عرض للطباعة
السلام عليكم
انا عاوز انزل اشترى عربية
ومش عارف اجيب ايه
بس لما روحت المعرض اتفرج على العربية
لقيت شكلها حلو وموصفاتها جميلة جدا
بس انا دة كلو مش يهمنى
انا عاوز حد يكون جربها
ويقولى بامانة اشترى واتوكل على الله
ولا اجيب ايه بدلها فى حدود 50 الف جنيه
===================
تحذير اللون الاحمر مخصص فقط للاداره
مشــرف القسم
انا رأى بلاش و انا مجربتهاش بس كان فية اخ معانا فى المنتدى جابها و باعها
انا لسة شاريها لبنت خالى من اسبوع تقريبا
وشايف انها ممتازة
وكنا بيها فى السويس من يومين وكنت طاير بيها 170 كيلو فى الساعه ما شاء الله ثابته جدا
وموتورها قوى جدا عليها والتكييف مش بيأثر فيه بتاتا
وواسعه جدا من جوه والتابلوه بتاعها واهمى وفول اوبشن بصراحه عربية لقطة
اتكل على الله وهاتها
عربية هايلة توكل على الله
يا اخي اتمنى ان نصل في التطور الى ربع ما عملته الصين ونبطل نطلع عيوب بس .
احنا الشعوب العربيه اختصاصنا النقد الهدام فقط ويراتنا عملنا حاجه تفرح
و الله انا زيك بالظبببببببببببببط
كنت هاموت عليها و الله العظيم
كل ما اقول لحد عاوزاها يقولولي لالالالالالالالالالا الا الاسبرانزا
طيب ليه يا جماعه
يقولولي عربيه مش ثابته و عفشتها مش متينه و الصاج بتاعها ورق و لو فكرتي تبيعيها هتنزل في تمنها عشرين الف علي الاقل اوي
قرفوني و زهقوني بجد
بحس ان الناس بتبعد عن الصيني و تنتقد فيه و خلاص لمجرد انه صيني مش عشان هي دي الحقيقه
لو سالت الناس اللي معاهم صيني هيقولولك ان العربيات جميله و بتتحمل
و لو سالت اي حد تاني معاه عربيه كوري و لا يابانيو لا ماليزي و لا الماني هتقعد تسمع كلام يقرف للصبح
مبقتش عارفه اصدق اللي معاه العربيه فعلا و مجربها و لا اللي معاه عربيه تانية و بيقول وجهة نظر بس
صلي صلاة استخارة و توكل علي الله و لو ليك نصيب فيها هتجيبها
بوســـــــي
لو لم أكن مصريا لوددت أن أكون صينيا أو هنديا
بصراحة الناس دول عباقرة و بجد عربية تحفة و أنا كمان نفسى فيها جدا
انا رأيي في موضوع العربيات دة تجيب العربية اللي بتحبها وسيبك من كلام الناس
لان كل اللي معاه عربية هيشكر فيها وهتبأى كل العربيات التانية وحشة
انا انصحك بمحاوله تجربة العربيه من اى صديق و احكم بعدها
و ده الى انا هاعملوه النهارده لانى تعبت جدا من كلام الناس و مبقتيش عارف اجيب ايه
الحيره وحشه جدا لانى معظمنا بيجيب الفلوس ده بعد تعب شديد و غربة و مش عايز يدخل نفسه فى مشاكل.
و هناك قاعده عامه مفيش حاجه كلها حلوه او كلها وحشه . اى عربيه عبارة عن مميزات + عيوب + تاقلمك الشخصى معها و اقناعك بها
فاشترى الى تحس انه مريحك و مقنع بيه
نجى بقى للعربيه : العربيه ده مع 2 زمايلى فى العمل و بيشكروا فيها جدا و للعلم احنا شغالين فى شرم الشيخ. يعنى الناس بتضرب 600 كيلو من القاهرة الى شرم و العكس
و سالتهم قالولى عنها تماما مع بعض العيوب البسيطه التى تحل فى اول زيارة للتوكيل " مثل - تعطل الزجاج الكهربائى - الريموت - الشكمان ".
