الموضوع: لماذا اضراب الاطباء مش مطلب فئوى و لمصلحة المريض اولا و اخيرا

هو حد من زمايل حضرتك بينضرب لما بيحصل تقصير او يبان ان هو مقصر وهو مش مقصر ........... ياريت الرد بس ؟

المشاركة الأصلية كتبت بواسطة ahrambc

شوف يا عزيزى

طالما قلت أنك فى انتظار تعليقاتنا ... فهاك تعليقى

لنا زملاء فى محطات المياه و الصرف الصحى و لهم طلبات قانونيه جدا و يريدون ايضا القضاء على الفساد و تحسين ظروفهم مساواة بقطاع البترول كما ذكرت

و كذلك فى محطات الكهرباء و شركة التليفونات

و شركات توزيع المواد البتروليه

كلهم لهم طلبات معقوله و قانونيه و لديهم فساد يريدون القضاء عليه

فهل تتحمل انقطاع المياه و الكهرباء و التليفونات و نفاذ الوقود و السلع التموينيه و طفح المجارى

و يظل الأضراب مفتوحا حتى تتحقق مطالبهم

و لنعود جميعا لعصور ما قبل التاريخ

ما لكم كيف تحكمون

طبعا حضرتك عندك حق فى كل اللى بتقوله
بس فى حالة واحدة بس اننا نكون قطعنا الخدمة الصحية تماما عن المرضى
و ده محصلش و مش ممكن يحصل الاضراب كان جزئى و ليس كلى ولا يشمل الا الحالات الباردة التى من الممكن ان تنتظر دون حدوث اى مشاكل او مضاعفات
اللى حصل ان احنا استخدمنا الاضراب كوسيلة لايصال صوتنا للحكومة و الرأى العام بعدما فشلت كل مساعينا لفترات طويلة و لم نجد وسيلة سوى الاضراب
و الدليل على صحة كلامى ان عمركم مسمعتوا عن الاطباء و مشاكلهم بالقوة دى الا بعد نجاح الاضراب



للملخلص الاضراب وسيلة لا غاية و من رابع المستحيلات بل من اخر المستحيلات ان انا او حد من زمايلى الشرفاء ممكن نضر مريض او اشوف مريض محتاج مساعدة و مقدمهلوش
فى الاول و الاخر ربنا هيحاسبنى لو قصرت فى حق مريض

المشاركة الأصلية كتبت بواسطة ahrambc

جميل جدا

يعنى الحديث عن اضراب جزئى

هل يصلح أن تقوم الفئات السابق ذكرها ( مهندسين و عمال محطات المياه و الكهرباء و التليفونات ) بعمل اضراب جزئى

بمعنى تنقطع المياه لمدة 6 أو 8 ساعات يوميا

و الكهرباء و التليفونات و وسائل النقل كذلك

و ذلك حتى يتم تطهير المواقع من الفساد و تغيير القيادات و ضبط الأجور

هل تتحمل مصر ذلك

هل نتحمل نحن المصريون ذلك

الشعب كله لديه مطالب نتيجة سنوات طوال من الظلم و الفساد

لكن هذا الوقت ليس وقت المطالبات

هذا هو وقت العطاء و بلا مقابل فى بعض الأحيان

أمامنا شهور - و لا أقول سنوات - صعبه قادمه

و يجب علينا اذا اردنا ان نجنى ثمار هذه الثوره أن نصبر و نتناسى انفسنا قليلا .... و لا اقول ننسى بل نتناسى

