والله اساتذة الجامعة لغاية دلوقتي اثبته انهم صفوة فعلا لاننا مشفناش منهم اي وقفات او اي مظاهرات في حين ان مرتب وكيل النيابة "ابو 3%^#%" ال لسه متخرج اد تلات اربع دكاترة جامعة
بس الله يكرمكو متضيعوش السنة علينا :)
عرض للطباعة
والله اساتذة الجامعة لغاية دلوقتي اثبته انهم صفوة فعلا لاننا مشفناش منهم اي وقفات او اي مظاهرات في حين ان مرتب وكيل النيابة "ابو 3%^#%" ال لسه متخرج اد تلات اربع دكاترة جامعة
بس الله يكرمكو متضيعوش السنة علينا :)
كل الكلام لو حنتكلم بجد مفيهوش مشكله......المشكله ليه انت عارض الفكره دي دلوقتي الغرض من ده ايه .....جس نبض الناس حول مدي تقبل المظاهرات واضرابات الجامعات ...كلنا حنرد ونقول مش وقته ....ومحدش حيقبل ده....معظم المطالب الفئويه واطلقنا عليها هذا اللقب بسبب انها لا تراعي التوقيت ....البلد مش غنيه ولا وقفت علي رجليها علشان كل شويه تطلع فئه وتقول مطالبها
وكل المهن يادكتور ايا كانت ...ستعود بالنفع علي البلد كلها ...وكل المهن لو اشتغل اصحابها صح ..حتصبح البلد افضل....
ام هي محاوله مناقشه ايه افضل السناريوهات والتوقعات ...ام ماذا يادكتور؟؟؟
اخيرا حد انتبه
وحتي الوقفات كما اوضحت كان شرط المشاركة فيها الا يكون هناك محاضرات عند من يشارك في نفس التوقيت حرصا على استمرار العمل كما هو
وفي كل الاحوال الدراسة ليس لها علاقة بما يحدث
وحتي وجهة النظر المتطرفة بعدم تسليم النتائج تقتصر على دقعات النقل وهي لن تتاثر بتاخير اعلان نتيجتها مع تسليم نتيجة الفرقة الاخيرة اي الليسانس او البكالوريوس لان عندهم جيش وخلافه
الظريف فى الموضوع يا دكتور محمد إن كل مؤسسات المجتمع محتاجة إعادة ترتيب بس كل واحد فى مكان مختلف مش شايف غير حاله و بس
أعتقد إن الحكومة المفرض ترسم خطوط عريضة بمشاركة كل جهة مختصة و تحدد معاهم خطوات للحل بجداول زمنية ولو طويلة والناس تصبر
لكن يكونوا على علم بما سيؤل اليه حالهم فيما بعد ... و ربنا يصلح الأحوال
مش عايز اكتب كتير
احنا فى دوامه البيضه ولا الفرخة - و شكلنا هنفقس
:16:
أحنا عندنا الفرخة بس عايزنها تتغذى(تمويل ) علشان تبدأ تبيض دهب
يبقى حركة الأنتاج أولا وبعد كدة الزيادات
المطلوب وعود من الحكومة بعد 6 شهور بعد سنة أذا حققنا نمو كذا الخير هايعم والزيادات كذا لكل كدر وظيفي .......بس كده.....يجربو يوعدو مش هايخسرو حاجة
يا ريت التعليق يبقي في كومنتات منفصلة لسهولة الرد:
نعرف مشاكل التعليم الجامعي في مصر والتي لا حصر لها وأهمها:
1- الفساد في القيادات خاصة انها كلها بدون استثناء لم تكن تعين الا بموافقة صريحة من أمن الدولة وعمل مقابلة شخصية لهم في بعض الأحيان فيأتي عمداء ورؤساء جامعات ولائهم الاول والاخير لمن عينهم فلا يهتمون الا برضاهم وفي المقابل يغض النظام الطرف عن فسادهم وإفسادهم
مطلب عادل ومفيهوش مشكله ...الوزير بنفسه قال انه فيه تغيير لمعظم قيادات الجامعات علي شهر 8
لا فيه مشكلة كبيرة جدا لان الوزير المحترم اصدر بيان مع المجلس الاعلى للجامعات يؤكد فيه استمرارهم كما هم حتي نهاية مددهم كما هم وهو ما دفع الائتلاف الموحد لاعضاء هيئة التدريس بالجامعات المصرية للرد ببيان كامل على الوزير يرفض فيه تصريحاته
