لمبة pwr + مشكلة كدة غريبة شوية

السلام عليكم
انا عربيتى لانوس 2000 اوتوماتيك وعندى حاجة غريبة والحاجة دى ان عندى لمبة فى التبلوه بتاع العربية اسمها pwr
نورت معايا من شهرين وبتقعد تنور و تطفى بلون اورنج معا انى العربية بتكون ماشية معايا كويس ابص على الزيت بتاع البور كويس المهم المبة دى مش بتبطل غير لما ابطل العربية والعربية تبرد وارجع ادور العربية متنورش ولا كانى فى اى حاجة حصلت . نفس الكلام اتكرر معايا من يومين تانى فبدات اقلق من الموضوع دا
الا انا عاوز اعرفوة المبة دى مسئولة عن اية ولية بتنور على فترات

2- تانى حاجة انا كنت مسافر من اسبوع وانا على الطريق مرة واحدة بالاقى صوت العربية بقا عالى وrpm رفع ونزل تانى وصوت العربية بيرجع يهدا تانى والموضوع دا بياخد ثوانى معدودة معاة العلم ان انا مش بزود بنزين ولا بعمل حاجة خالص وماشى طبيعى جدا و بعدها بشوية كنت مهدى عشان اعدى مطب التحويلة بتاعت طريق مصر اسكندرية لقيت العربية بطلت وقعدت اكررك للعربية لحد ما دارت تانى

هناك زرار بور في الفتيس الاوتوماتك ده المسئول عن انارة هذه اللمبة الزرار ده اما تالف او الاسلاك بتاعته مفكوكة وهو الي بيعلي العربية ويوطيها ودا معمول للشد وللسرعات العالية بيقلل عدد لفات الموتور

اقتباس:

---

المشاركة الأصلية كتبت بواسطة tarek_2005

هناك زرار بور في الفتيس الاوتوماتك ده المسئول عن انارة هذه اللمبة الزرار ده اما تالف او الاسلاك بتاعته مفكوكة وهو الي بيعلي العربية ويوطيها ودا معمول للشد وللسرعات العالية بيقلل عدد لفات الموتور

---

كلامك مظبوط بس انا بقالى زمن مستخدمتش الزر دا وياترى لمبة pwr خاصة بالزرار دا ولا دا حاجة تانية

طيب انا لو حبيت اتاكد من المشكلة دى اتاكد منها ازاى واروح لكهربائى ولا اية
ياريت تفدنى ياستاذ طارق عشان متبهدلش واصرف على الفاضى

و عليكم السلام و رحمة الله
بالنسبه للمشكله الأولي حضرتك أكشف كمبيوتر و المشكله تتحل (معالجه الأخطاء) و إحتمال يكون تخريف بسيط في الكونترول (و يا ريت تقلنا العربيه في نقلات الفتيس بتحس بشئ غريب و لا بتنقل بسلاسه
و المشكله التانيه محتاجه كشف علي حساس ال egr
و بالتوفيق إن شاء الله

اقتباس:

---

المشاركة الأصلية كتبت بواسطة HOSSAM99

و عليكم السلام و رحمة الله
بالنسبه للمشكله الأولي حضرتك أكشف كمبيوتر و المشكله تتحل (معالجه الأخطاء) و إحتمال يكون تخريف بسيط في الكونترول (و يا ريت تقلنا العربيه في نقلات الفتيس بتحس بشئ غريب و لا بتنقل بسلاسه
و المشكله التانيه محتاجه كشف علي حساس ال egr
و بالتوفيق إن شاء الله

---

لا النقل كويس معايا اما بالنسبة egr انا معرفش عنة حاجة فارت حضرتك وتوضحلى egr

المشكلة روح لكهربائي كويس يكشفلك علي الزرار سليم ولا لاء وفيشه راكبة مظبوط ولا لاء

اقتباس:

---

المشاركة الأصلية كتبت بواسطة hamada_5034

لا النقل كويس معايا اما بالنسبة egr انا معرفش عنة حاجة فارت حضرتك وتوضحلى egr

---

طالما النقلات مفيش فيها حاجه يبقي الفتيس مفيش فيه حاجه و موضوع اللمبه مجرد تلميس أو قافله أو خطأ في الكنترول
و بسيطه إن شاء الله
أما ال egr ده موضوع عنه (موضوع محترم ) و عن تجربتي الحساس ده كان بيعمل نفس الأعراض عند حضرتك في عربيتي المازدا الفاميلي

اخبار المشكلة اية ياباشا لانى بعانى منها دلوقت ومش لاقى حد يعبرنى
واللمبة دى زى مقريت فى الكتالوج بتاعة الفتيس وبتنور لو فى مشكلة اما لما تنور وتطفى عادى
وانا عندى الفتيس بينقل عادى لكن عند الرابع بيتهيالى مبيجبوش لان الار بى ام بيعلى وانا على سرعة 100 ويوصل ل 4
واظن دة مش طبيعى ؟؟
ممكن اعرف حضرتك عملت اية