لماذا يدفع الجميع أساتذة الجامعات للإضراب ؟؟؟؟؟؟

**hobiko** · 19-05-2011 03:58 PM

المشاركة الأصلية كتبت بواسطة otefa

ده فخ صح!!!!!

أكيد طبعا

انا حندهش اندهاش التنين لو حاجة تانية غير كده

**heshamzaky** · 19-05-2011 03:58 PM

المشاركة الأصلية كتبت بواسطة dr-mohamed

قد يقول البعض وايه المشكلة ما تصبروا على القيادات دي وتشوفوا هاتتصرف ازاي ؟
الرد علي هذا ببساطة:
1- اننا لا نطالب باقالتهم فورا بل بنهاية شهر يوليو القادم اي في الاجازة الصيفية حتي لا يقول احد ان الجامعات تضررت من تغييرهم وهو أمر غير صحيح
2- ان استمرار هذه القيادات هو تأكيد على السياسة السابقة فلكم ان تعرفوا ان رئيس احد الجامعات حصل لنفسه على مكافأة من التعليم المفتوح في جامعته قيمتها 7 مليون جنيه في عام واحد وهذا مثال لما يمكن ان يحصل عليه من باقي الوحدات ذات الطابع الخاص في الجامعة
3- ان هذه القيادات ما زال ولائها لمن عينها ويكفي ان رئيسي جامعة القاهرة وحلوان عينا اداريين في مناصب عليا منها امين عام الجامعة من ظباط الشرطة السابقين وقد حدث ذلك بعد الثورة يا سادة

افضل

طب شوفتو التوقيت بتاع أقالتهم فى الاجازة لما الترم الدراسى ينتهى يعنى الطلاب مش حا تضر و لا الامتحانات حا تتأثر و لا انا فاهم غلط يا جماعة .
المشاركة مكتوبة كدة مكتوب التوقيت أمتى فى نهاية العام الدراسى

**dr-mohamed** · 19-05-2011 04:10 PM

هههههههههههههه
اعجبتني جدا علامات التعجب التي اجدها من الجميع
لكن الغريب انى لم أجد من يناقش ما هو مكتوب
مجرد رفض فقط
حضراتكم ناقشوني في الكلام المكتوب وانا تحت امركم
ملحوظة انا اللى كاتب الموضوع يعني غير منقول

**dr-mohamed** · 19-05-2011 04:17 PM

المشاركة الأصلية كتبت بواسطة زينة الله

طيب لو الجيش شاف توقيعك يا دكتور محمد وسمع كلامك و طبق عليكم الأحكام العرفية !!!!!!!!!

والله أنا فخورة إن المهندسين صابرين و منهم ناس بتشتغل فى أجهزة الحكومة و الأحياء بمئات الجنيهات حتى الأن

و ربنا يساعدنا فى انتخابات النقابة حاليا

ههههههههههههههه
تصدقي يا استاذة زينة الله ان المجلس العسكري عنده علم بالكلام ده كله واتقدمت له المطالب كلها يوم 16 ابريل ولم يرد عليها حتي الان اي رد
ومش محتاجين توقيع لان عندهم اسمي وتليفوني وجامعتي

المشاركة الأصلية كتبت بواسطة otefa

ده فخ صح!!!!!

ههههههههههههههه
لا يا باشمهندس تصدق مش فخ

المشاركة الأصلية كتبت بواسطة hobiko

أكيد طبعا

انا حندهش اندهاش التنين لو حاجة تانية غير كده

الحق هات التنين بسرعة

**heshamzaky** · 19-05-2011 04:18 PM

أنا لا أمانع ابدا فى تحسين أى فرد و أى وظيفة لوضعة المالى . طالما ما وقفش عجلة الانتاج و عمل دربكة و عطل سير العمل يبقى اية المشكلة يعنى اشتغل و أطلب بحقوقك دون ان تمس حقوق الاخرين .
يعنى لو الامتحانات حا تتعمل فى ميعادها و الطلبة حا تمتحن و الدراسة مش حا تتوقف و أطلب اقالة حد غير كفؤ فى التوقيت السليم يبقى اية المشكلة ممكن حد يشرح الحتة دى

