الأهل ليه مبيردوش يدوا العربية لاولادهم؟؟؟؟؟؟؟؟؟؟؟؟؟؟؟؟؟

**matrix_it** · 19-05-2011 06:19 PM

يا جماعة دلوقتى انا عندى 19 سنة بحالهم و بردهأهلى مش رضيين يدولى العربية ولو لفة حتى و اعدت اتكلم معاهم كذا مرة قبل كدة بس رأيهم متغيرش خاااااااالص
انا ممكن اكون متهور شوية بس أكيد مش هعمل بيها مصايب وى اتحنطر بيها يعنى !!!
مرة كنت سايق عربية عمى و بابا كان راكب معانا سواقتى عجبتهم بس هما عندهم تحفظ على ان السن دة يبقى بيسوق و كدة انا معايا رخصة وكلوا تمام و كذا مرة حد من صحابى بيخلينى اسوقلو عربيتو
فا اللى عندو خطة اقنع بيها أهلى يريت يقولى !!!!

**shadygalal669** · 19-05-2011 06:28 PM

بص يا مان عن تجربه يعني انا مش اكبر منك بكتير انا عندي 20 و بسحف ل21 يعني قد بعضنا
وكنت هموت على موضوع العربيه ده عشان الجامعه و الحوارات دي بس لما جبتها صدقني والله بقيت احب المواصلات اكتر و بقيت اتلكك على اي حاجه و ماخدش العربيه غير في المشاوير اللي ماتنفعش منغيرها لكن هتقولي ليه اقولك
خلتني هبتدي اتخن و مكسل و مش بتحرك منغيرها حتي لو رايح السوبر ماركت اللي في الشارع اللي جمبي و كمان السوااااااااااااقه حاااااااااجه تقررررررررررررررررف انا بقالي بتاع سنه بسوق و خلاص جبت اخري و قرفان من السواقه و الطرق و شدة الاعصاب بتاعتها و الميكروباصات و الدائري "عندكو الكورنيش" و سواقة بعض البناااااااااااات و زهقت من قلة الركنه بجد بقيت حاسس ان العربيه بتكتفني

في مشاوير كتير بخلصها بالمواصلات اسرع من العربيه لا هدور على ركنه ولا افضل قاعد و الطريق واقف بسيب المواصله وانزل اعدي الزحمه مشي واركب تاني :d

ماتستعجلش والله كدا كدا العربيه هتيجي بس اتمتع منغيرها اليومين دول قبل ما تقرف و تزهق من الطرق و العربيات و سواقتها

**nabaster** · 19-05-2011 06:31 PM

كنت زيك كده زمان

بس انا بدات المشاكل علي العربيه من وانا عندي 11 سنه :)

وطلعت الرخصه وانا عندي 18 بالتمام والكمال

لما جبت عربيتي الخاصه عرفت وفهمت وحسيت السبب

عموما تلات حاجات مينفعش تسلفهم لحد

عربيتك ومراتك وسلاحك

A.Yakout

**ahmed_mido1889** · 19-05-2011 06:51 PM

ده انا افتكرت انا اللي كرهت السواقه لوحدي

وحكايه الاهل بيسيبو العربيه ولا لأ

هما ليهم نظره

انا كنت زيك بتنشق علي عربيه وسوقت عربيات صحابي وعمامي

وكنت فاكر اني انا سواق بمجرد ما لقة اني سواقتي معتدله

ابتدو يسيبلولي العربيه

بيبقو خايفين عليك مش علي العربيه علي فكره

وكره هتكره السواقه واليوم اللي اتعلمتها فيه والعربيات واليوم اللي طلعت فيه رخصه

**saadelden** · 19-05-2011 06:55 PM

انا والدي ماخلانيش اسوق عربيه الا اما اطلع رخصه و ماكنش بيخليني اسوق الا ساعه الفجر و الشوارع فاضيه

