السلام عليكم ورحمه الله وبركاته
يا اخوتى الافاضل الفانوس عندى اتكسر
الوش الخارجى لكن الوش الداخلى سليم
هل الوش الخارجى بيباع لوحده وهل بيكون اصلى
ارجو الافاده من حضراتكم
ولكم جزيل الشكر
:11::11:
السلام عليكم ورحمه الله وبركاته
يا اخوتى الافاضل الفانوس عندى اتكسر
الوش الخارجى لكن الوش الداخلى سليم
هل الوش الخارجى بيباع لوحده وهل بيكون اصلى
ارجو الافاده من حضراتكم
ولكم جزيل الشكر
:11::11:
مبدئيا طالما الوش اتكسر غير الفانوس كله
عشان هتجيب وش بس و هيتلزق بسيليكون و عمره ما بيطلع شكله كويس ابدا و بيكون جودة الوش سيئة جدا و بيكلح من الشمس و مش هيعجبك شكله. أنصحك تشيل موضوع تغيير الوش ده من دماغك حتي لو ده فانوس العربية الاصلي.
تغيير الفانوس ادامك 3 اختيارات
جديد و اصلي من التوكيل (أعتقد يعمل 600 جنيه)
جديد و مش اصلي ماركة (ديبو) من شارع دمشق (حوالي 300 جنيه)
إستيراد من الحرفيين (من 200 الي 300 جنيه)
بالنسبة للشنطة حاول فيها عند سمكري كويس و ممكن تتعمل علي البارد و يكون شكلها كويس أفضل بدل ما تدخل نفسك في سمكرة و دوكو.
اولا اشكرك على زوق حضرتك واهتمامك
بس انا سمعت ان فيه وش خارجى بيباع واصلى هل ده صحيح
لان الفانوس ده الاصلى
وسعر الفانوس الاصلى فى التوكيل 600 جنية سالت عليه ومن غير الضريبة والتركيب فحرام وممكن يتكسر تانى
ويارترى لو جبت فانوس جديد حضرتك تعرف الفانوس اللى الاضاءه بتاعته لدات
تعرف بيباع فين
قدر الله وما شار فعل
ده مين ابن الحلال اللي عمل كده في العربيه
العفو علي ايه مفيش اي حاجة.
مفيش وش أصلي بيتباع لوحده الفانوس كله علي بعضه بيتباع أصلي. انا عمري ما شوفت فانوس بيتباعله وش اصلي. و في كل الاحوال برضه تركيب الوش مش هيكون كويس.
الفانوس اللي بيتباع ليدات انا شوفته قبل كده موجود عن محل مشهور اسمه go car accessories
عنوانه: 15 شارع احمد خليفة متفرع من شارع حسين كامل (جنب محطة السوبر جيت اللي في الماظة)
الفانوسين كان سعرهم 1000 جنيه
ربنا يستر طريقك
الوش عموما لن يقل عن 60 ج
وتركيب 40 ج
يبقى 100 ج
وحيبقى شكله وحش جدا كبيره 3 شهور و تغير الوش لانه اجرب وتركب واحد جديد ب 100 ج
هات التيلندى ب 250ج
مافيش فرق
الحمد لله قدر الله وما شاء فعل
والحمد لله انها جت على قد كده
سواق ميكروباص ربنا يسامحه
كنت راكن وكان جى بسرعة من بعيد
وبيضرب فرامل ما وقفتوش ام دخل فيا لم نفسه على قد ما قدر وام دخل فى الفانوس
وخبت جزء من الشنطة انا سمعت صوت الخبطة قلت ده بوز العربية من ورا خالص
بس الحمد لله على كل شى
يا باشا انا لو منك انزل الحرفيين و اشتري واحد استيراد اصلي افضل كتير من اي حل تاني و هيكون بتاع العربية و هو هو اللي متركب الناحية التانيه
معتقدش ان فيه وشوش اصلى بتتباع ..
انا لسه من شهر جايب وش للفانوس الخلفى عندى فى الفيرنا بـ 25ج من التوفيقيه من محل مخصوص للفوانيس والوشوش
بصراحه زهقنى جداً وانا بلزقه انا وصاحبى .. لأن الوش ده ليه مجري بيدخل فى الفانوس نفسه .. وبعدين بتلزق
مكان المجرى داخل الفانوس مكنش فارغ .. كان بواقى الوش القديم ماليه مكان المجرى ده وبالتالى زهقنى جداً فى تركيبه
للعلم .. انا لزقته بسيليكون ... وفك .. بعدها بـ يومين ... رجعت حطيت امير بين السيليكون والوش ولزقته كويس
أسف للأطاله ... بالتوفيق ان شاء الله
انا برضه شايف ان افضل حاجة انك تجيب فانوس استيراد اصلي من الحرفيين
في هناك كتير عندهم نيسان استيراد
مش هتلاقي في التوفيقية استيراد روح الحرفيين احسن
من المعادي تطلع الدائري من الاتوستراد و تمشي لحد ما تنزل طريق اسماعيلية الصحراوي اتجاه الاسماعيلية و تلف من اول يو تيرن و ترجع و تدخل يمين قبل كوبري المطار بعد موقف السلام و بعد كده ممكن تسأل.
المشوار سهل خالص يعني لو الدائري سالك ياخد منك حوالي من 30 الي 40 دقيقة
الله يفتح عليك صح كدا
والشركة دى موجودة فى التوفيقية ,, ولو لفيت لفة بضمير فى التوفيقية , حتلاقى فى كام محل بيبعوا وشوش
لان واحد زميلنا قالى انه جابه من هناك
ولو ملقتش انا شوفت محل فى الحرفين وفيه منه كتير بيعمل وش الفانوس مش بيزيد عن 100 جنيه
وقدامك تجيب فى الاخر لو مرتحتش لما تشوف قدام عنيك فانوس ديبو كامل , والفوانيس الديبو محترمة وميفرقهاش عن الجديد
بس انزل ولف لفة وشوف بعنيك واعرف الفرق , وقولنا ايه الاخبار
الديبو بتلاقيه فى حدود 250 جنيه او 300 بالكتير
وتايوانى صناعته , وافضل حاجة فى السوق بصراحة بعد الفوانيس الاصلية , وديبو ماركة معروفة جدا
وبخصوص الفانوس فى الحرفين
ادينى بس فرصة وانا الاسبوع الجى نازل ارش عربيتى هناك , ولو صبرت ممكن اسالك
اما لو عايز تنزل وتسال فى محلين تسال فيهم
عبد الرحمن عزت ومحل العالمية , ودول بيتشغلوا فى نيسان
تحياتى
معلش يا ريس
قضى اخف من قضى
الحمد لله انها جت على قد كده
وش الفانوس الخلفى والشنطة دى مشكلة المشاكل فى الصنى لو جرالهم حاجة العربية بيبقى شكلها وحش اوى
هات الفانوس التايلاندى كامل ب220 جنية