**heshamzaky** · 19-05-2011 04:23 PM

المشاركة الأصلية كتبت بواسطة otefa

يبقى محدش هايسمعلهم وطناش هههههههه

أيوة بس هو كتب توقيت الموضوع دة
(((((((((( قد يقول البعض وايه المشكلة ما تصبروا على القيادات دي وتشوفوا هاتتصرف ازاي ؟
الرد علي هذا ببساطة:
1- اننا لا نطالب باقالتهم فورا بل بنهاية شهر يوليو القادم اي في الاجازة الصيفية حتي لا يقول احد ان الجامعات تضررت من تغييرهم وهو أمر غير صحيح )))))))

**dr-mohamed** · 19-05-2011 04:26 PM

المشاركة الأصلية كتبت بواسطة enas75

.................
اختصار رائع لكلام كتيير كنت عايزه اقوله
يادكتور محمد مفيش انسان بيشتغل في مصر متعرضش لكافه انواع الفساد الوظيفي ....وكل المهن فيها بلاوي
لكن متنساش ان اغلب الشعب اتفق ان اي مظاهرات دلوقتي هيا مطالب فئويه بحته
............
ولو علي تعليم افضل يبقي الاضراب من حق مدرسين المدارس ووزاره التربيه والتعليم ....لانها هيا اساس مشاكل التعليم في مصر.....
لكن اساتذه الجامعات يعملو اضراب ( لما صفوه العقول في مصر بتفكر كده ) يبقي بعد اذنكم ياجماعه انا ياطالب باقي المهندسين يجمعو...ونطالب باي حاجه علشان نحسن مستوي البناء في مصر
بجد يادكتور محمد ....اتصدمت

لم نقم باضراب حتي الان كل ما حدث عبارة عن وقفات للتنبيه ولم تؤثر على سير العمل اطلاقا واشترطنا ان من يحضر للوقفة لا يكون عنده محاضرات في نفس اليوم لكن الاستمرار في التجاهل التام بعد 4 وقفات يبعث الشك على ان المطلوب هو فعلا الوصول لنقطة الاضراب او الامتناع عن تسليم النتائج وصفوة المجتمع يا استاذة ايناس لم تلجأ لهذا الاسلوب لكن في المقابل يجب ان تعامل بالفعل باعتبارها صفوة المجتمع وليس بالقول فقط

**dr-mohamed** · 19-05-2011 04:32 PM

المشاركة الأصلية كتبت بواسطة heshamzaky

أنا لا أمانع ابدا فى تحسين أى فرد و أى وظيفة لوضعة المالى . طالما ما وقفش عجلة الانتاج و عمل دربكة و عطل سير العمل يبقى اية المشكلة يعنى اشتغل و أطلب بحقوقك دون ان تمس حقوق الاخرين .
يعنى لو الامتحانات حا تتعمل فى ميعادها و الطلبة حا تمتحن و الدراسة مش حا تتوقف و أطلب اقالة حد غير كفؤ فى التوقيت السليم يبقى اية المشكلة ممكن حد يشرح الحتة دى

حتي الان ما نقوم به هو المطالبة فقط وحددنا مواعيد لا تؤدي للاضرار اطلاقا بالصالح العام

المشاركة الأصلية كتبت بواسطة otefa

يبقى محدش هايسمعلهم وطناش هههههههه

للاسف هذا ما حدث ويحدث بالفعل وهو ما سيؤدي لانتصار وجهة النظر المتطرفة التي تدعو لعدم تسليم النتائج اعتقد وقتها سينتبه من بيده الامر ويبدو انه لا استجابة لاي مطلب الا بالاضراب فحتي المطالب غير المشروعة يتم الاستجابة بها بلي الذراع والاضرابات اما المطالب المشروعة والتي في صالح الوطن فلا يتم الاستجابة لها طالما لم تعطل العمل

-

-

الموضوع: لماذا يدفع الجميع أساتذة الجامعات للإضراب ؟؟؟؟؟؟

LinkBack

أدوات الموضوع

عرض

-

-

-

-

المواضيع المتشابهه

طلب استشارة فنية من أساتذة المنتدى

أرجوا الأفادة من أساتذة بروتون المحترمين

6 إبريل ونجاح كبير للإضراب

أفيدونى السادة أساتذة الرينو واللوجان

الكلمات الدلالية لهذا الموضوع

المفضلات

المفضلات

ضوابط المشاركة