و لعلمك انا سالت الاثنين زمايلى و شكروا فيها و سالت باقى زمايلنا الى بيستلفوها منهم لقضاء بعض الرحلات او المشاوير بيشكروا فيها برضه مع تعليق ابعد عن الصينى و غنيله
عن نفسى قررت استلفها منه النهارده بعد الشغل و هاخدها منه يوميا لفترة 10 ايام
للخروج بها مع زوجتى و من خلال تجربتى الحقيقيه لها هقرر . لو ارتاحتلها هجيبها بدون تردد حتى لو من بلاد الواك الواك او متصنعه تحت بير السلم
مش عربيه كويسه و انا مرتاحلها و هتكفينى شر المواصلات و البهدله و حط فى دماغك العربيه هتجيبلك عربيه . اعتقد انى الحيرة الشديدة بتقبى فى اول عربيه تشتريها و بعد كده قلبك بيجمد و الى مش مريحك هتغيره
اسف للاطاله بس قولت افضفض شويه احسن اتخنقت من اراء الناس
نجيب فيرنا ---- لا وحشه بتعوم
نجيب اسبيرانزا ---- لا صينى
نجيب نيسان ----- عفشتها مش حلوه
نجيب شيفروليه ---- قطع غياره غاليه على الفاضى ده الدايو سابقا
نجيب ماتريكس - الالنترا ---- ابعد عن غبور
نجيب لانسر ----- بتاكل تيل و مش حلوه و بقت مرترترة فى الشارع
نجيب شيروكى ---- هتسد بنزين منين
نجيب عربيه صغيره "الالتو - بيكانتو - برادوا " ---- متستحملش سفر و علشان اغراضك انت و البيت
نجيب مستعمل ----- خاليك فى الزيرو اضمن
نجيب زيرو ----- مش اول لما تشطح تنطح
طب نركب مواصلات ---- ايه ياعم البهدله ده هاتلك حته صغيره ليك و لمراتك
فاتذكر عند كتابتى هذه قصه حجا و ابنه و انك صعب تمشى ورا كلام كل الناس
فشوف الى مريحك و جمد قلبك و امشى بدماغك بعض دراسة متانيه و صلاة استخارة لنوع العربيه التى تريد امتلاكها
و ده خلاصة القول
انا هامشى بقى علشان الضرب هيشتغل عليا على ودنه
ايوة صح عندك حق يا http://www.nilemotors.net/Nile/image...ine=1213704167 THEMAYOR
اكيد الحل فى الريسسس انا بفكر فى الريس هو احل
الريس هو الحل الريس هو الحل
ههههههههههه
عزيزي THEMAYOR http://www.nilemotors.net/Nile/image...ser_online.gif
ربنا يفتحها في وشط و يوفقك في الاختيار
بس بنسبة للموضوع انا شايف انك تروح تركب العربية وتشوف ابعدة اية هترتح فية ولا لا
وياسلامممممم لو فى دريفف تاست
هتعرف اذا كنت عايزة ولا لا
وربنا يوفقك
انا اسف لو كنت ضايقتكم براى بس ادينا بنتناقش مع بعض و الى شايف حاجه بيقولها للتانى و لا ايه
اخى HOT BOJA انا بقى بافكر فى الطيارات احسن و اريح و مفيش لجان تقرفك
حته طياره صغيره ب 200 الف و شكرا
بس تعتقد الناس مش هتلاقى فيها عيوب
انا مش ضد من يحاول بابداء رايه لان الاراء ده هى الى انا بكون خبرتى من خلالها لانى مش هاقدر اجرب كل العربيات
فانا نفسى يبقى الموضوع عباره عن العربيه الفلانيه - مميزاتها كذا - عيوبها كذا
و انت قرر مش كل واحد جاب عربيه و طلع نصيبه فيها مش حلو يبقى كل العربيات من الموديل ده وحشه
هاحيلكم على حاجة " اسف اصل انا رغاى شويه "
