دبي تحاول خفض عدد الحوادث بتطبيق غرامة فورية حال عدم ترك مسافة أمان بين السيارات

**Salamonti** · 19-05-2011 11:08 AM

دبي تحاول خفض عدد الحوادث

أعلنت شرطة إمارة دبي إطلاق حملة توعية تستمر 10 أيام تصدر خلالها شرطة المرور غرامات فورية لأي سائق يقود سيارته بالقرب من السيارة التي أمامه.

وذكرت مجلة "أرابيان بيزنس" الإماراتية أن السائقون في دبي الذين لا يتركون مسافة أمان كافية بينهم وبين السيارات الأخرى يواجهون غرامة تبلغ 400 درهم وإضافة أربع نقاط سوداء على رخصهم.

و يجب على السيارات التي تسير بسرعة 40 كيلومترفي الساعة ترك مسافة 35 متر أي ما يعادل سبع سيارات، وعندما تكون سرعة السيارة 120 كيلومتر يجب ترك مسافة 104 متر.

ويعد عدم إبقاء مسافة أمان كافية بين السيارات واحداً من أكثر أسباب الحوادث في دبي حيث تظهر إحصاءات صادرة عن شرطة دبي أن أكثر من 43.200 حادث وقع منذ بداية العام الجاري حتى الآن بسبب عدم ترك مسافة أمان بين المركبات.

**زينة الله** · 19-05-2011 11:57 AM

قانون كويس ...

لكن يا سلام لو أتطبق فى مصر !!!!

و الغرامات تشتغل ... ممكن نجمع سيولة للخزينة تحل أزمة الاقتصاد المصرى !!!!

**SYD** · 19-05-2011 12:21 PM

اعتقد مش هنقدر نطبق حاجة زي كدة ولا حتي علي الدائري
وبعدين اعتقد مسافة الامان بتبقي اقل من كدة
ولو حضراتكم لاحظتوا هما بيتكلموا علي مسافة امان علي سرعة 120 كم / ساعة يعني واضح ان نظامهم غيرنا تماما
وعندنا في مصر ماشاء الله علي سواقين الميكروباصات والتاكسي والنص نقل والمهني عموما بيفضل لازق فيك بشكل يخرجك عن شعورك لدرجة انك ممكن من كتر ماهو لازق فيك انك تلبس مطب لأنك مش عارف تفرمل

ربنا يهدي الحال ونحاول نطبق ولو نص حتي قانونهم باخلاقيتنا دي وبحالة الطرق عندنا وشوارعنا المزدحمة بالسيارات

والله المستعان
،
،

**Ashraf_Ibrahim** · 19-05-2011 01:05 PM

تطبيقها هيكون شيء صعب جدا
بس هي فكرة كويسة لو اتطبقت!

**aly_hosny** · 19-05-2011 03:08 PM

لو سبت 2 متر بينك و بين ال قدامك هتلاقي خمس ست عربيات دخلو فيه

بس الارقام دي مبالغ فيها اوي اوي
انا اعرف ان اخرهم 12 متر

**evram** · 20-05-2011 02:42 PM

اهو القانون دة صعب يتنفذ نهائي في مصر دة انا لو سبت مسافة مابيني و مابين االي قدامي يادوة 2 متر يطلع راسة الي وريا اقل كلمة يقولهالي ماتطلع شويةي ا حيوان دي اقل اقل حاجة و غير بقي يابن ال تيييييييييييييت خش لقدام م الشارع فاضي اهو و نهاري اسود يوم ما ابقي واقف في اشارة و الاشارة تتحرك و الي قدامي يمشي و متحركش وراه علطول لو استنيت سانيه واحدة يبقي امي دعت عليا