سرقة اللوحات المعدنيه

**mbluethunder** · 25-04-2008 02:46 AM

المشاركة الأصلية كتبت بواسطة boty50

عزيزي

المفتاح الألن كي بيركب علي راس مخصوص متحرك ممكن تشيلة في درج العربية
او الشنطة او البيت الي ان تحتاج فك الأرقام من العربية

كمان لو لاحظنا ان راس المسمار والثقوب اللي فية صغيرة جدا علي اي راس بنز (ببوز رفيع)
انها تفكة

تصدق إني ملاحظتيش موضوع الراس المتحركه إلا دلوقتي

شكرا يا باشا على الملاحظه ده........كده ممكن يخلي الحرامي يستصعب إنه يفك اللوح ويسرقهم

**mbluethunder** · 25-04-2008 02:58 AM

المشاركة الأصلية كتبت بواسطة ABOZAYED

يا جماعه المشكله الأكبر من سرقه اللوحات هي عمل لوحات مضروبه بنفس الرقم بتاعك
اللوحات لو اتسرقت ديتها شويه لف (محضر + لوحات جديده )
انما الأخطر ان حد عاوز يعمل مصيبه يضرب لوحات بنفس الرقم بتاعك ويا سلام بقي لو كانت العربيه اللي هايعلق عليها اللوحات المضروبه بنفس المواصفات بتاعه عربيتك .. يبقي كملت

يعني ممكن تسرح بخيالك وتتصور المشهد ده : انت في البيت الساعه 6 مساءا وبتستعد للخروج مع المدام .. دق جرس الباب وطرقات عنيفه علي الباب .. فتحت الباب لقيت قوه من القسم
انت فلان الفلاني... ايوه خير
انت صاحب العربيه ال128 الحمراء .. اللي ارقامها 12345 ملاكي القاهره ... ايوه خير حصلها حاجه ..
طيب تعالي معانا سياده المأمور عاوزك حالا .. دانتا دوختنا عليك .. ليه يا باشا هوه فيه ايه
اسكت خالص بقي تخبط المعزه بتاعه ام فتحي وتهرب .. بس الواد فتحي مفتح وشافك وكتب نمرتك :(
....وباقي القصه انتم عارفينها .. س و ج
وابقي اثبت بقي انها مش عربيتك (وهيا نفس ماركه عربيتك ولونها ونفس ارقام اللوحات ومش بعيد اللي كان سايقها شبهك كمان)
صباح الفل ..

ده بقى مصيبه تانيه خالص وكارثه لصاحب العربيه

يعني لو الواحد قدر يحمي لوح العربيه بتاعته من السرقه .. ممكن واحد يسرق الأرقام ذات نفسها ويضربها على أي قطعه صاج أو ألومنيوم ويعمل بيها مصيبه

طب تفتكر الحل هنا هايبقى إيه

وأعتقد إن التفكير الإجرامي ده ما يطلعشي غير من حرامي محنك ومخضرم كمان علشان يعمل الحركه ده.. وفي رأي إن النوعيه ده من الحراميه قليله هنا أو نادره

**mbluethunder** · 25-04-2008 03:03 AM

المشاركة الأصلية كتبت بواسطة onna

انا جالى اكتئاب من موضوعكو

انا هرجع العربية مش عايزاها P:

لييه بس يا نهى

عايزه ترجعي العربيه علشان موضوع سرقة اللوح

ده على كده بقى الناس ماتركبشي عربيات خالص بقى

الهدف الأساسي من الموضوع ده .. إننا نعرض الحلول المنطقيه والعمليه لمنع سرقه اللوحات المعدنيه

وذي ما بيتقال

الوقايه خير من العلاج

وعلى فكره...... الأكتئاب أصبح سمة من سمات العصر .. يعني بقى حاجه عاديه خالص في الزمن ده:)

**theking2690** · 25-04-2008 03:05 AM

يا جماعه انا جبتلكو حل اللى هيخلصكو من القلق على العربيه حتى لو سبتوها مفتوحه و جواها كنوز مغارة على بابا ب ممكن مينفعش مع العربيات الى شنطتها مش كبيره والحل انكو تجيبلكوا كلبين من دول و قابلنى على هيقرب للعربيه و خلى بالكوا يا جماعه انى حاططلكوا صور اشرس كلبين فى العالم بيت بول و روت ويلر وكلحزظه ان اللى هيتبع الحل ده لاوم مرتبه ميقلش عن 1500000 علشان يقدر يقضى الكلاب اكل و يجيبلوهم حد يهتم بيهم برضه وعلشان يغطى الخساير اللى ممكن تعملهالو الكلاب سواء من عض او تقطيع فى الفرش

افكار شريره بقى نعمل ايه بس هو ده اللى ينفع للتعامل دلوقتى

نيههههههههههههههههههه

**mbluethunder** · 25-04-2008 03:16 AM

المشاركة الأصلية كتبت بواسطة theking2690

يا جماعه انا جبتلكو حل اللى هيخلصكو من القلق على العربيه حتى لو سبتوها مفتوحه و جواها كنوز مغارة على بابا ب ممكن مينفعش مع العربيات الى شنطتها مش كبيره والحل انكو تجيبلكوا كلبين من دول و قابلنى على هيقرب للعربيه و خلى بالكوا يا جماعه انى حاططلكوا صور اشرس كلبين فى العالم بيت بول و روت ويلر وكلحزظه ان اللى هيتبع الحل ده لاوم مرتبه ميقلش عن 1500000 علشان يقدر يقضى الكلاب اكل و يجيبلوهم حد يهتم بيهم برضه وعلشان يغطى الخساير اللى ممكن تعملهالو الكلاب سواء من عض او تقطيع فى الفرش

افكار شريره بقى نعمل ايه بس هو ده اللى ينفع للتعامل دلوقتى

نيههههههههههههههههههه

ينهار أبيض...... كلب مره واحده علشان الحرامي مايسرقشي العربيه

وشيريز زي دوووول:D

طب اللي بيخاف من الكلاب يعمل آيه بقى.... يعلق صوررر ليها:D:D

كمان اللي هايجيب الكلب ده ... هايعمله بيت خشب فوق العربيه علشان لما يحب يستريح ولا يقطر البيت ده في كل حته رايح فيها

ده على كده بدل الكلاكسات بتاعت العربيات اللي عامله إزعاج أصلا .. هانسمع هوهوا للصبح:D:D

**Islam_galal** · 25-04-2008 03:21 AM

يا عم نحط صورتهم كفاية
يا ساااااااتر

**theking2690** · 25-04-2008 11:28 AM

امال انا قايلكوا الموضوع مش هينفع غير فى العربيات ام شنطه ليه و بعدين يا جماعه اللى هيعمل كده هيضرب عصفورين بحجر يعنى يعنى لو جاب الاتنين زى ما انا بقول يخلى واحد عند العربيه و التانى ياخده البيت و هو طالع وقابلنى اذا المدام عرفت تكلمك حتى و الحل ده ناس كتييييييييييير متجوزه معانا فى المنتدى كانوا بيناموا فى البلكونه انما دلوقتى بالحل ده يناموا فى سريرهم متأنتخين ويشغلوا الماتش كمان و محدش يعرف يقولهم تلت التلاته كام

مش عارف انتوا خليتوا افكر افكار شريره نيههههههههههههههههههههه