و احد صاحبى بيحب يغير عربيات كتير و مبيركبش غير زيرو جاب ياريس اشتكى من العفشه و باعها بعدها بفتره جوز اخته جابها بيجربها منه لاقى مفيش العيب ده
فبيسال قالوله حضرتك طالبتها عفشة رياضيه و ده بتبقلا ناشفة شويه عن العادى . يعنى مش عيب و لا حاجة . طب بعد ما باع اشترى النترا و كان عنده مشكله تقريبا فى الشاسيه بعد استلامه بايام . و صلحه لانه بدا يقتنع انا مش هاقضى حياتى كلها تنطيط من عربيه للتانيه . اثبت على موديل و احاول اشوف عيوب ايه و احلها او اتاقلم معها على حسب ظروف سواقتى
عموما هى قرف يعنى لو قرفتك حلوه عربيتك هتبقى حلوه :laugh6::laugh6::laugh6::laugh6::laugh6:
فكرة الطيارة حلوة بس مش هتلقى مكان تركنة ممكن هلكوبتر على السطوح بقى وتبقى احلة مشور فى ثوانى
لا يامان عندك حق فى وحد مرة قالى لم تيجى تعمل مشروع اسئل 10 هتلقى 9 يقلولك بلاش
وحدة يخوفك من الموضوع هى فى الاخر نصيب وربنا يوفق الجميع
لااله الا انت سبحانك اني كنت من الظالمين
يعتى يا جماعة نتكل على الله
واجيب للمدام 113 اسبرانزا
المشاوير يوميا مبتدعداش 5 كيلو بس
مجرد توصيل الاولاد للمدرسة فقط
يعنى مشوار خفيف جدا يوميا
افيدوني
:fdsa:اقتباس:
المشاركة الأصلية كتبت بواسطة activehero2006
يبقى حرام عليك تشترى عربية لمجرد 5كيلو فى اليوم:B4_237:
اركب تاكسى و لامواصلة خفيفة و خلاص
حرام عليك هتشيل ذنبوةاقتباس:
المشاركة الأصلية كتبت بواسطة noni67
اللى مستغربلو فين اللى راكبين العربية كل اللى اتكلمو هنا يا اما سمع يا اما حد من قرايبو يا اما حد من صحابو فين اللى معاهم العربية ليه مابيتكلموش
جامد قوي وواقعي تماما الكلام دة يا باشااقتباس:
المشاركة الأصلية كتبت بواسطة THEMAYOR
للاسف انا ساكن بمنطقة جديدةاقتباس:
المشاركة الأصلية كتبت بواسطة atamim
مينفعش موضوع التاكسي والكلام ده
وبعدين عندك اولاد بتروح المدرسة توديهم وتجبهم
دي المشكلة:U_thin1[1]:
صراحة العربية دى انا سوقتها لمدة اسبوعين بتاعت بنت خالتى وطبعاً بالنسبة للى معايا لادا 2105 فرق خرافى بس لاننى سوقت اكثر من عربية زى لادا والشاهين واللانوس واللانسر والبيجو والمازدا لفترات فده تقييمى ليها :
1 - محرك جميل وناعم وتسارعه كويس وعزمه حلو بالنسبة للعربية .
2 - العفشة ناشفة صراحة والعربية جريت بيها لغاية 140 وكان معايا 3 وكان الثبات كويس بس العربية عالية عن الارض وانا وحدى بخاف اعدى 120 على طريق السفر لانها خفيفة وجراية بعد 130 حسيت ان الثبات مش قوى فرامل سريعة الاستجابة بس لو فرملت فجأة بحسها بتقفش يمكن يكون عيب فى العربية لسوء الاستعمال.
3 - التقفيل بالنسبة للفئة السعرية للسيارة تقفيل الصالون والتابلوه فوق متوسط ويعيب عليه خامة التابلوه ، فرش الكراسى كويس والعربية واسعة من جوه وتشيل اسرة صغيرة وطبعاً ننسى الشنطة .
4 - استهلاك البنزين ممتاز .
الخلاصة عربية شبابية او لعائلة صغيرة ذات كماليات خطيرة بالنسبة لسعرها وفئتها (جميع الكماليات ) بس مش بتاعت طحن استعمال خفيف .
