مع احترامى الكامل لكل الستات .... بس بصراحة انا كل يوم بتاقبلنى ستاااااااات .... اللى توقف الطريق واللى هتخش فيا واللى تقف فى نص الطريق علشان مش عارفة السكة .... مش عارف ليه ستات مصر مش بيبصوا فى المرايات مع انها والله جميلة وممكن تقلل الحوادث :16:
عرض للطباعة
انا اتجنن من ردود الاخوة الاعضاء المحترمبن
ياجماعة اتقوا الله فيما تفعلون يعنى هى المراة دى موش ليها حقوق انسان زى سعادتك ومن حقها تسوق وتكون ليها سيارة حتى لو ماكانش النادى بعيد والباص بياخد الاولاد للمدرسة؟
هى دى الحرية والمساواة والحضارة اللى بينادوا بيها الليبراليين؟
طب الحمد لله انا سلفى وباطالب انه كل راجل عنده كرامة ومروءة يعلم زوجتة السواقة ويجيب لها سيارة او يعطيها سيارته ويجيب للنفسه سيارة لما تفرج
بدل ما تركب مواصلات عامة او تركب تاكسى مع راجل غريب لوحدها؟
حتى يااخى من باب الاحسان الى زوجتك والنبى صلى الله عليه وسلم قال استوصوا بالنساء خيرا
طبعا جيب لها عربية و علمها السواقة كمان . أية المشكلة مفيهاش أى حاجة بالعكس دة كدة افضل عاوز تروح تشترى طلبات من السوبر ماركت العربية تحت رجلها رايحة عند والدتها العربية معاها حا توصل الولاد المدرسة شغال . عربيتين فى البيت نعمة على الاقل لو لا قدر الله عربية عطلت العربية التانية تسد من غير ما تلوص فى تاكسيات و مشاوير
. أتوكل على الله طبعا و مبروك مقدما
على فكرة المدام أنا الى معلمها السواقة بنفسى
أولاً موضوع تعليم السواقة
ده حاجة مهمة ، و طبعاً لازم تتعلم ، حتي لو إنت مش ناوي تجب عربية ، محدش يعرف الظروف أيه ، و أكييد هتحتجلها.
موضوع العربية الثانية في البيت دة حسب الإحتياج. عن تجربه شخصية ، وجود عربية ثانية مهمة و بصراحة بتشيل مشاوير كتير الواحد في غنى عنها ، ساعات مشاوير مهمة و ساعات مشاوير ممله ملهاش تلاتة لزمه
طبعا لازم تتعلم انا مراتي بتسوق و لو في مشوار مش لازم تبقى متقيد انك توصلها و اكيد احسن من التاكسيات. بس لو عندك جراج يبقى احسن لان مشكلتهم الاساسيه الركنه.
سواء مراتك او اختك او بنتك لاااااااااااااازم تجيبلها عربية و تعلمها السواقة لو الامكانيات متاحة طبعا
اعتقد حضرتك شايف الشوارع بقيت عاملة ازاي دلوقتي و المواصلات بقيت وسيلة للإهانة مش وسيلة للنقل بس و حتى التاكسيات مش متاحة و سهلة في كل وقت و كل مكان و فين و فين على ما تلاقي تاكسي يتكرم و يوافق يوديك المكان اللي انت عاوز تروحه
دا غير ان حضرتك اكيد مش متفرغ للبيت و الاولاد و مشاوريهم و اكيد مش حابب ان زوجتك و اولادك يتبهدلوا في مواصلات او يتحرموا مثلا من تمرين او مناسبة او زيارة لو حضرتك مش فاضي
العربية التانية بالذات لو زيرو او مستعملة موديل حديث هاتريح العائلة كلها جدا و اعطالها مش هاتبقى كتير و قاتلة يعني و خاصة ان حضرتك بتقول مشاويرها مش كتير
دا غير ان كدا حضرتك هاتصون زوجتك من بهدلة المواصلات و المشي في الشوارع و المضايقات و الساخافات اللي ممكن بتتعرض ليها في الشارع و موضوع تعليم السواقة مش معضلة بالعكس دا ضرورة حتى لو مفيش عربية تانية في البيت لازم الست تبقى بتعرف تسوق تحسبا لأي ظروف طارئة تحصل في البيت في اي وقت لا قدر الله
و الاخوة اللي بيتكلموا على سواقة الستات ياريت يعيدوا نظر كدا و يشوفوا سواقين النقل و الميكروباصات و الاتوبيسات و الميني باصات و الكارو و التاكاتك رجالة ولا ستات
من الاخر اللي يقدر يجيب عربية لزوجته او اخته او بنته عشان يصونها من البهدلة و مايعملش كدا يبقى اناني جدا
السلام عليكم ,
أنا متفق تماما مع حضرتك , من الافضل لو الامكانية موجودة يكون فى سيارة تانية فى البيت للمدام و الاولاد خصوصا لو الشغل بعيد عن البيت و فى مشوار ضرورى او حد من الاولاد لا قدر الله تعبان و محتاج دكتور او مستشفى و انت فى الشغل , استخير ربنا و توكل على الله
اكيد طبعا فيه ستات سواقتها بتشل و نسبتهم اكتر من الرجاله و دا علشان غالبا الست بتتعلم و هي كبيره في السن و بتكون للضرورة غالبا مش زي الراجل بيسوق من و هو صغير و دي نفس حالة زوجة الاخ هنا
لكن شوفوا اي ست بتسوق من و هي صغيره هتلاقيها احسن من 100 راجل كمان :)
موضوع المرايات الجانيه دي فيه رجاله و ستات كتير دايما قافلينها و الصراحه مش عارفه بيمشوا ازاي من غيرها بس الضحيه بتكون اللي حواليهم
لا مش مصدقه
فيه راجل بيقول الكلام دا
و يعني ايه احسان لزوجته , الجمله دي مائرتهاش في المنتدي هنا قبل كده , كل اللي شوفته نقض و بس
ايه الكلام الكبير دا , لا انت كده خطر و هتسمم افكار الرجاله هنا :)
ازيك يا دونزي؟ اخبارك ايه؟
شوفي الكلام دا لكي و لدكتور lonedocto هو صاحب الموضوع بيستشير انه يعلم زوجته مش من باب انه بيقلل منها علي ما اعتقد
هو واضح انه ولاده صغيرين لسه و مشاوير زوجته قليله و هو بيقوم بها , لكن هو المفروض يبص لبعد كده و السواقه دي اصبحت ضرورة لاي سيدة
انا عن نفسي لي سنين مابئتش حتي امشي في الشارع مهما كانت المسافه قصيرة
العربيه نعمة من ربنا للست و حفظ لها
حتي بستغرب اي راجل يكون معاه عربيه و يسيب مراته او اخته او امه او بنته تتبهدل في مواصلات او تاكسي و هو عادي عنده , المفروض حفظا لها هو اللي يركب مواصلات و يسيب العربيه لها
بالنسبه بئي يا دونزي لموضوع الستات بتعرف تسوق و لا لا فماتتعبيش نفسك كل الرجاله بيشوفوا الستات فاشلين في السواقه و مهما قلتي او عدتي الفكره مش هتتغير
أنا بصراحة خاطب بس خطيبتى ما بتعرفش تسوق أنا نفسى أعلمها قبل ما نتجوز و تزن هى على باباها يجيبلها العربية قبل ما أتدبس أنا فيها