اقتباس المشاركة الأصلية كتبت بواسطة waeljimmy مشاهدة المشاركة
فعلا والله أنا الحمد لله محصليش كده غير مره واحده بس محدش لبس فيا الحمد لله يعني وفرملت جامد والغريييييييييب إن العربيه مخيشتش في الأرض خالص بس وقفت باعجوبه ولله الحمد

المهم من كتر ما سمعت إن البروتون بتيجي تيل الفرامل بيبقى فيه حاجه سألتهم في توكيل عز العرب إن العربيه مبتخيشش ممكن يكون في عيب في تيل الفرامل؟ حسيت إن الراجل عايز يقولي "متجيش هنا تاني"

عفوا .. طولت عليكم
العربية مش بتقفش في الارض وتتزحلق او زي مابيقولوا مش بتعمل فرامل امريكاني ده بسبب ال ABS لانه بيعمل حاجة مهمة جدا اسمها break pulses اللي هيا مش بتقفش الفرامل مرة واحدة وبيدي نبضات كده بتخلي عجل العربية ميقفش والعربية متتزحلقش منك ... وده بيسمح بحاجة اسمها Break and Steer يعني تفرمل وفي نفس الوقت توجه العربية من غير ماتتزحلق ودي حاجة مهمة جدا ... لانك لو جربت تغير اتجاه العربية علي سرعة عالية شوية والعربية مافيهاش ABS ممكن العربية تتزحلق منك ... انما ABS ده بيسمح ان العربية تقف من غير ما العجل يكلبش والعربية تتزحلق ... وطبعا ال ABS ده نظام طوارئ بعني هو بيشتغل مع دوسه معينة علي الفرامل بتعمل Engaging the ABS system وبتخليه يشتغل عشان بيعرف ان فيه حالة طوارئ ... وطبعا فيه كمان EBD وده مهم لانه بيوزع قوة مختلفة للفرامل علي كل عجلة لوحدها علي حسب الحاجة ... يعني لو عجلة عليها وزن اكتر بيديها فرامل اكتر من العجلة اللي عليها وزن اخف وفيه طبعا حاجات تانية بس يطول شرحها بتتدخل في نظام توزيع الفرامل علي العجل ... بس ده يعني شرح مبسط وسريع ... وده مهم جدا لان دايما معظم وزن العربية يبقي قدام فبيدي نسبة اكبر من الفرامل قدام عشان يمنع العربية من انها تلف حوالين نفسها ... واكيد شفنا ناس بتفرمل والعربية بتلف منهم ...

يعني من الاخر الاتنين بيشتغلوا مع بعض عشان يدوا العربية نظام فرامل ممتاز بتحكم الكتروني يمنعها من انها تتزحلق او تلف حوالين نفسها او تتطلع من مكانها وارجو ان اكون جاوبت علي استفسارك ... وطبعا في الاول وفي الاخر رأيي يحتمل الصواب والخطأ وياريت لو حد يعرف حاجة اكتر يشارك بيها ... وشكرا