وعندك اكثر من خيار (بيكانتو 1100- سوزوكى التو 1100- برايد سايبا 1300 ايرانى- لادا 2107 الاوكرانى 1500- رينو لوجان 1400 تقفيل مغربى ) وكلهم انجيكشن وفول اوبشنز ولا يتعدوا 56000 جنيه وربنا يوفقك ويهديك للاحسن وشكراً .
el logan 3adet el 60000:D
رأيي زود و اشتري الهيونداي i10 بحوالي 56...أحسن و أضمن من الA113
el salamo 3alakom ana ma3aia accent bas fel sho3'l maslmnee a113 men el 2a7'r 3arbia fashlaaaaaaaaaaaa el 3afsha zaft el ta2feel zaftan bas mel 2amana el mator zay el fool wal takeeph tamam wa kaman el 3arbia day2a gadn bas halwa fel rakn
ممكن اسأل حضرتك سؤال ؟اقتباس:
المشاركة الأصلية كتبت بواسطة tamergalal
رينو لوجان ايه اللي فول ابشانز و انجكشن و سعرها مايعديش ال 56000 جنيه ؟؟؟؟؟؟؟
أستخر الله
ابعد عن الصيني . . .
باختصار سأروي لكم خلاصة تجربتي المريرة ومعاناتي مع اسبيرانزا 516 -1600cc حتى تم بيعها والحمد لله ،هذا ليس للنقد ولكن للاستفادة وأخذ العبرة لمن يريد :
(سيارتي كانت موديل 2007 وعملت بها 20000كم ولونها ،Sky grey- سيارتي السابقة كانت نوبيرا 2003 أوتوماتيك)
1) بداية استلام السيارة المكيف كان لا يعمل ودواسة البنزين بتقطع، تم ضبطهم بصعوبه وبعد عده زيارات للتوكيل وعده خناقات أيضا.
2) العفشة ناشفة جدا وتحس بكل زلطة في الطريق وتسمع أصوات غريبة وانت بتلف يمين أو شمال حتى بعد تعديل العفشة .
3) سحبها ضعيف جدا خاصة عند تشغيل التكييف وياسلام لو كنت محمل معاك ناس في العربية وطالع كبري في عز الظهر (فضيـــــــــــــــحة)، وحتلاقي في الأحوال العادية والله بلا مبالغة الـ 128 بتسبقك في الطلعة وكذلك جميع السيارات الـ 1300 والـ 1600 طبعا ، وموضوع انها 117 حصان وانها 147 نيوتن ده كلام فاضي وكذب عن تجربة وهي من واقع التجارب تقدر تقول انها فعليا 90 حصان ، 130 نيوتن/م
4) في المطبات وما أكثرها تسمع صوت طقطقة قدام ولما المطب ييجي وره تسمع نفس الصوت ورا وهو صوت ثابت في المطبات ومنتظم. (سوف تتعود عليه).
5) صفارة الفرامل وخاصة عندما تسخن الطنابير تحس انك ماشي بصفارة ممتازة تغنيك عن أي كلاكس (أيضا فضيحة)، نوعية التيل سيئ جدا بياكل الطنابير ، وكذلك نوعية الطنابير سيئة جدا - الطنابير اتاكلت بعد 20الف كيلو - طبعا خارج الضمان.
6) التابلوه بدأ يتقوس ويقب من الشمس ولسة العربية ما كملتش سنة !!
7) الباغة الخاصة بالكلاكس في الدركسيون غير حساسة وأحيانا بتعلق ونوعيتها رديئة .
8) الدوكو الخاص بالسيارة خفيف جدا لو عملتوا بأظافرك حيطلع علطول والاكصدام الأمامي والخلفي بدأوا في التقشير بعد الشهر الأول!!
