السلام عليكم,
عايز أجيب بطارية للسيفيك 2009 إيه أخبار السوق؟ ومنين أجيب؟
شكرا مقدما
عرض للطباعة
السلام عليكم,
عايز أجيب بطارية للسيفيك 2009 إيه أخبار السوق؟ ومنين أجيب؟
شكرا مقدما
وعليكم السلام
الاسعار غالية شوية الفترة ده
عموما في واحد ورا مبنى الحي بتاع مدينة نصر شرق اللي فشارع الطيران اسمه خالد المنياوي ده اغلا شوية من السوء بس عنده الضمان ضمان حقيقي وبيعمل كشف كل شهر مجانا على الدينامو والبطارية
وفي واحد تاني قدام مترو ماركت اللي جنب جنينة مول أنا مجربتوش بس بيقولوا إنه كويس
بتوع البطاريات كلهم واحد، اهم حاجة النوع وتاريخ الانتاج ، وارشحلك ال ACDelco ممتازه ومعمره وضمانهم محترم ، بقالها فى العربية عندى سنتين بدون اى مشاكل
جبت بطارية عندى مكملتش شهر ... بعد ما ركنت البطارية القديمة على الرغم من انها سليمة .
المهم انا جبتها acdelco الـ 60 امبير ... بحوالى 385 جنيه تقريباً غير التيبس بسعر الجملة من واحد عند جسر السويس .
ال acdelco زمان كانت كويسة بس بقالها سنة تقريبا بتتقفل فالسعودية بجودة مش تمام خالص
في ال varta أعتقد دي الماني وفي ال rocket دي كوري
بالنسبة لل 60 امبير قليلة شوية بالمقاس بتاعك بس موجودة وهوا عموما ال55 كفاية قوي لو إنت مش معدل حاجة فالعربية عايزة كهربة كتير (sub woofer مثلا أو electric super charger أو compressor )
و الله الموفق
Varta وهاتها من أي حتة
55 أو 60 علي حسب عربيتك أساسا كام
انما لو حاطت حاجات كهربا كتير زي DVD وسماعات شداد والحركات ده يبقي 70
الفارتا ألماني ومحترمة جدا جدا
انا كنت جايب ال 55
كانت ب 450 تقريبا
ال Rocket كويسة برضه بقالها معايا سنة والحمد لله شغالة تمام