عاوز ازبط ال 2107 قبل ما ابيعها
السلام عليكم ورحمه الله وبركاته
انا قررت ابيع العربيه
لادا 2107 موديل 1989 ال 1500 Cc
عامله 99500 كم
لونها ابيض
فيها رخصه سنتين باقيين
وحاله الصالون جيده جدا فرشها اسود قطيفه
بس عاوز ازبطها عشان تبقى تمام مع اللى يشتريها بعدى
انا كنت عملت سمكره ودوكو وغيرت حاجات فى العربيه " مع انى اكتشفت انى بعد ما فكيتها انها سليمه :("
غيرت بيض المقصات وطقم الجلب وكاوتش الميزان
تربيط العفشه وغسلتها
و طقم تيل وطنابير وخراطيم زيت وزيت الباكم طبعا
طرمبه بنزين جديده ووصلات بنزين جديده
عملت صيانه للدينامو و المارش وغيرت البوجيهات و تزبيط الكهربه كلها
فأيه اللى يتعمل تانى
مع ان فيه حاجات انا عارف انها عاوزه تتعمل " العربيه عاوزه فرده كاوتش او فردتين جداد و المساعدين مش عارف حالتهم ايه بس هما فبريكه العربيه"
بس ناس كتير قالتلى بيعها كدا واللى يشترى يغير النوع اللى على مزاجه
وياترى سعرها يبقى كام