2- عدم اهتمام البعض من اساتذة الجامعات بالتعليم بالمعني المتكامل اي الشرح والتواصل الحقيقي مع أبنائهم الطلاب والبحث المستمر والتفرغ للعمل الجامعي
معلش دي بقي لا ينفع فيها مجلس جامعي ولا عسكري ولا امم متحده دي طبيعه شخص غير راغب في العطاء حتعمله ايه لو كل قسم تكاتف جيدا تحت مظله رئيس قسم منتخب الوضع حيتحسن
عشان كدة بنقول ان المناصب القيادية تكون بالانتخاب
وبنقول اعطيهم ما يكفيهم للحياة الكريمة ومن لا يلتزم استغني عن خدماته
3- الكم الرهيب في طلاب الجامعات دون الاهتمام بالكيف ودون اهتمام باحتياجات سوق العمل
مش حتتحل في سنه يادكتور وانت سيد العارفين المجتمع نظرته انك لازم تكون جامعي وموظف ببدله دي حتتغير شويه شويه
و ده اللى لازم يتغير في الفترة القادمة لتغيير الاوضاع السيئة التي يمر بها المجتمع
4- الوضع المزري الذي يجد فيه كثير من المعيدين أنفسهم فيه حين يقعون في أيد من لا يخاف الله من الاساتذة مما يؤدي إما الي تحويلهم الي إما نسخة مشوهة من المشرفين او حملة شنط كما نطلق عليهم مما يخلق فيما بعد اشخاص لا يصلح بعضهم للعمل الجامعي
ده ناتج طبيعي حاصل بعد الفساد الاخلاقي اللي حاصل في البلد...و بسبب تولي اشخاص فاسدين لمناصب قياديه في الكليه وعليه عند العوده للعمل بقانون الانتخاب الموضوع ده حيختفي بالتدريج
وهو ما نطالب به بشرط ان يكون نظام انتخاب حقيقي وعملنا مشروعات لنظم انتخاب جيدة جدا ولكن الوزير المحترم يلتف عليها ويضع نظام يصل بنا في النهاية الي ان يكون تعيين بشكل غير مباشر 5- الوضع المالي المتدهور للعاملين بالجامعات من اعضاء هيئة التدريس ومعاونيهم حتي أن الكثيرين في الفترة الأخيرة أصبحوا يرفضون التعيين كمعيد لأن راتبه لن يصل الي 700 جنيه بينما لو عمل في تخصصه خارج الجامعة سيحصل على اضعاف هذا المبلغ ولن يكون مطالب بما يطالب به المعيد من بحث علمي ومراجع ومظهر
ده حال البلد كلها يادكتور وانت برضه سيد العارفين
طبعا البلد كلها حالها متدهور
لكن لما يكون مرتب المعيد 700 جنيه ومطلوب منه ماجستير اجباري ولو لم يحصل عليه يحول اداري وزميله في شكرة خاصة يحصل على اضعاف هذا المبلغ رغم انه اقل منه تفوقا يبقي مش حال البلد كدة صح ؟
لما معيد هندسة يكون زميله في شركة خاصة بيحصل على 5 الاف جنيه وهو يحصل على 700 ميبقاش حال البلد
وقيسي على ذلك باقي التخصصات
كان لهذه الوقفات مطالب محددة هي:
1- اقالة جميع القيادات الجامعية اي العمداء ورؤساء الجامعات ممن تم تعيينهم عن طريق أمن الدولة في عصر مبارك ووضع نظام متكامل يهدف الي جعل هذه المناصب بالانتخاب وفق الية معينة يشترك فيها الجميع من المعيد الي الاستاذ
ده اصلا الوضع الطبيعي قبل توحش امن الدوله
هذا النظام كان موجود حتي الثمانينات وتم الغائه وما نطالب به هو عودته بشكل اكثر ديمقراطية فلماذا الاعتراض عليه الا اذا كان الهدف هو وضع الجامعة تحت سيطرة الامن الوطني - امن الدولة المعدل - ؟؟؟؟؟؟