9) صوت المارشدير عالي جدا (أيضا فضيحة ) الفتيس بيعض في المارشدير حتى بعد ضبطه في التوكيل ( لكن حتتعود عليه)
10) عيب قوي جدا في تصميم الموتور وأنه مقلوب ستجد الهيدرز الخاصة بالشكمان والفرن تم وضعهم إلى الداخل ناحية السائق والتابلوه وليس إلى الخارج كما هو الحال في جميع السيارات الأخرى المحترمة (فهل هذا اختراع جديد ؟) مما يسبب دخول حرارة الشكمان إلى الداخل ودليل ذلك حط يدك على الكاسيت بعد السير لفترة طويلة حتلاقيه مولع وسخن جدا ، انا كنت مركب صفارة انذار في الموتور ساحت واضطررت لتغييرها من سخونة الموتور ، فحركة قلب الموتور سيئة جدا وفكرة فاشلة تضر بالسيارة على المدى البعيد.
11) سماعات الكاسيت الأمامية كانت لا تعمل وتم ضبطها في توكيل كلاريون (السيارة زيرو !!!)
12) التوكيل وما أدراك ما التوكيل المعاملة الفعلية سيئة جدا جدا جدا ، لا تنخدع بالابتسامة وحضرتك ويا افندم وتحت أمرك ... ، انا عايز واحد يشتمنى بس يصلحلي العيوب اللي رايح عشانها مش بعد ما أحجز قبلها بأسبوعين وأروح وأضيع يوم كامل وأدفع مبلغ لا بأس به أرجع البيت بنفس العيوب !!!! (ضحك على الذقون)
13) أسعار الصيانة غالية صيانة 10000كم 300 جنيه - صيانة 20000كم - 700 جنيه ولدي ايصالات دفع بذلك ،طبعا كتير جدا غير اللي كنت بأدفعه في الزيارات اللي في النص مع المعاناه مع حضرتك وتحت أمرك يا فندم والكلام الفارغ ده والنتيجة ولا حاجة.
14) سنتر الباب الخلفي يمين لا يعمل وذهبت للتوكيل 3 مرات دون جدوى السنتر مش موجود حاليا ياا فندم على مدى شهرين !!!!
15) يوجد حدفة يمين لوجود عيب في الشاسيه باعتراف التوكيل وكثير من مالكيها سواء شعروا بها أو لم يشعروا وليس لها حل .
عموما هذا ما أذكره وهذه تجربتي الشخصية لمن يريد أن يستفيد ، والحمد لله بعت العربية وخلصت منها واشتريت الآن دايو ليجانزا مو 2001 أوتوماتيك وهي الحمد لله زي الفل وربنا يبارك فيها .
وتقييم نهائي للسيارة أعطيها 60% وقد تكون جيده لمن كان لديه قبلها 128 - سيات 133 – فيات 127- 125 أو شي من هذا القبيل مع احترامي الكامل لجميع السيارات السابقة ، وهي تصلح أكثر للسيدات وللاستخدام الخفيف غير كده للأسف مش حتنفع واللي حياخدها حيفكر يبيعها بعد أسبوع من شرائها .
اللهم قد بلغت اللهم فاشهد - نصيحة خالصة لوجه الله
أي استفسار انا جاهز 0123498224 م/ خالد جمال -
+10000000000000000000000000000000000000000اقتباس:
المشاركة الأصلية كتبت بواسطة MomoMedo
بصراحة كلام حضرتك صحاقتباس:
المشاركة الأصلية كتبت بواسطة Bossy_Fadl
انا كان معايا لانوس 2005 كنت بسافر بيها الاسكندرية اول اما اوصل الاسكندرية اللاقى الموتور تعب وبقى تقيل
والحمد لله ربنا كرمنى بالبريلينس (frv) وسافرت بيها الاسكندرية ورجعت القاهرة اول اما وصلت بوابة الاسكندرية يعنى مشيت 550كم متواصل والعربية كانت زى الفل والعربية بقالها معايا 3 شهور وعامل بيها لغاية دلوقتى 14500كم
وانا بشوف عربية تانية ومعايا فى حدود 55 ألف جنية وكنت عايز اعرف لو فيه test drive علشان عايز اجربها عشان ان شاء الله لو عجبتنى اشتريهاال113