عرض للطباعة
اشتريت fantasia 2011 و فوجئت مكتوب airbag error علي التابلوه رجعت المعرض قالولي بسيطه جدا و العربيه محتاجه يتعملها dpi او pdi حاجه زي كده في التوكيل و بسيطه سيبتهلهم و هايجيبوا ونش يوديها تتعمل في التوكيل و ترجع....... ايه رايكم يا جماعه طمنوني انا قلقان جدا
ان شاء الله تطلع حاجة بسيطة .
كويس انها وكيل مش خليجي .
يارب يا دكتور ....... مكملتش سعة زمن و رجعتهلهم ....... هموت من النكد كانوا هيرجعوا الفلوس بس ملقيتش اللون الاحمر في حته تانيه و وعدوني لو فيها اي حاجة مش هنصلح هاخد فلوسي .......... المشكله خايف يداري العيب دلوقتي ولاقدر الله تفتح الاير باجز لوحدها ولا حاجة
حضرتك لو لسا مارخصتهاش خد فلوسك احسن و اشترى من اى حتة تانيه الاوكتافيا متوفرة جدا فى السوق و لها موزعين كتير و سهل انشاء الله تلاقى اللون الاحمر و هو حلو جدا بس لو يهمك الريسيل فاليو خليك فى اللون الفيرانى او الفضى و بلاش احمر
انا ممكن اخد فلوسي بكره الصبح بس السؤال هي دي مشكله في العربية ولا زي ماقالولي حاجة بسيطهاقتباس:
المشاركة الأصلية كتبت بواسطة tamerosman
دي حاجة متطمنش أبدا..مش عاوز أكبر الموضوع لكن خليني أقولك إن في معارض كتير ولاد....... غشاشين وحرامية.بتبقي العربية عاملة حادثة أو حصلها أي مصيبة وقت الشحن وبياخدها بنص تمنها ويشدها صح ويبيعها زيرو..وبيلزق عليها البلاستيك الأبيض كمان....نصيحة.خد فلوسك وإشتري من أي مكان تاني.وتجنب وجع الدماغ والقلق.
نصيحة عن تجربة شخصية وانا بشتري الفانتازيا من المصرية في الاسكندرية كنت طالب اللون الاسود المهم جبوهالي تاني يوم اللون الاسود المهم وانا بستلم العربية لاحظت وجود صوت دبدبة لما ارفع زجاج السيارة في باب السائق المهم المهندس اللي كان بيسلمهالي قلي مفيش حاجة ولاكن انا اصريت فعلن لوجود المشكلة قلي خلاص يا تاخد فلوسك ياتروح التوكيل طبعا هو بيعمل كدة علشان هو متأكد اني فرحان بالعربية ومش حاخد فلوسي ولاكن انا صدمتة وقلتوا انا عااااااااااااايز فلووووووسي على طول لتعدل معايا وقلي متزعلش يافندم استنى يومين وحنغير العربية طبعا انا وافقت ولاكن علشان اطمئن كتبت رقم الشاسية علشان اتأكد انهم فعلن غيروا العربية وبعد يومين رجعتلهم لاقيتهم جيبين 2 عربية لون سود واخترت منهم واحدة الللي هي معايا والحمدلله زي الفل
ملحوظة : نصيحة لازم تصر على انهم يغيروا العربية وبالنسبة للون هما حيجبوا ليك لانهم دلوقتي لما بيصدقوا يبيعوا عربية كاش ومتخليهمش يستغلوا فرحتك بالعربية واللون ومفيش مشكلة انك تستنى يومين لما يجيبوا واحدة تانية استنى يومين احسن متقعد طول عمرك شايل من العربية ومقلق منها
طبعا خد فلوسك لا تكون عامله حادثه ومصلحينها....
الايرباجز بتكون قلق ..
انت اشتريت زيرو عشان تطمن
ليه تركبها قلقان ؟
خد فلوسك
واللون الاحمر..غالبا هتلاقيه عند معرض ايجيبت كار فى المنصوره
وهنا فى المحله لو تحب ..فى معرض ممكن يجيبهولك
وممكن تجيبها من التوكيل نفسه
ولو مفيش احمر ..ضحى باللون ..فى مقابل الراحه النفسيه
الاضمن تخليهم يغيروا العربية و تاخد الفلوس و تجيب من مكان تاني
اقتباس:
المشاركة الأصلية كتبت بواسطة amrnayel
أنتا جبتها من معرض أية
اباظه اللي في التجمع الخامس
بس الحمد لله الموضوع خلص ....... شلنا العربية علي ونش وراح معايا مندوب من عندهم للتوكيل حطوا العربية خمس دقايق علي الجهاز وعملوا ابديت للسوفت وير و راجعوا علي العربية كلها والحمد لله كله بقي تمام واستلمتها منهم الحمدلله كل حاجة مضبوطه بس هستني اجربها كام يوم كده وان شاء الله خير ......... اشكركم كلكم علي الاهتمام ........ حاجة اخيره الناس في المعرض قمه في الاخلاق
ربنا يملهالك بركةاقتباس:
المشاركة الأصلية كتبت بواسطة amrnayel
الف مبروك وربنا يديك هخيرها ويكفيك شرها وشر كل حاسد
نصيحة ماترخص السيارة وماتعلق نمر عليها جربها كام يوم وشوف اية الاخبار
اقتباس:
المشاركة الأصلية كتبت بواسطة amrnayel
مبارك عليك يا مستر عمرو ,,, وانا كنت شغال فى خدمه العملاء بتاعه اباظة , وفعلا ناس فى قمه الاحترام الى فى المعرض من كبيرهم لصغيرهم ( انا مكنش ليا علاقه بالناس هناك غير تليفونات ) بس الى اتعاملت معاهم محترمين جدا ,,, انت اخدتها من مين هناك
الحمد لله .. طالما التوكيل طمنك يبقى اطمئن وجربها زي ما قال الإخوة