2- رفع ميزانية التعليم الجامعي وميزانية البحث العلمي في الجامعات المصرية ولكم ان تعرفوا ان ميزانية التعليم الجامعي في مصر - تشمل الانفاق على كل شئ بدء من رواتب جميع العاملين بالجامعة بما فيهم الموظفين والعمال والاداريين وطبعا اعضاء هيئة التدريس الي المنشآت الى الادوات والمستهلاكات والمدن الجامعية والمساعدات التي تقدم للطلاب والانشطة - هي 25,. % اي ربع من مائة في المائة
والمطلوب هو رفع ميزانية التعليم الجامعي والبحث العلمي في الجامعات الى 3 % من موازنة الدولة
ويرتبط بذلك رفع مرتبات اعضاء هيئة التدريس بما يكفي الحد اللائق في الحياة الكريمة ويفرض عليهم التفرغ للبحث العلمي والعمل الاكاديمي
وهذه النقطة تحديدا المتعلقة بالرواتب لم نطلب زيادتها فورا بل وضع جدول زمني لتنفيذها يتناسب مع الظروف التي يمر بها الوطن
كلام كويس وجميل مقدرش اقول حاجه عنه
يبقي متفقين اهوه
3- النظر في المطالب المشروعة للمعيدين والمدرسين المساعدين والكفيلة بمنحهم حقهم في حرية البحث الاكاديمي وتوفير متطلبات البحث العلمي
برضه حق طبيعي
بردو متفقين
يبقي متفقين ان كل الكلام سليم
سبب عرض الفكرة دلوقتي ايه برغم ان الوقفات بدات من اكتر من شهر ؟؟؟؟؟؟
ان الاتجاه الاعلامي الذي اراه من هجوم مكثف من الوزير والاعلاميين التابعين له هدفهم توصيل فكرة ان الموضوع كله رغبة في زيادة المرتبات وانه زودها ومرة يقول 1600 جنيه ومرة يقول الفين جنيه وكله واقسم بالله كذب مما يترتب عليه الا يعرف الرأي العام شيئا عما يحدث فعلا ومن هنا كانت الرغبة في توصيل الحقيقة للرأي العام قدر الإمكان
جس النبض للاضرابات او الاعتصامات لا يهمنا بقدر ما يهمنا ان يعرف الرأي العام الحقيقة حتي لا ينخدع بكلام الوزير والاعلام
المطالب كلها تراعي التوقيت الذي لا يضر بالوطن وانتى بنفسك اتفقتي معايا فيها كلها ما عدا جزئية تغيير القيادات لان الوزير كذب وقال انها ستتغير في شهر 8 بينما اصدر بيان بعدم تغييرها
يادي النيلة على كذب الوزير
اولا اخوكي بياخد جزء من المرتب اللى هو 700 جنيه لو معيد اسمه بدل بحث قيمته ما بين 250 الى 300 جنيه دول بشريه انهم هايتخصموا من 1 يوليو يعني الزيادة الفعلية 300 جنيه بس
اما الاستاذ فمش هاياخد ولا مليم زيادة لان الالفين جنيه اللى بيتكلم عنها الوزير المحترم يخصم منها ضرائب فتصبح 1600 جنيه كما انها تضاف للمرتب بالفعل حاليا لكن لا تصرف مرة واحدة ولكن كل 3 شهور ولا تصرف في الاجازة الدراسية وبها شروط تجعل من المستحيل تقريبا ان يحصل عليها احد كاملة كما ان بها شرط توقيع استمارات كل ما فيها كذب مما جعل المحترمين يرفضون الحصول عليها
طيب ما ده اللى احنا عايزينه ووضحته في كلامي
اقالة القيادات مع نهاية يوليو يعني في الاجزة وتنتخب قيادات جديدة لتبدا الاستعداد للدراسة الجديدة
المرتبات مطلوب جدول زمني وليس فورا
مطالب المعيدين والمدرسين المساعدين دي بقة تتطبق فوري لان فعلا حرام اللى بيتعمل فيهم
يا باشمهندس محمد لم نطلب فورا وانما طالبنا بجدول زمني ووافقنا على 3 سنوات وليس 6 شهور او سنة لكن يكون هناك جدول زمني محدد ويصدر بقانون بحيث لا يتم التراجع عنه وليس مجرد وعود وكلام جرايد يشعل الراي العام ضد اعضاء هيئة التدريس ولا يحدث منه شئ على ارض الواقع