وافد جديد فى عالم البايك+بعض الاستفسارات

**acceleration** · 20-05-2011 05:46 PM

المشاركة الأصلية كتبت بواسطة khaled2010

بص انا هقولك مثل صغير اوى .........لو قلنا انك جبت مكنة كوزاكى 250 مثلا ولاقيت قدامك حاجة تانيه عاجباك وعايز تبيع الكوزاكى ..........هتحط اعلان على النت مثلا وده الطبيعى ال هيحصل صح؟..........نسبة الاتصال هتكون مثلا واحد او اتنين فى الشهر ومش هتسمع كلمه انتا عايز فيها كام ......هتسمع اسئله غريبه بقى زى لونها ايه ماشيه كام الف التنك فيه خبطات ولا ايه ده على اساس انه هيشترى تنك جديد مثلا وهوا هيكون بيسترخص مكنة وخلاص وبيتلكك لاى حاجة وحوارات غريبه لا تقدم ولا تاخر وانتا نفسك هتزهق منها انما شوف بقى الهوندا حط الاعلان دلوقتى واتفرج على كم المكالمات ال هتجيلك على مدار اليوم مش هتعرف تنام والبطارية هتفضي من كتر المكالمات وانتا ال هتنقى وتختار الزبون ال على مزاجك ده غير ان قطع الغيار غاليه ناااااااااار ومش هتلاقى حتى تيل الفرامل هتضطر تملاه وهتبهدل المساتر بتاعت الفرامل ياراجل ده الصينى احسن فى الحالة دى ههههههههههههه تحياتى خالد 2010

فعلا كلام حضرتك صح انا كمان فكرت ف ده وحطيته تحت السلبيات علشان اقدر اقارن

**acceleration** · 21-05-2011 03:08 PM

معلش يا جماعة انا تاعبكم معايا ...بس انا لقيت اعلان على النت ل كاوازاكى 1000سي سي موديل 99 معروض على 17 الف ...السعر ده طبيعى ؟

**viper911s** · 22-05-2011 12:53 PM

المشاركة الأصلية كتبت بواسطة acceleration

معلش يا جماعة انا تاعبكم معايا ...بس انا لقيت اعلان على النت ل كاوازاكى 1000سي سي موديل 99 معروض على 17 الف ...السعر ده طبيعى ؟

ممكن يكون طبيعى (بس مظنش ) السعر قليل جدا فى رئى
بص دور على قطع الغيار فى السوق
وبالنسبة لسؤالك مدى تأخر قطع الغيار المفروض ان اقصى مدة هى 30 يوم
بس علشان تكون عارف انا فى عز العرب لكن فى توكيل العربيات مش البايكس
بس اقدر اوصل الى اى معلومة بالخصوص دة من هناك طبعا
بس الاكيد منة الحاجات الرئيسية موجودة زى قطع الصيانات الزيوت والفلاتر والاتيال

**acceleration** · 22-05-2011 09:24 PM

طيب دى كدا حاجة تمام اوى ...يعنى مشكلة قطع الغيار محلولة اهى

**hero_xp10** · 24-05-2011 03:27 PM

اى حاجة جديدة علينا بتكون سعات صعبه شوية عارف ليه لاننا مش بنكون فاهمينا كويس ولما بتحصل مشكلة بنلف حوالينا ونعد ندور المشكلة فين بس بيسهل علينا شوية لما تلاقى ناس حواليك فاهمين فى الحجات اللى بتسأل فيها وعارفين ممكن تعمل ايه !
لو انت لسه جديد فى عالم البايكات. يبقى خليك فى الموجود حاليا فى السوق عشان لسه قدامك كتيير تتعلمه
ولما تكون فاهم وعندك خبرة سعتها هات اى حاجة تعجبك لانك هتعرف تسلك نفسك والعملية مش هتقف معاك

الموضوع مش سهل زى مانت فاكر حتى لو جبت حاجة هوندا هتتعب فى حجات برضه عارف ليه !! لانك جديد ولحد ما تفهم كل حاجة متصعبش على نفسك الامور وتجيب حاجة قليله فى السوق عشان متقفش معاك كتير فى كل مشكلة هتواجهها

حتى لو قدامك حاجة لقطة بلاش منها عشان مش هتفضل لقطة عالطول هتيجى وقت محتاج تصيين لها حاجة وتغيرلها حجات ودى حجات اى حد جديد بيحتاس فيها ياترى تجيب اى نوع ومنين والسعر مناسب ولا لأ ...!! وهكذا .....
فى الأول والاخر ده رأى الشخصى ودى وجهت نظرى فى الموضوع واتمنى اكون أفادتك .

**viper911s** · 25-05-2011 01:17 AM

المشاركة الأصلية كتبت بواسطة hero_xp10

اى حاجة جديدة علينا بتكون سعات صعبه شوية عارف ليه لاننا مش بنكون فاهمينا كويس ولما بتحصل مشكلة بنلف حوالينا ونعد ندور المشكلة فين بس بيسهل علينا شوية لما تلاقى ناس حواليك فاهمين فى الحجات اللى بتسأل فيها وعارفين ممكن تعمل ايه !
لو انت لسه جديد فى عالم البايكات. يبقى خليك فى الموجود حاليا فى السوق عشان لسه قدامك كتيير تتعلمه
ولما تكون فاهم وعندك خبرة سعتها هات اى حاجة تعجبك لانك هتعرف تسلك نفسك والعملية مش هتقف معاك

الموضوع مش سهل زى مانت فاكر حتى لو جبت حاجة هوندا هتتعب فى حجات برضه عارف ليه !! لانك جديد ولحد ما تفهم كل حاجة متصعبش على نفسك الامور وتجيب حاجة قليله فى السوق عشان متقفش معاك كتير فى كل مشكلة هتواجهها

حتى لو قدامك حاجة لقطة بلاش منها عشان مش هتفضل لقطة عالطول هتيجى وقت محتاج تصيين لها حاجة وتغيرلها حجات ودى حجات اى حد جديد بيحتاس فيها ياترى تجيب اى نوع ومنين والسعر مناسب ولا لأ ...!! وهكذا .....
فى الأول والاخر ده رأى الشخصى ودى وجهت نظرى فى الموضوع واتمنى اكون أفادتك .

كلام مطبوط ومؤيد 100 فى ال 100