سرقة اللوحات المعدنيه

**mbluethunder** · 22-04-2008 02:00 AM

أنا لاحظت إن اللوحات المعدنيه للعربيات بتتسرق كتير الأيام ده

أنا فوجئت بالموضوع ده وسمعته كذا مره.. ومش عارف أيه سببه

اللي سرق اللوحات ده هايعمل بيها إيه .. هايحطها ديكور على عربيته ولا هايبعها لأعلى سعر.. ده أيه الغلب ده .. وفي الأخر صاحب العربيه يطلع عينه علشان يبلغ ويجري من هنا لهناك علشان يلاقي لوح جديده

يعني خلاص ...هو لازم أي حاجه تتسرق كده من العربيه..

أنا خايف بعد كده الواحد يلاقي فانوس ولا باب مسروق من عربيه علشان البيه اللي سرقه ما عندهوش وقت يسرق العربيه كلها.. فقلك كفايه الباب او الفانوس دلوقتي ويجي يكمل بكره

طب أيه العمل بقى في المصيبه ده .. الواحد إزاي يخلي باله من نمره.. وأيه هي الإجراءات المتبعه لو حصل وإتسرقت اللوح..وتفتكر إن اللي هايسرق اللوحات ممكن يسرق واحده بس ولا لازم الأتنين

SS · 22-04-2008 02:18 AM

المشاركة الأصلية كتبت بواسطة mbluethunder7000

يعني خلاص ...هو لازم أي حاجه تتسرق كده من العربيه..

أنا خايف بعد كده الواحد يلاقي فانوس ولا باب مسروق من عربيه علشان البيه اللي سرقه ما عندهوش وقت يسرق العربيه كلها.. فقلك كفايه الباب او الفانوس دلوقتي ويجي يكمل بكره

انت بتقول فيها ده بقى واقع و حقيقة عايشنها خد عندك الماركات اللى ببتركب على الشنطة او على الشبكة ادام و الفوانيس وفرد الاستبن اللى فى اغلبية العربيات بتبقى لاتصلح للاستخدام وعلى الرغم من كده مش سايبنها ..ربنا يسترها معاك

**khaledmohamed07** · 22-04-2008 02:48 AM

يا جماعة خلوا بالكو ان سرقة اللوحات الهدف منها سرقة الحديد اللى هى مصنوعة منة و ادعوا كلكو لاحمد عز .... انا اسف احمد ياشا عز
زى ما يتتسرق قضبان السكة الحديد و بوابات العمارات و البيوت اللى يرضو مصنوعة من الحديد
بقينا نسرق بعض ... و لسة

**mohamed_88sk** · 22-04-2008 02:52 AM

لا يا جماعة بصولها من بعد تاني غير الحديد
مش ممكن بتكون النمر تتسرق عشان لما النمر التانيه الجديده اللي حتنزل في شهر 8 ماينفعش تتفك إلا بمعرفة المرور (على حد كلامهم)
فتلاقي المجرمين بيسرقوا دول عشان يبقوا يحطوهوم على أي سيارة بعدين يعملوا بيها المصايب وبعدين تترمى ...
ممكن ده ...

**اسلام المصرى** · 22-04-2008 06:09 AM

بسم الله الرحمن الرحيم
لو عايز يستخدمهم فى أى مصيبة يبقى لازم يسرق الأتنين طبعا :) لو لا قدر الله حصل , يبقى لازم تعمل محضر , علشان لو حصل بيهم حاجة يبقى أنت معاك محضر أنهم مسروقين من يوم كذا الساعة كذا.....
مش عايز أجيبلك أكتئاب يا محمد و أقولك فكهم و أنت طالع أى حتة :D :D :D بدل ماتخش على الناس و أيدك فاضية تخش عليهم بنمر العربية :D

**mohamed_88sk** · 22-04-2008 11:24 AM

اسلام المصرىبسم الله الرحمن الرحيم
لو عايز يستخدمهم فى أى مصيبة يبقى لازم يسرق الأتنين طبعا :) لو لا قدر الله حصل , يبقى لازم تعمل محضر , علشان لو حصل بيهم حاجة يبقى أنت معاك محضر أنهم مسروقين من يوم كذا الساعة كذا.....
مش عايز أجيبلك أكتئاب يا محمد و أقولك فكهم و أنت طالع أى حتة :D :D :D بدل ماتخش على الناس و أيدك فاضية تخش عليهم بنمر العربية :D
:D :D :D والله مش بعيد تلاقي واحد بيزورك وشايل نمرة في أيده هههههههههههههههههه
أو ممكن تنزل الشغل وتسيب نمرك في البيت (ألاغاليغو) ههههههههههههههه

**Adham_Sabry** · 22-04-2008 11:34 AM

ممكن الواحد يتفق مع ترزي يعملهم تعليقه في البدله من قدام ومن ورا ويركب عليهم نور علشان يبقوا واضحين

**sherif_84** · 22-04-2008 11:35 AM

ربنا يسترها معانا جميعـــــا ويحفظنا ويحفظ أموالنــا
البلد كل يوم يظهر فيها اختراعات جديــدة للســرقة

**mohamed_88sk** · 22-04-2008 11:37 AM

ممكن الواحد يتفق مع ترزي يعملهم تعليقه في البدله من قدام ومن ورا ويركب عليهم نور علشان يبقوا واضحين

زي الحزام المحمول بتاع صابر الطيب صابر الطيب :D :D
////////////////////////////////////////////////
ولا تتوقف دماغ المجرم المصري عن الأختراعات يارب سلم .

**Karim_Monir** · 22-04-2008 01:22 PM

هو فعلا اكتر سبب عشان الجرايم
وكمان عشان ينقلو بيها العربيات الزيرو من مكان لمكان ولما لجنة توقفة يقولو نسيت الرخصة في البيت ويدفع اللي فيه النصيب
لكن يجيبو نمر تجارية ب 50 او 80 جنية في اليوم لالالالا
كدة اوفر بكتير

الموضوع: سرقة اللوحات المعدنيه

LinkBack

أدوات الموضوع

عرض

سرقة اللوحات المعدنيه - انشر الموضوع فى :

-

-

-

-

-

-

المواضيع المتشابهه

سرقة اللوحات المعدنية

بمناسبه التحقيق فى قضيه اللوحات المعدنيه الجديده

سؤال عن اللوحات المعدنيه الجديده فى الاسكندريه

عيوب ترتيب الحروف فى بعض اللوحات المعدنيه الجديده

تأمين اللوحات الجديدة110 جنيه . أين تأمين اللوحات القديمة ولماذا لا يرد للمواطنين ؟

الكلمات الدلالية لهذا الموضوع

المفضلات

المفضلات

ضوابط المشاركة