الحمدلله استقريت ع التيدا ولكن؟

**easy2002** · 19-05-2011 04:02 AM

السلام عليكم ورحمة الله وبركاته

بعد حيرة كبييييرة لأكثر من 4شهور بدور فيهم على عربية تناسبني وعملية وأقدر أصرف عليها ولا تكون حمل عليا وتكون اعتمادية أكثر من أي شيء لإن ده بجد اللي يهمني أوي ف العربية بطبيعة عملي ك طبيب امتياز مش هكون فاضي اني ألف بالعربية على التوكيل أو الميكانيكية

عذرا طولت عليكم
عندي كام سؤال لحضراتكم
- أفضل لون على العربية دي ايه
- موضوع قطع الغيار الياباني والكلام اللي طلع عليه انها هتكون فيها مشاكل بسبب الاشعاع الحل معاه ايه؟

وشكرا جزيلا مع العلم اني هجيب ال بلس بفتحة سقف هاتش باك

**zenda** · 19-05-2011 06:52 AM

موضوع لون العربية يرجع لزوق حضرتك والألوان المتاحة هى: أحمر و أزرق وبيج وفضى وأسود
بالنسبة لقطع الغيار فالعربية أصلا بتتصنع فى المكسيك بجودة يابانية وقطع الغيار أعتقد بتيجى من المكسيك برضة مع العربيات فمفيش خوف وحتى لو بتيجى من اليابان فأى حاجة بتخرج من عندهم بيفحصوها وأى حاجة بتدخل مصر بتتفحص برضة.

**Eng_Moh.Dewair** · 19-05-2011 08:24 AM

ارشحلك اللون الاسود بس هيعوز منك شويه اهتمام
بالنسبه لقطع الغيار العربيه موجود لها ستوك كبير فى التوكيل وعند التجار سواء جديد او استيراد من قبل حدوث ازمه الاشعاعات دى فمفيش منها قلق و زياده للامان الحاجات اللى جايه من جنوب شرق اسيا بيتعمل لها فحص يعنى حط فى بطنك شادر بطيخ صيفى

**SonaSteel** · 19-05-2011 11:04 AM

احلي لون ليها شوفته (الاحمر الناري) فوق الراااااااااائع ماشاء الله

**Ali_Abo_Amr** · 19-05-2011 12:03 PM

اختيار موفق ان شاء الله
وارشحلك اللون البيج شياكة ووقار بما انك طبيب ... او اللون الفضى

**BassamHafez** · 19-05-2011 02:30 PM

الاحمر والفضي والفراني

وعلى فكرة انا كنت شوفت منها بني محروق كان تحفه بس مش عارف لسه موجود ولا لا

**Ahmed.TV** · 19-05-2011 02:58 PM

اللون الاحمر فيها تحفة بسم الله ماشاء الله , بس الاحمر اللى هو حلو عليها تقريبا الاحمر العادى , مش النارى

واللى يفيدك فى قصة اللون الاحمر الجميل بتعها اسمه ايه وكوده ايه زميلنا احمد فؤاد اللى لسه من فترة مستلمها

بس انا عاوز اقولك على حاجة

بخصوص الهاتش باك , خاليك فى احمر والفضى او البيج , الفواتح عموما فى التيدا سواء سيدان او هاتش باك بتكون حلوة جدا

وربنا يوفقك

وبخصوص الاشاعات والكلام ده كلام كله مش صحيح , والناس بتسمعه من المندوبين فى المعارض اللى بيسالوا على التيدا , ويكون عندهم عربيات كورى , او ناس بتتكلم على اشاعات وخلاص مش اخبار مؤكدة

واللى مؤكد فعلا ان العربيات مش بتغادر مصنع نيسان ولا المينا فى اليابان الا لما تكون اتكشف عليها باجهزة , بتبين اذا كان فى اى اخطار ولالا , والكلام ده انا شوفته بعينى وحخليكم تشوفوه وتطمنوا باذن الله

تحياتى