ازيك يا معلم تيفا عامل ايه في ال mid-terms يا معلم
و فاروق جابلك الامانه و لا مكلمتوش هههههههههههههه
عرض للطباعة
عايز اقول حاجه في نفسي
امبارح رايح الشغل
نزلت لقيت فرده الكاوتش نايمه
حطيت الاستين
بدور العربيه مش بتدور
طلعت عيني على مادارت
وطلعت من الشكمان سحابه دخان ابيض لمده دقيقه بعدين اتعدلت
وفضلت ماشيه بتاع 5 دقايق كانها ضاربه بانجو
بعدين مره واحده جالها نشاط مفاجي وبقت طياره على الدائري
بعدين شويه دربكه وتنتيش
بعدين عداد السرعه فصل لوحده
وصلت الشغل وبصيتلها بقرف وركنتها وسيبت الباب مفتوح يمكن حرامي يسرقها ويتوب على ايديها
خلصت المعجنه ( الشغل يعني ) وقلت ابص على الميه في القربه قبل ما ادورها ملقتش فيها نقطه ميه
زودت ميه اخدت بتاع نص لتر
دورت دارت زي العسل
مشيت ماشيه زي الفل
وصلت الهرم وبالليل مروح بيها لقيتها بتدربك تاني
ومره واحده كاوتش ضرب
والاستبن مكنتش لسه عملته
طبعا كلمت اقرب واحد مصر كلها داعيه عليه انه عرفني
( خالد برافا ) وقلتله هات الاستبن بتاعك واديني سكه ههههههههه
واللي ميعرفش خالد احب اقوله انه وصل بعد بتاع نص ساعه
يعدين دورت العربيه ومشيت بتنتش شويه وبتتعدل شويه
لحد ما وصلت البيت
وعملت الكاوتش طبعا
النهارده بقى دارت من اول تكه
وماشيه زي الفل
وصلت الشغل ببص على الميه ملقتش ولا نقطه
رجعت للميكانيكي .......
اكمل ولا زهقتم ؟
كمل يا برنس
رجعت للميكانيكي قلتله العربيه بتنقط ميه
وانا شاكك في طبه من ال 3 طبب اللي في ضهر الموتور
قاللي طيب
سيبتهالو وطلعت كلت
نزلت تاني
قاللي جوان المانفولد بايظ وغيرته خلاص
قولتله اهو انت اللي مانفولد وستين مانفولد يا ابن المانفولد
طلع مش عارف جوان ايه تاني اللي هو عن فرن الشكمان دمله ده ومال الميه الله اعلم
يلا ما علينا
حسابك كام يا قارفني قاللي كله 50 جنيه
ركبت العربيه دورت
مدارتش
قاللي غير البوجيهات
غيرنا البوجيهات
دورت العربيه دارت
لولولوليييييييييييييييييي ي
جاي امشي
لقيت فرده الكاوتش نايمه
ههههههههههههههههههههههههه ههههه
الضحكه اللي فوق دي بتاعه شر البليه ما يضحك
ركبت الاستبن وطلعت لبتاع الكاوتش
قاللي البقاء لله الفرده دي ماتت مرتين قبل كده
وركبت الاستبن مكانها
كده العربيه دي عايزه بالظبط
موتور بمشتملاته
4 فرد كاوتش ويفضل بالجنوط كمان
سواق جديد غيري يسوقها يمكن العيب مني
وتتباع
وانضم لرابطه الهونداويه مثلا
اهو على الاقل عربيه 170 حصان تقرفني في عيشتي احسن من عربيه 70 حصان تقرفني
نسيت اقول ان عداد الحراره النهارده كان بيرقص على واحده ونص
يعني مش باقي حاجه سليمه غير الموبايل هههههههههه