وحوش الهيونداى السلام عليكم
بصراحة بعد ما العربية شافت اللى عملة الدكتور احمد والبشمهندس احمد حلفت ماهى ماشية الا لما ادلعها هيا كمان اجيبها يمين وشمال مش عايز تتحرك طيب اعمل ايه قلت ماشى مش خسارة فيها وهيا برده بتتعب معانا وشايلانا على كفوف الراحة الراحة ومش مخليانا محتاجين لسواقين الميكروباص
اتفقت انا وهيا على خطة زمنية عشان ميبقاش كله مرة واحده نظبط حاجه حاجة .
بس انا مليش فى موضوع التظبيط ده خالص فقلت اخد رايكوا كده فى شوية حاجات عايزة اعملها على مراحل
المرحلة الاولى:
شوية حاجات خفيفة
1- تركيب ليدات على الابواب من تحت تشتغل مع فتح الابواب وعلى الاكسدام الامامى والخلفى تشتغل من النور الواطى فعايز اسال الليدات دى بتتجاب منين وعايز حد كويس يركبهم وياريت لو فى الحرفين لانها جنبى والليدات لو مفيش حد بيبعها فى الحرفيين ممكن اجيبها من دمشق فانا عايز اسم حد كويس اركبهم عنده واشتريهم منين
للعلم العربية لسه جديدة 2010 وصعبان عليا انى اشوف حد بيمد ايده فيها
2- تغيير شكل الطاسات زى اللى عاملها المهندس احمد بس لسه مفيش شكل معين فى دماغى بس عموما لو حد يعرف اعملهم فين فى الحرفيين يبقى كتر خيرة
3- هعمل رموش على الفوانيس اللى قدام واللى ورا لو برده حد يعرف واحد كويس اعملهم عنده
دى المرحلة الاولى اللى هيا هتكون تسخين بالحاجات الخفيفة لو حد يعرف يجاوبنى او عنده افكار حلوة ياريت ميبخلش بيها
المرحلة التانية:
عايز اعمل كسوة للفرش ودى ان شاء الله عند جينز كار لان الناس بتشكر فيه جدا
المرحلة التالتة
تركيب عتب واحتمال كساحات بس مش مقتنع بموضوع الكساحات ده لان الاكسدام عندى عريض فمش عارف هتبقى عاملة ازاى
معلش ياجماعة طولت عليكوا بس اعمل ايه انتوا اللى كبرتوها فى دماغى
ولو فيه حد عنده افكار حلوة ياريت يقول
شكرا ليكوا
المفضلات