سؤال مهم فى استهلاك البنزنين فى الفكترا بى
هل من اسبابه حساس المياه اذا تلف واستهلك وايه اعراض تلفه ؟
ام الماب .......مع العلم مفيش دخان اسود بيخرج من الجكمان ولا تأخير فى الدوارة الصبح
عرض للطباعة
سؤال مهم فى استهلاك البنزنين فى الفكترا بى
هل من اسبابه حساس المياه اذا تلف واستهلك وايه اعراض تلفه ؟
ام الماب .......مع العلم مفيش دخان اسود بيخرج من الجكمان ولا تأخير فى الدوارة الصبح
هو استهلاك البنزين اسبابه كتيره جدا ,حساس الكولنت(الميه) اعراض تلفه دخان مصانع اسود وزياده استلاك البنزين-الماب اعراض تلفه برجله في الموتور وزياده استهلاك البنزين وطبعا لمبه التشك هتنور...
البوجيهات لو وحشه بتزود الاستهلاك ,كذلك لو طقم الدبرياج متاكل بيزود الاستهلاك لانه بيحمل علي الموتور....
على كل حال يافادى انا اشتريت اليوم حساس الكولنت من التوكيل منصور شيفرولية ب 115 جنية جى ام وان شاء الله هركبه واجرب استهلاك البنزين لان عندى استهلاك كبير ومظبط حاجات كتيره قوى اخرها وش السلندر والجوان والصبابات واوليسلاات الصبابات وكمان عامل صيانه كاملة زيت وفلتر + فلتر هواء + فلتر بنزنين + طقم بيجيهات جى ام + سير تقسيمة ده غير طقم الدبرياج جديد ماشى عليه 30الف كيلو
ربنا يسهل واشوف نهاية لمشكلة البنزين معها ماشى 255 كليو استهلاكت 33 لتر من غير تكيف معنى كده الصفيحة ال 20 لتر تعمل 150 كيلو تفريبآ كتير
لا كده كتير يا ا مجدي حتي لو جوه البلد ..طب ايه اخبار الرشاشات علشان دي في منتهي الاهميه ؟؟
ياااه
150 فى الصفيحه
زى عربيتى
بس انا عارف العيب
الماف اللعين
فادى باشا :
طبعآ انت عارف انه رشاش واحد راكب فوق الكربرتير تحت العمة السوا ذات المسمارين الصليبة المهم الرشاش ده مغيره برده من حوالى 6 شهور بس استراد وكلام الميكانيكى لو العيب منه مع دوسة البنزين تلاقى برجله بسيطة فى مدى احساس العربية بالدوسة ..
بس انا مش عرف ايه اعراض تلفه ؟ وهل فى منه جديد ؟ ونوعه الافضل ايه ؟ وفى حدود كام ؟
وزى ما قلت لحضرتك انا ركبت حساس كولنت جديد وكمان لسه مركب ماب سنيسور استراد الان وهجرب
وعلى الله التساهيل ..
بس الكهربائى خوفنى من حاجة قالى لو متظبتش ادخلها على الجهاز واحتمال يكون الكراتة
ودى استراد لوحدها 1000 جنية وبيحكى حصل معاه فى عربيتين واحده استرا والتانية فكترا
ربنا يسهل و تيجى خفيفة
ان شاء الله بسيطه يا استاذ مجدي..شيل العمه السودا دي والموتور داير وبص علي الرشاش لو لقيته بيرش زي الاسبراي يبقي الرشاش تمام قوي ولو لقيته بيسيل زي ماتكون بتضغط علي سرنجه يبقي الرشاش وحش ..سعره جديد عالي قوي ...حضرتك غيرت الماب بناء علي ايه؟يعني ايه الاعراض؟ والتشخيص كان ازاي؟
أخى فادى :
انا غيرته علشان اخلص من القصة دى ولم يكن هناك اعراض لتلفه لان بتاع الاستعمال اللى موجود هنا فى اسكندرية
معرفة وصديق لى اللى عاوزه باخده منه وبعدين الحساب لو مش عايزه برجعه تانى
مش حتفرق كتير المهم اوصل لحل كويس فى موضوع استهلاك البنزين واخلص
اليوم يا فادى باشا دخلت العربية على الجهاز :
وقال المهندس كله تمام مفيش عندك اى حاجة والجهاز مش قارىء مشاكل
جرب فى طريق مفتوح خارج البلد وامشى سرعة 120 وشوف الاستهلاك ان شاء الله يكون كويس
طيب الحمد لله جرب كده وان شاء الله ربنا يصلح الحال,تحياتي .