القبض على حسين سالم فى إسرائيل

**Mahmoud Nagieb** · 19-05-2011 01:49 AM

الخبر لسة طالع طازة قولت افرحكم بيه

اليوم السابع | القبض على حسين سالم فى إسرائيل

ط£ظ„ظ‚ظ‰ ط§ظ„ط¥ظ†طھط±ط¨ظˆظ„ ط§ظ„ط¯ظˆظ„ظٹ ط§ظ„ظ‚ط¨ط¶ ط¹ظ„ظ‰ ط±ط¬ظ„ ط§ظ„ط£ط¹ظ…ط§ظ„ ط§ظ„ظ…طµط±ظٹ ط§ظ„ظ‡ط§ط±ط¨ ط.ط³ظٹظ† ط³ط§ظ„ظ… ط¨ط¥ط³ط±ط§ط¦ظٹظ„

....تعليق صغير: يعنى الزبالة ملقاش حتة يهرب فيها غير إسرائيل ..... ماهى الزبالة بتتلم جمب بعض صحيح

**mr_vampire** · 19-05-2011 01:52 AM

بجدددددددددددددددددد والله؟؟؟؟؟؟؟؟؟؟؟؟؟؟؟؟ ده انتا تستاهل حاجة حلوة عالخبر الجامد ده.

بس فعلا هو ملقاش حتة يستخبي فيها غير اسرائيل. دول المستغطي بيهم عريان. وتلاقيهم هما اللي بلغو عنه عشان يكسبو تعاطف الشعب المصري ويقولو اخواتنا الصهاينة ساعدونا في القبض عالحرامي الهربان.

تعاااااااااااااااااااااال ي لعمو ياحبيبي واشتري معاك ترنج ابيض مقدما. ولو لقيت احمر جيبه احتياطي.

**Dr_Mido** · 19-05-2011 01:54 AM

يعنى اذا كان المتكلم مجنون يبقى المستمع عاقل حسين سالم هيسيب دول العالم كلها بما فيها انجلترا اللى مبتسلمش متهعمين ويروح اسرائيل و الاحلى الانتربول يمسكه هناك هى الناس دى عبيطه ولا فاكرينا هبل ولا ايه ثم هو الانتربول دة قبض على مين قبل كدة اساسا

**Ghamrawy** · 19-05-2011 02:17 AM

فى اسرائيل
و هى اسرائيل حاتقبض عليه برضه ؟؟
ده فلوسه فرخه بكشك بالنسبة لاسرائيل

**aly_hosny** · 19-05-2011 02:17 AM

دي بشاير المليونية بتاعة يوم الجمعة

**Hacker5** · 19-05-2011 02:20 AM

يعنى الانتربول الاسرائيلى قبض عليه ؟
اكيد قالوا خلاص مالوش لزمة و بقى كارت محروق نرميه

**heshamzaky** · 19-05-2011 02:33 AM

كان بيوزع أنابيب هناك و لا اية هههههههههههههه
خبر غريب جدا ههههههههه

**mr_vampire** · 19-05-2011 02:39 AM

-نفي مدير الامن العام عن ماتناقلته وسائل الاعلام عن اخبار حول القاء القبض علي حسين سالم. واكد ان الانتربول المصري لم يتلق اااااااااااااااي انباء عن قيام الانتربول الدولي بالقبض علي حسين سالم.

اليوم السابع بتزاولنا بس شوية. كمان شوية ورئيس تحريرها هيتشد للتحقيق هو كمان لو متلمش زي بتاع الشروق اللي قال فيه اتجاه للعفو عن مبارك.

**heshamzaky** · 19-05-2011 02:41 AM

الخبر أتنفى ..........
منقول ..................
نفى المستشار عادل السعيد المتحدث الرسمى باسم النيابة العامة، ما تردد من أنباء عن أن الشرطة القضائية الدولية "الإنتربول" ألقت القبض على رجل الأعمال حسين سالم المطلوب على ذمة قضايا جنائية فى إسرائيل.

من جانبها، قالت مصادر أمنية، إنه حتى ولو تم إلقاء القبض على حسين سالم من قبل الإنتربول الدولى فى إسرائيل، فإنه لن يتم تسليمه إلى السلطات المصرية، نظراً لعدم وجود اتفاقية تسليم مجرمين بين البلدين، وإنه من المرجع ترحيله إلى بلد آخر، ومنها يتم تسليمه للقاهرة.

وفى سياق متصل، أكد اللواء محسن مراد مساعد أول وزير الداخلية لقطاع مصلحة الأمن العام التابع له جهاز الإنتربول المصرى، أن أجهزة الأمن لم تتلقَ حتى الآن أى إخطار رسمى بشأن إلقاء الإنتربول الدولى القبض فى إسرائيل على رجل الأعمال الهارب حسين سالم.

كان حسين سالم قد غادر القاهرة بتاريخ 3 فبراير الماضى، وأُحيل إلى محكمة الجنايات لارتكابه جرائم الإضرار بمصلحة البلاد وإهدار المال العام، وتمكين الغير من تحقيق منافع مالية، بعد قيامه ببيع وتصدير الغاز المصرى لدولة إسرائيل بسعر متدنٍ لا يتفق والأسعار العالمية وقت التعاقد وبشروط تعاقد مُجحفة مع الجانب المصرى، مما أضر بالمال العام بقيمة الفارق بين السعر الذى تم به بيع الغاز الطبيعى المصرى لإسرائيل والأسعار العالمية السائدة فى ذلك الوقت.

كما وضع الموقع الإلكترونى للشرطة الدولية "الإنتربول" صورة حسن سالم ضمن صور "المطلوبين للعدالة" ونشر الموقع الدولى معلومات شخصية عنه، حيث أشار إلى أن رجل الأعمال الهارب من مواليد سنة 1933، ويبلغ من العمر 77 عاماً، ومطلوب على وجه السرعة من قبل المستشار هشام بدوى المحامى العام الأول لنيابات أمن الدولة العليا.