هنا في مصر جابلنا عربيه و دي الي ابتديت امشي بيها في الشوارع و عرفت السواقه
الي كنت بعمل قبل كدا كان لعب عيال
روح اغسل العربيه .. روح غير الزيت .. روح هات حاجه من السوبر ماركت .. روح اركن العربيه ..
السواقه مش كدا

لو والدك تعب عشان يجيب العربيه دي ف مش هيديهالك بالسهوله الي انت متوقعها
هيبقى عامل الف حساب مش للعربيه بس لا عليك كمان

فكر تقوله علمني السواقه
هينزل معاك مره في مره تقوله ايه رأيك في سواقتي دلوقتي
و شويه كدا هيديك العربيه طالما اتطمن انك بتسوق كويس و هتحافظله ع العربيه و هتحافظ علي نفسك و علي غيرك

**dr.hazem** · 19-05-2011 08:29 PM

عشان انت مجتش بالساهل وتعبو في تربيتك جدا فهما بيخافو عليك اولا
ثم ان العربيات غاليه برضو وهما بيخافو اكيد عالعربية اللي بيبقو برضو تعبانين فيها

هتعرف الكلام ده لما تبقى معاك عربيتك وتشوف بنفسك هتديها لحد ولا لأ,,,

انا عن نفسي بخاف ادي المفتاح ولو لحد داخل ينظفها فمابالك يسوقها؟؟؟

تحياتي

**abdoelshazly** · 19-05-2011 08:54 PM

بكرره تزهق منها وتكرهها وتكره الدنيا كلها لما تقابلك ولو مشكله صغيره والعربيه تعطل منك ف الشارع مثلا يالهووى

انا عندى دلوقتى 21 ومع انهم اعتمدوا عليا كليا ف العربيه على عكس ما كنت مثلا لسه مطلعتش رخصه وكانوا بيخافوا عليا والله انا زهقت من العربيه

وقرفها هما ممكن يكون عندهم مبدأ انك مثلا مينفعش تاخدها معاك الكورسات او تاخدها الجامعه زى والدى مثلا بس انت حاول تثبتلهم انك عاقل ورزين وكل حاجه هتبقى تمام وهيثقوا فيك

هى المشكله كلها ازمة ثقه مش اكتر

**Ralliart** · 19-05-2011 08:55 PM

انت مش كفائة انا وأخويا كنا بنسرق العربية من اول سن 13 وقبل كدة كانو بيعلمونا في الحتت الفاضية
وفضلت اسرق العربية لحد ما في مررة اتقفشت فبقى والدي يديهاني قدام عينه بدل ما اخدها من وراه
عامة لو انت ملكش اخوات كبار فدا طبيعي لان الكبير بياخد الخوف كله وبعد كدة الخوف بيقل يعني اخويا الكبير اول مررة يطلع من المنطقة كان عنده 19 سنة وكان كل 5 دقايق يكلموه
لما انا كملت 17 سنة كنت بروح مدينة نصر من غير رخصه ولا حد كان بيعبرني

-

الموضوع: الأهل ليه مبيردوش يدوا العربية لاولادهم؟؟؟؟؟؟؟؟؟؟؟؟؟؟؟؟؟

LinkBack

أدوات الموضوع

عرض

-

-

-

-

-

المواضيع المتشابهه

هستخدام دينمو العربية فى توليد كهرباء من الرياح ؟ وفى كام سؤال عن دينامو العربية؟؟

دفغت كام للسمسار و انت بتشترى او تبيع العربية و العربية كانت بكام ..؟

لما بدور العربية وهيه بردة بلاقى العربية بترج فترة

لما اغطى العربية بغطاء مشمع و مبطن من الداخل بعد ما اركن العربية ده صح ؟

سعودي ينظّم سحباً على سيارة بحفل زفافه لكسر مقاطعة الأهل

الكلمات الدلالية لهذا الموضوع

المفضلات

المفضلات

ضوابط المشاركة