صور تجسسية مصرية حصريا : كيا بيكانتوا 2012 الجديدة كليا في شوارع مصر !

كن حعمل حادثة ولبست في الرصيف علشان اعرف اصورها صورة واحدة بس ! يخرب بيت كدة !!!

المهم في مدينة نصر في شارع ابو داود الظاهري لقيلتك واحد بيكانتو 2012 بيضاء بدون نمر ماشية .. جريت وراها لفت U-turn وانا ماسك الموبايل ... لقط الصورة ... ولبست في الرصيف و كسرت الفوج لايت بتاعي علشان خاطر عيونكم :P
http://kareemkamel.com/123smile/images/43535ytpmj0.jpg

الصورة التانية مش بتاعتي بس قريبة من لون العربية مع جنط مختلف و فتحة سقف :

http://kareemkamel.com/123smile/imag...anto_2012_.jpg


العربية جميلة اوي بس للاسف ملحقتش اخد صور اخرى لانها نزلت جراج مركز صيانة هناك و على فكرة نازلة بجنوط و دي سابقة لو دي كانت عربية التوكيل :P



اعتقد انها مش حتقل عن 70 بندق .

هي عاملة زي ماتكون ميني CARENS من وراء :)

تسلم إيدك على الصورة
و ألف سلامة على الفوج المكسور

شكرا يا باشا على المجهود
كيا تقتحم الاسواق بقوه

شكلها جميل

انا افتركتها كارينز في الصورة بتاعتك

بس تسلم ايدك

تحفه
انما السعر بقى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟

على فكرة العربية نازلة كاملة وللاسف دي خليجي مش وكيل و جميع الالوان بس 1200 سي سي 80 حصان :)
بجنوط و فوجات و كل الكماليات - مكانش في مندوب واقف ساعتها بس كان في عامل في المعرض بيقولي انها من 70 الى 85 الف :)

http://kareemkamel.com/123smile/imag...6108679350.jpg

المعرض اسمه الصفوة في شارع ابو داود الظاهري - من مكرم عبيد مدينة نصر

حلوه

ايه الاسعار الهبل ديه
البيكانتو فعلا عند سمير ريان ب 84 الف !!!!!!!!!!
ليه !!!!!!!!!!

اقتباس:

---

المشاركة الأصلية كتبت بواسطة new

ايه الاسعار الهبل ديه
البيكانتو فعلا عند سمير ريان ب 84 الف !!!!!!!!!!
ليه !!!!!!!!!!

---

ده العادي ياباشا ... الكوري حيقفذ قفذة الى الامام في ظل ارتفاع اسعار السيارات اليابانية الي الكوري خلاص بقى تقريبا مثلها تماما في الاعتمادية و تفوق عليلها في التصميم و مازل ارخص .. ولكن بفارق بسيط الان .

يعني الاكسنت ماهي نطت من حواجز ال 80يات الى اواخر ال 90يات و وصلت ل 115 الف كمان .
لكنها مازالت ارخص من الياريس و السيتي مثلا .

السبارك الكوري الجديدة ... فاضية تماما 1000 سي سي ب 72 الف !

وخلي بالك ان العربية بقت 1200 سي سي و بعدين دي خليجي .. يعني حتنزل غالية في الاول علشان مفيش غيرها بس لما تبتدي تنزل من التوكيل حتلاقي الفئة دي مثلا ب 75 بالكتير .

شكلها جامد .... شكراً على الصور

شكرا ياباشا على تعبك :)

وحلوة فعلا بس غالية أكيد

في الغالب كل اللي هتلاقوه خليجي و كويتي لان لسبب ما اول بلد تنزل فيه تقريبا في الشرق الاوسط هي الكويت
و انا رحت و شفتها في التوكيل و الحق يقال قفزه حضاريه لكيا
العربيه نازله ١٢٠٠ و حاجه يعني ١٣٠٠ سي سي تقريبا و الفل اوبشن فيها نازله بكل حاجه
ملتي فنكشن ستيرنج, كاسيت سي دي و ام بي ثري , بلوتوث , فتحه سقف , فوجات و جنوط ١٥ و بتتميز ان الفوانيس اللي ورا led لكن الاوبشنز اللي اقل فوانيس عاديه
و سعرها هنا في الكويت ٣٢٠٠ دينار يعني 64 الف مصري من غير جمارك و بمكسب التوكيل

اختنا الصغيرة

في واحد في المنتدي جابها ب 82 الف اوتو

سعرها غالي. وبعدين مش بدري شوية موديل 2012 ينزل في نص 2011؟؟

اولا الف سلامة عليك وعلى الفوج لايت المفروض خزنة نايل موتورز تتكفل بأصلاحة ههههههههههههههههههههههه

العربية جميلة من ورا مينى كارينز !

شكرا يا كريم على الصور والموضوع بس لو أنا مش هجبها :)

انا شكلي كدة حستى الريو :)
http://www.motorward.com/wp-......./...-kia-rio-2.jpg

مينى كارينز

مع احترامي لجميع الاراء العربيه على الطبيعه صغيره جدا وكمان سعرها كده مبالغ فيه جدا

نازلة لدى الموزعين المعتمدين من التوكيل قريبا

شكلها جميل بس حاسس انها صغيرة اوى

العربية صغيرة اوى
وكمان سعرها عالى
بس شكلها حلو

معروضه فى معرض هنا فى المحله ...شكلها ظريف الى حد ما

85 الف تركبك نيو اكسنت الشكل القديم بشنطه وعربيه 1600 سى سى هبل اسعار اكيد . وبعدين اى 10 بـ 72 الف اتوماتيك وبعدين 1100 الى 1200 مش الفرق ال يدفعك كل دة والبديل الافضل اصلآ موجود.

