بوجيهات ngk بالاسكندرية ؟؟؟

**Tarek_Swelm** · 21-05-2011 04:10 PM

المشاركة الأصلية كتبت بواسطة sofiman

هو عنده نوعين الايريديوم ngk
و عنده splitfire وهم الاتنين علبهم شبه بعض, علبة صغيرة اد الكف او اصغر شوية كده.
طبعا انا مش خبير ولا جربتهم بس و انا بتفرج عنده لقيتهم هشوفلك الكود و اسعارهم و اديك خبر ان شاء الله

الف شكر يا باشا

**a_hmed** · 22-05-2011 04:32 AM

المشاركة الأصلية كتبت بواسطة typhoon_gr9

احمد باشا , ازيك ؟
انا برضة عايز اجابة لنفس السؤال , اغلب البوجيهات اللي شفتهم من نوع ngk كانو جوة علبة كارتون كبيرة صفرا و كل بوجية في علبة صفرا تانية صغيرة لواحدة
فية محل واحد بس اللي لقيت الاربعة جوة غلاف بلاستيك و متبرشمين مع بعض .

تمام .. انت ايه الاخبار ؟؟

انت بتنزل تبص و تجيب الحاجة فين ؟ انا بنزل صلاح الدين و عمرى ما اهتميت بالنوع و لا اى حاجة هو بقوله بوجيهات فليشيا و تطلع زى ما طلع بس نويت اركز بعد كدة علشان نويت اهتم بالعربية بعد العمرة :)

**keko** · 22-05-2011 08:34 AM

طروووووووق
ياعم حطلها حجارة قلم بدل البوجيهات هتشتغل معاك زى الفل بدل اللف ووجع القلب

**Tarek_Swelm** · 22-05-2011 10:54 AM

المشاركة الأصلية كتبت بواسطة a_hmed

تمام .. انت ايه الاخبار ؟؟

انت بتنزل تبص و تجيب الحاجة فين ؟ انا بنزل صلاح الدين و عمرى ما اهتميت بالنوع و لا اى حاجة هو بقوله بوجيهات فليشيا و تطلع زى ما طلع بس نويت اركز بعد كدة علشان نويت اهتم بالعربية بعد العمرة :)

انا حاليا في ميامي , فبدور في جمال عبد الناصر او شارع 45
لما ببقي في كامب شيزار بدور في سموحة عند عزبة سعد , بس منزلتش صلاح الدين من ساعة ما واحد صاحبي اشتري سير تقسيمة لهيونداي اكسنت ب 200 جنية من صلاح الدين و هوة اخرة 60 جنية
لو بدور علي حاجة قولي وانا اسالك لو لقيت محل ادامي .

**Tarek_Swelm** · 22-05-2011 10:58 AM

المشاركة الأصلية كتبت بواسطة keko

طروووووووق
ياعم حطلها حجارة قلم بدل البوجيهات هتشتغل معاك زى الفل بدل اللف ووجع القلب

احنا مش حطينا الحجارة القلم و طرشقت في وشنا

**keko** · 23-05-2011 06:28 AM

المشاركة الأصلية كتبت بواسطة typhoon_gr9

احنا مش حطينا الحجارة القلم و طرشقت في وشنا

خلاص ممكن نجرب الطورش ونعدلها عند الخراط
على فكرة صلاح الدين مش كلهم وحشين بس فيهم حرامية كتير جدا المهم تكون عارف الناس القديمة والمحترمة هناك

**SoFiMaN** · 26-05-2011 08:25 AM

سألتلك انهاردة سعر الngk عادي ب275 جنيه
الايريديوم ب400 جنيه و الموديل بتاعك مش موجود عنده بس هاتله واحدة زي المتركبة عندك يجيبلك زيها

**1.8Tee** · 26-05-2011 08:31 AM

أنا لسة جايب الاريديوم ب 250 جنية.

**samoreception** · 26-05-2011 09:42 AM

سلام عليكم يا جماعة طيب هى البوجيهات لما تكون ايدروم او ngkفعلا بتفرق فى اداء العربية حتى عن الاصلى بتاع التوكيل وهل بتاثر بحاجة بالسلب على الموتور وهل بتعيش وقت اكتر من الاصلى وبحاتج اغيرها بعد كام الف
وانا معايا اوكتافيا a5 موديل 2007 ازاى اعرف الكود او الرقم بتاع البوجيه علشان اجيب زيه بالظبط سواء ايدروم او ngk وشكرا ليكم

**samirsaid1** · 26-05-2011 10:35 AM

انا جايب الإيدريديوم بـ 200 والبياع خفضلى 10 ج يعنى 190 ج بالعافية

بس لسة مركبهم من يومين هل ممكن تقولولى هايفرقو كتير مع العربية

او حد فيكو جربها وقولولى الفرق فى الأداء اية

وشكرا