محبي حسني مبارك-انا اسف ياريس-

ياجماعة انا في مشكلة صغيرة وملقتش حد غير اخواتي ورجاله مصر المخلصين الجآلهم
انا عندي واحد صديق ليا جدا من بتوع اسف ياريس وفي نفس الوقت واحدة قريبتنا نفس الكلام بل وبترفض وتزعل مني جدا لو حطيت اي حاجه ضد حسني مبارك بالذات عالفايسبوك او كده وهيا انا وهيا بنحب بعض بس بعد الموضوع ده انا بقيت اكرهها جدا لاني تعبت كتير من الكلام معاهم وفي نفس الوقت قريبتي دي تهمني وبتحكيلي علي اي مشكلة بتواجهها وبتثق فيا جدا والمشكلة ان كل العيلة عندها كدا ماعدا خالي وهما ناس متعلمين جدا ومحترمين جدا وصاحبي نفس الكلام وانا اشهد انهم زينا وتعبوا في كل قرش جابوه واكيد في ناس زي دول كتير مضحوك عليهم واما اجي اكلمهم واثبتلهم اني علي خطأ بيكسروني بسيف الحياء يعني مثلا اما اقولهم اللي بيحبوا الشخص ده حرامي يردوا عليا ويقولولي احنا يعني حرامية بيقفلوا الكلام بسيف الحياء وانا واحد من الناس ابتديت اكرهم بجد من جوايا بس مش محسسهم بكدة

ياريت تقولولي اقدر اعمل ايه ؟

من لا يكره النظام السابق الشعب لا يحبه

مادام ناس محترمين ،،

يبقوا مجرد من حزب الكنبة ،،

فمفيش خطر منهم و لا قلق بيكونوا سلبيين ،،

فمش لازم تضايقهم و لا يضايقوك

معلش بركات انس الفقى الله يحرقه مطرح مهو قاعد

ياجماعه انا فيا مشكله اني لما احب حد اني اعطيله كل حاجه بس لما بكرهه شكرا وانا نفسي مكرهمش هما مفيش منهم خطر بس مينفعش طول ماانا قاعد اسمع اللي يقولي حسني مبارك ده ابونا و انا اسف ياريس مقدرش استحمل كده وبفتكر الناس اللي باعت حياتها علشان خاطرنا ببقي عايز بجد اني اتبري منهم ومكلمهمش تاني

ابعتلهم رساله فيها اخر كلام احمد فؤاد نجم يمكن يفوقو شويه

http://www.nilemotors.net/Nile/220214-a.html

كل واحد وله رائية الخاص .. وفي الاخر الكل خايف ع البلد :) بس كل واحد وله وجه نظر ..

انا مش شايف ان دي حاجة تخليك تكرهم الصراحة !

ما تكرهمش
بس عليهم انهم يتقبلوا رأيك

و حاول تقنعهم من غير خناق
:))))))))))))

انا اعز اصدقائى قالى انى بروح التحرير عشان البنات اللى هناك !
ما علينا
كبر دمااااغك ودول فعلا حزب الكنبه

احنا كده يبقي نسبة كبيرة مننا متستاهلش التغيير

السلام عليكم و رحمة الله و بركاته

خليهم يتفرجوا على حاجتين:

1 - الناس اللى كانوا مرميين فى معتقلات تحت الأرض لحد مايموتوا أو يتجننوا, ده غير الناس اللى منهم, من كتر الخوف و الرعب نسوا أساميهم, فعلا, مش مجاملة و الله العظيم و لو ماكانشى عندك حد يحكيلهم على الحاجات دى, قولى, انا عندى اتنين جيرانى ساكنين معايا هنا فى المنصورة و هيحكولك على حاجات, تخلى ابليس نفسه يشعر أنه ملاك و بجناحين :16::16: .

2 - المقابر الجماعية اللى ملياااااااااااااااانة هياكل عظمية و اللى لاقوها فى مقر مديرية أمن البحيرة فى دمنهور !!!!!!!!!!!

خليهم يتفرجوا على دول و انا أوعدك أنهم هينزلوا الجمعة الجاية ميدان التحرير.

قولهم البرازيل(إلي ماكانوش يعرفوا غير لعب الكورة) بقت تقريبا دولة عظمى في 5-6 سنين
وإن الهند(بتاعت الأفلام الهندي) بقت بتصنع نووري وصناعات تقيلة وعربيات وبتصدر تكنولوجيا
ودول العالم التالت مافضلش فيهم الا مصر بسسسس

كل سلوك سلبى بيكون بدافع ايجابى وفى الطرفين الدافع هو الوطنية والخوف عالبلد وده عمره مايكرهنا فى اللى مختلفين معاه
واحد صاحبى نفس النظام ...وفاصلين تماما مابين السياسة والصحوبية
نختلف فى السياسة لكننا اصدقاء
عشان تشيل التنشنة مابينكوا تبقى تقلب الموضوع لهزار شوية يعنى لما تدافع عن مبارك تروح مهزر وقايلها يقربلك ايه الراجل ده اعترفى...ومن ده كل شوية عشان الكلام مايبقاش حاد
ووصلك وجهة نظرك بنفس اسلوب الهزار ده

شكرا ليكو كلكم بجد وانا اتشرفت بيكم كلكم بلا استثناء وانشا الله مصر طالما فيها ناس زينا محدش هيبقي احسن مننا وربنا يكرمكو بجد لانكو خففتوا عني

بيحبوه ازاي ده سفاح

فى كل الأحوال تقبل الرأى الأخر من علامات التحضر ، مهما كان الرأى الأخر يبدو غير منطقى

حتى لو فضلوا مُقتنعين بكده فمش من حقك تكرهم

بس ممكن بقى لما تتكلم معاهم متتكلمشي عن مبارك خالص ، إتكلم عن اللى ماتوا ، إتكلم عن الفساد وعن الظلم والقهر ومتجيبشي سيرة مبارك خالص ، وصلهم لمرحلة إنهم يكرهوا العصر اللى فات بكل ما فية وهم من تلقاء نفسهم هيكرهوا مبارك

انا شايف يااستاذ مصطفي ان ده حل جميل جدا
بس الحرية ياجماعه وقصة قبول الراي الاخر ده في مسائل ممكن نختلف فيها يعني مثلا لما نقارن جيتا باوكتافيا او هوندا سيفيك ممكن نختلف ونتقبل بعض او حتي لو حد شايف ان الجيتا مثلا احسن من الفئة الخامسة انتا حر لان انتا اللي هتركبها انما واحد زي حسني مبارك والشله الفاسدة دي مفيش ادني شك او اي حاجه بسيطة تشفعلهم انهم كويسين انا مش بقول انه مبيعملش حاجه كويسه خالص هوا في بس بالنسبة للسلبيات الايجابيات تكاد تكون معدومة وبعدين حتي لو مش عندك اي جديد سيب السلطة لحد تاني دي دولة مش بنتكلم في انه كان بيبقي قائد لاي حاجه يعني بيتحكم في مصير ٨٥ مليون مصري واكتر