برجاء من الاخوة الاعزاء الافاضل لو حد يعرف عنوان
وحدة تراخيص مرور القوات المسلحة اللي هيا في مصر الجديدة بجوار ادارة الشرطة العسكرية
وليس في رابعه ( مدينة نصر) لان في واحده تاني في مصر الجديدة اللي يعرفها يدلني على العنوان وازاي اروح من رمسيس لان مسافر غدا ويوم السبت هاكون هناك علشان اخلص ورق العربية لانها مترخصه هناك ومطلوب منى مطابقة بصمة وشهادة بيانات في المرور عندنا لاني بنقل ملكية
لو حضرتك جى من رمسيس ونازل على مصر الجديده عن طريق العباسيه ، كمل على شارع الخليفه المأمون ، وفى هناك فندق تريومف ( لو تعرفه ) ، إدخل يمين بعد الفندق على طول ، حتلاقى بوابات جيش على يمينك ، إسأل فى أى واحده فيهم حتلاقى مرور القوات المسلحه .
تمام كده !! ولو في أى إستفسار تانى أنا فى الخدمه .
انا شاكر لحضرتك جدااقتباس:
المشاركة الأصلية كتبت بواسطة bassem raafat
انا مش مسافر بالعربية هاروح مواصلات ياريت تقولي اروح ازاي من رمسيس مواصلات اركب ايه بالظبط واقله نزلني فين اقرب مكان ولا اركب تاكس من رمسيس
اركب أي حاجة رايحة روكسي
وقول للكمسري عايز أنزل عند فندق تريومف اللي في الخليفة المأمون
ومن عنده تدخل يمين - هتلاقي إدارة الشرطة العسكرية - وبعدها هتلاقي مرور القوات المسلحة
تقريبا مكتوب عالبوابة - " الخدمات العامة"
لو حتركب تاكسى ، قول للسواق عايز أروح شارع الخليفه المأمون ( روكسى - مصر الجديده ) ، عند فندق تريومف وبعدها إدخل يمين زى ما وصفت لحضرتك بالظبط .
لو مواصلات من رمسيس ، ممكن تركب :
أتوبيس مكيف : 355 - 356 - 357 - 791 - 27
مينى باص ( الأخضر ) : 11 - 137 - 169 - 200 - 366
مينى باص ( الأبيض ) : 35 - 27
أتوبيس عادى : 400 - 500 - 940 - 35/
وحاجات تانيه بس دول بصراحه اللى فاكرهم دلوقتى ، بإختصار أى حاجه رايحه روكسى عن طريق شارع الخليفه المأمون .