بعدها يكون لكل حادث حديث

بص يا سيدى الفاضل مبدئيا مينفعش تقارن الصحة بكل دول لعدة اسباب
اولاان اى حاجة ممكن الناس تصبر عليها الا الصحة
بمعنى ممكن نستحمل الكهربا او المية تقطع يوم ولا اتنين لكن المريض اللى فى حالة طارئة مينفعش يستنى دقيقة و دى اللى مجربها عارفها كويس ....... للاسف الصحة موقعها حساس جدا
زى مقولت قبل كده ان المطالب دى لا تعطل عجلة الانتاج
لو الشعب موافق عل خصخصة الصحة و ان السرقة تفضل ماشية زى مهيا فى وزارة الصحة خلى الوزير قاعد
لو الشعب هيستحمل ان الميزانية بتاعة الصحة تفضل زى ماهية و ان الناس الغلابة تفضل تموت كل يوم- الاعمار بيد الله - بسبب عدم و جود امكانيات للعلاج يبقا خلوا الصحة زى مهيا
لو ترضى ان الدكاترة يتم الاعتداء عليهم و ممكن توصل حالة الانفلات الامنى فى المستشفيات للقتل او اغتصاب طبيبة او ممرضة ..... يبقى خليها تولع - على فكرة غير التهديد بالسلاح و الضرب و الشتايم تم اختطاف طبيب من الاستقبال باحد المستشفيات و الشرطة والجيش لم يتحرك لهم ساكن -
بخصوص الاجور احنا مطلبناش لنفسنا بس احنا قولنا هيكل عادل للاجور
وعلى فكرة انا بشتغل طبيب بالصحة بقالى تلات سنين و مرتبى الاجمالى بعد علاوة ايريل 288 جنيه فى الشهر
لو فيه موظف فى الدولة مؤهل زى وبياخد اقل منى يا ريت تقولى لانى مش لاقى
وليه البلد جاية على الغلابة اللى زينا و مش بتقلل من مرتبات بقيت الجهات .... ولا نظرية التقشف دى علينا احنا بس
اخر حاجة ممكن تقولى ازاى اقدر اعيش ب 288 جنيه فى الشهر لو انت شايف انى اقدر استنى

المشاركة الأصلية كتبت بواسطة casperinoo

اقسم بالله انا كنت بدافع عن البلد . بس بعد ماشتغلت في مستشفيات وزارة الصحه وشفت قد ايه ان فيه ناس في البلد مش عايشه عيشة الحيوانات .. وممكن ابنه يموت قدامه علشان معهوش فلوس يعالجوا او المستشفي مفيهاش علاج ليه.كرهت البلد باللي فيها ..والله فيه دكاتره من الغلب اللي باين عليهم ممكن تحط ايديك في جيبك وتديله اللي فيه النصيب
محدش هيحس بالمعاناه اللي في مستشفيات وزارة الصحه غير الاطباء والفقراء...

+11111111111111

المشاركة الأصلية كتبت بواسطة casperinoo

اقسم بالله انا كنت بدافع عن البلد . بس بعد ماشتغلت في مستشفيات وزارة الصحه وشفت قد ايه ان فيه ناس في البلد مش عايشه عيشة الحيوانات .. وممكن ابنه يموت قدامه علشان معهوش فلوس يعالجوا او المستشفي مفيهاش علاج ليه.كرهت البلد باللي فيها ..والله فيه دكاتره من الغلب اللي باين عليهم ممكن تحط ايديك في جيبك وتديله اللي فيه النصيب
محدش هيحس بالمعاناه اللي في مستشفيات وزارة الصحه غير الاطباء والفقراء...

+111111111111111111111111111

عفوا
كل الفئات فى مصر حاليا لها مطالب وكللها مشروعه وكللها ثوريه
اذن من حق كل واحد يعمل اضراب وبلاها دوله بئى
معلش انا عندى اعتراض واحد بس على طلبات حضراتكم المشروعه
الى هو طلب رفع ميزانية وزارة الصحه الى 15% من الموازنه العامه القادمه ( الى هى بعد شهر و10 ايام من النهارده )
سؤال واحد بس هى فين الموازنه الى حضراتكم عاوزين نصيبكم منها وبناء على ايه حضراتكم حددتم النسبه دى ؟
ولما وزارة الصحه عاوزه لوحدها 15% فين نصيب وزارة التعليم نصيب البحث العلمى وفين نصيب البنيه الاساسيه واهم حاجه نسبة الدعم الى الحكومه بتتحمله
حد قرا او عرف الموازنه الجايه هتتحط ازاى وبناء على ايه ؟ اتحدى اذا كان حد عمل كده