شكرا على تعبك يا كريم

ربنا يعوض عليك الفوج ....

بصراحة العربية غالية بالسعر ده اكيد....

http://smt7.com/upfiles/tIz37808.jpg



http://smt7.com/upfiles/Uie37913.jpg


http://smt7.com/upfiles/zvb37999.jpg





انا كنت هاعمل موضوع عنها بس لما لقيت الزميل عمله قلت مفيش داعي للتكرار

الصور بتاعتها دي من عند سمير ريان السبت اول امبارح
اتوماتيك 1300 سي سي
وبردو نازلة من غير كاسيت
وب 83000
بصراحة انا شايفة انها ما تستاهلش ثمنها دة
انا صورتها خطف قبل ما حد يشوفني بدل ما اسمعلي كلمتين
ما لحقتش اصور تفاصيل اكتر
بس دي كان الكاوتش بتاعها عادي زي موديل 2011
بصراحة
مش عاجباني خالص
كانت واقفة جنبها بوكي حبيبتي قمر جنبها(بيكانتو 2011 زي بتاعتي)
تحسوا كدة انها عاملة فيها كارينز ولا جايبة بيكانو ولا جايبة كارينز
وطبعا لولا اختلاف الاذواق لبارت السلع

يا جماعة انا اتفرجت علي البيكانتوا ال 2012 دي وبما اني عاشق للبيكانتوا كنت متابعها علي النت واتفرجت عليها وعلي امكانياتها الرهيبة دي وقولت انها مستحيل تنزل مصر بكل الامكانيات دي بس متصورتش انها ممكن تنزل من غير اي امكانيات خااااالص دي فاضية جدا جدااااا مقارنة مع الموجوده علي النت واللي صعقني اكتر اني لقتهاااا ب 84000 بأمانة السعر مبالغ فيه جدا جدا جدا علي العربية بالكماليات دي كان ممكن اقول ماشي لو كانت بالكماليات لكن كده لا وغير كده مفروض العربية كبرت يكبروا الكاوتش لكن المستورد مدخلها بكاوتش صغير عشان يحط فرق السعر ده في جيبه بامانة معجبنيش خالص الكماليات دي مع السعر المبالغ فيه ده وعمري ما هفكر اجبها وهي كده

و الله شكلها حلو والاسعار بتغلى يا جماعه خلاص

رهيبه

يا جماعة العربية في الصور شكلها كبير لكن في الحقيقة مش كده خالص , لما نزلت برة من كام شهر جبت من النت مقاساتها الطول و العرض و قاعدة العجلات الفرق بينها و بين القديمة كام سم مفيش فرق تقريبا , الحاجة التانية ان أنا شايف ان شكلها مش مناسب خااااالص لحجمها يعني الشكل ده محتاج عربية أكبر لكن بالحجم ده القديمة شكلها أظرف بكتيييير أما عن السعر بقي فمش هتكلم بجد معقول حد يشتري عربية في الحجم ده بالتمن ده!!!! ده البونتو مثلا الأوروبي الي فيها airbag مافتكرش حد يفكر فيها بعد ما بقت ب 73000 يبقي المانيوال بتاع البيكانتو يبقي ب 76000 !!!!!!! أنا رأيي ال I 10 الجديدة هي أحسن الاختيارات في الفئة دي بالأسعار دي ولا بيكانتو ولا بونتو كلاسيك

لا حول ولا قوة الا بالله لا تجرى ولا حاجه يا عم موجوده فى معرض المتحده وشفتها من كام يوم لونها اسود المعرض ده فى مدينة نصر بجوار النادى الأهلى وسعرها يبدا من 72000
والمتوقع انها هتنجح بس الى مخلنى مستغرب ان كل العربيات الى شكلها اتغير للأحسن اسعار بقت فوق على الرغم من فرق السعر بينها وبين شقيقتها القديمة

<object width="425" height="350"><param name="movie" value="http://i.netcarshow.com/ncs_show.swf?c=Kia&m=2012-Picanto"></param><param name="wmode" value="transparent"></param><embed src="http://i.netcarshow.com/ncs_show.swf?c=Kia&m=2012-Picanto" type="application/x-shockwave-flash" wmode="transparent" width="425" height="350"></embed></object>

فى واحدة سودة بتركن فى الشارع عندنا
وفى معرض قدامى عنده منها سودة باردوا
هحاول ابقى اصورهم واسأل عليها

انا روحت شوفت الخليجي العربية للاسف بوظوهاااااااااااااااااااا ااااااااااااااااااااااااا ااااااااااااااا

المساحة الداخلية بقت زفت

الرؤية زفت الزفت

طبعا التابلو بقى جامد والموتور طبعا غير كدة العربية مقلب كبير اوييييييييييييييييييييييي ييييييييييييييييييييييييي ي

اقتباس:

---

المشاركة الأصلية كتبت بواسطة walidzakzok

انا روحت شوفت الخليجي العربية للاسف بوظوهاااااااااااااااااااا ااااااااااااااااااااااااا ااااااااااااااا

المساحة الداخلية بقت زفت

الرؤية زفت الزفت

طبعا التابلو بقى جامد والموتور طبعا غير كدة العربية مقلب كبير اوييييييييييييييييييييييي ييييييييييييييييييييييييي ي

---

أنا الصراحة ماشوفتهاش من جوة بس أصلا شكلها من برة قفلني منها , هو الموتور بقي أجمد طبعا يعني كان 68 حصان بقي 88 بس العربية صغيرة علي كل ده كان لازم تكبر شوية بالذات مع الشكل الخارجي اللي مش علي بعضه ده