا اكتر منك لانهم عندهم خبرة اكتر منك و ممكن يكون قرؤا اكتر منك فى مجالات كتيرة . و دى وجهات نظر

والله يا محمد بيه احنا كلنا بشر مش ملايكة
ومش مهم انك تتعصب و تقول كلام انت ممكن متقصودوش
المهم انك تراجع نفسك لما تهدى ولو فى غلط تصلحه ولا ايه

بس اختلف معاك فى ان دراسة الطب بتخليك ملم بعلوم كتير
وده نتيجة تعدد المواد وطول مدة الدراسة اللى مفيش كلية زيها ...... ولا ايه
وطبعا لكل قاعدة استثناءات