رابطة مالكي وعشاق التمبرا (الجزء الخامس)

**heshamzaky** · 17-06-2011 03:00 AM

المشاركة الأصلية كتبت بواسطة moh1973

مساء الخير يا جماعة محدش رد عليا ليه يا بشوات انت فين يا هشام باشا
انا حصل معايا موقف مش عارف انا احساسي كان صح ولا بيتهيألي ، انا كنت سايق علي طريق النصر وسرعة السيارة حوالي 75 كم/ س وفي لحظة لا تتعدي الثانية او الثانيتين حسيت ان السيارة بتتشد للخلف لثانية واحدة وكأني بدوس فرامل بالرغم ان قدمي ماكانتش علي بدال الفرامل خالص والموقف دة حصل معايا مرتين ولا يتعدي الثانية الواحدة مش عارف تفسير دة ايه علي الرغم اني طلعت بالعربية كذا مشوار من ساعة ما جبتها ومحصلش اي حاجة ذي دي برجاء افادوني يا دكاترة التيمبرا ولكم مني جزيل الشكر والعرفان .

مساء الفل يا باشا . بص الموضوع الى بتقول علية هل كان زى تنتيش الكهرباء يعنى صوت الموتور على و لا لآ
لو تنتيش من البنزين العربية ممكن تحس أنها كانت حا تطفى بس أشتغلت تانى
مش قادر أحكم بالظبط على الموضوع دة بصراحة

**heshamzaky** · 17-06-2011 03:02 AM

حسنى باشا ألف مبروك على التجديدات ما شاء الله العربية زى الفل ربنا يباركلك فيها و السعر طبعا رخيص و كويس جدا

**heshamzaky** · 17-06-2011 03:11 AM

المشاركة الأصلية كتبت بواسطة bestmoahmed201

عندى حاجة او سؤال محيرنى كل العربيات اللى باشوفها قربة الميه فيها على اليمين جنب البطارية اما عربيتى فقربة الميه على الشمال بعيد عن البطارية يا ترى ايه السبب

ممكن صورة للموتور بتاعك عاوز اشوف شكل الموتور بص الصور دى كدة

**zago** · 17-06-2011 03:12 AM

المشاركة الأصلية كتبت بواسطة eng_tefa

يا وسام انت تامر متتطلبش انت بتهزر ولا ايه
ادينى بس 5 تيام كدا لحد مخلص امتحانات وانا هركبلك ليدات فى شيتوس لو عايز

حديك اسبوع
بعد كده حشوف د غيرك اغلس عليه علشان يعملها

انت فاهم ولا اجي افهمك ؟؟؟

قوم ذاكر يا هندزه

**heshamzaky** · 17-06-2011 03:17 AM

المشاركة الأصلية كتبت بواسطة bestmoahmed201

السلام عليكم ياجماعة الخير بمناسبة الكلام على عدادت الديجيتال انا عندى عداد البنزين مش شغال وصاحب العربية اللى اشتريتها منه غير العربية من انجكشن الى كربراتير والعدادت فى النهار مش باينة خالص هل الانجكشن والكربراتير لهم علاقة باللى حصل لعداد البنزين واعمل ايه عشان يشتغل (محدش عايز يجيى اسكندرية اعزمه على اكلة سمك)

المشاركة الأصلية كتبت بواسطة bestmoahmed201

استاذ هشام ايه موضوع الاستيكرات دى بتاعة المنتدى واحصل عليها ازاى والعزبة مش ناوية تفتح فرع فى اسكندرية
طب ولو احتجت حاجة ممكن تبعتها لى على اسكندرية

بص يا باشا أستطمالا لموضوع البنزين القراءة بتاعت البنزين بتبقى بسبب العوامة بتاعت البنزين
الراجل الى قلب العربية من انجيكشن الى كاربراتير هو حا تلاقية شال طرمبة البنزين بتاعت الانجيكشن و دى بتبقى راكبة فى التانك ذات نفسة و العوامة بتاعت البنزين راكبة فى الطرمبة الكهرباء
و حا تلاقية شال الانجيكشن و ركب كاربراتير و طبعا ركب فى الموتور من الامام طرمبة بنزين عادية و ممكن جدا يكون لعب فى البوبينة و لغى الدجيبلكس
يعنى عك الدنيا شويتين
موضوع الاستيكر مش عارف بصراحة مين الى بيوزعة فى الاسكندرية

**eng_tefa** · 17-06-2011 03:17 AM

المشاركة الأصلية كتبت بواسطة sohagy

هو فيه تمبرا بجنط 13 .. واحد زميلي قالي ان عربيته مو 91 انجكشن جنط 13 وان ده هو المقاس الاصلي بتاع العربية اللي جاية بيه من ايطاليا .
ويا ريت الاستاذ حسني يفيدنا في حكاية الجنط السبور ال15 علي السرعات العالية .. بعد ال 120 هل فيه اي شئ مش مظبوط

مفيش الكلام دا
التمبرا 175/65r14
مش متاكد من العرض بس الاكيد r14

**eng_tefa** · 17-06-2011 03:18 AM

المشاركة الأصلية كتبت بواسطة heshamzaky

ممكن صورة للموتور بتاعك عاوز اشوف شكل الموتور بص الصور دى كدة

استاذ هشام عندكش صور كتير للعربيه دى بالذات مش اى عربيه تانيه
اللون دا بيجننى

**zago** · 17-06-2011 03:20 AM

المشاركة الأصلية كتبت بواسطة hossny

هههههههههههههههههه

بلاش الناس هنا بتزعل من الارقام بس ما اتكلفتش كتير فى حدود 1200جنيه لان ماكنش فيها سمكره كتير

انا لابس وجايلك

عايز من ده يا عمو

**heshamzaky** · 17-06-2011 03:32 AM

المشاركة الأصلية كتبت بواسطة eng_tefa

استاذ هشام عندكش صور كتير للعربيه دى بالذات مش اى عربيه تانيه
اللون دا بيجننى

للأسف يا تيفا فية دول

**eng_tefa** · 17-06-2011 03:40 AM

طب اللون دا اسمه ايه ولا درجته ولا ازاى ولا فين؟

الموضوع: رابطة مالكي وعشاق التمبرا (الجزء الخامس)

LinkBack

أدوات الموضوع

عرض

-

-

-

المواضيع المتشابهه

رابطة مالكي وعشاق الماريا والبرافا

رابطة مالكي وعشاق التمبرا (الجزء الرابع)

رابطة مالكي وعشاق التمبرا (الجزء الثالث)

رابطة مالكي وعشاق التمبرا (الجزء الثاني)

رابطة مالكي وعشاق التمبرا (الجزء الأول)

الكلمات الدلالية لهذا الموضوع

المفضلات

المفضلات

ضوابط المشاركة