السلام عليكم ورحمة الله وبركاته،،،
إيه هو أحسن مكان في منطقتي مصر الجديده والتجمع أقدر أخد فيه كورس pmp exam prep
شكراً
عرض للطباعة
السلام عليكم ورحمة الله وبركاته،،،
إيه هو أحسن مكان في منطقتي مصر الجديده والتجمع أقدر أخد فيه كورس pmp exam prep
شكراً
انا باخد كورس دلوقتى فى مدينه نصر فى مركز اسمه جويبتر 2000 ب ال 1800 جنيه مرتين فى الاسبوع الاحد والاربعاء من 7 الى 10.30
بص من الأخر ......
mena chapter ...... بهاء الشال
cmsc ........ طاهر عبد العزيز
السلام عليكم ,
أنا أخدت الكورس فى معهد riti فى الزمالك و كان ممتاز . بالتوفيق ان شاء الله
السلام علبكم ,
أنا لسة جايلى ميل من بيكوم أكاديمى فى مدينة نصر و عاملين عرض ان الاشتراك قبل 26 مايو عليه خصم , بس أنا معرفش مستوى المركز ايه و أرقامهم ( 24011188 - 24054255 )
أنا أسمع فعلاً إنه مركز كويس بس المشكله إنه في الزمالك ودية بالنسبه لي الجانب الآخر من العالم!
عامة يا ريت لو حضرتك تعرف أسعاره ومواعيده يا ريت تقولي
ألف شكر يا باشا
يا ترى الكورس بياخد قد إيه؟ شهر و نصف ولا أكتر
شكراً، هاحاول أتصل بيهم وأشوف إن شاء الله
شكراً يا جماعه
شركة Knowledge تقدم كورسات PMP Preparation ، وعندهم مدربين مميزين بجد.
راجع الرابط التالي: PMP Preparation Course
كلنا هذا الرجل
انا برضه اخدت الكورس فى riti و كسلت ادخل الامتحان
-------
نصيحه لصاحب الموضوع
لو ناوى تدخل الامتحان و تبقى certified pmp
1- لازم الكورس يكون معتمد من الـ pmi
2- , ودى نقطه مهمه جدا حاليا
تأكد انهم يدرسون الاصدار الخامس لانك عقبال ما تخلص و تذاكر هايكون الامتحان بقى حسب الاصدار الخامس و ليس الرابع اللى شغال دلوقتى
و لو على المسافات و لو حابب
هناك كورسات اون لاين و معتمده ايضا من pmi و تكلفتها حوالى 150 دولار
خلة بالك الامتحان بـ 550 دولار دا غير ثمن الكورس
American Chamber
تقريبا فى شروط معينة علشان تاخد الشهادة دى
ممكن حد يقولنا على الشروط ؟
الشورط
1- اتمام دورة تدريبيه بمركز معتمد لدى الـ pmi و تكون مدتها 35 ساعه
2- تقديم الابليكيشين الذى يجب ان تذكر فيه ما مجموعه عمل 4500 ساعه مشاريع و تذكر فى كل مشروع ما هو دورك و فى اى منطقه تم العمل ( التخطيط او المتابعه او الانهاء و هكذا)
و كلمه مشروع هنا علشان الموضوع مختلط على كثير من الناس ) ليس بالضروره مشروع هندسى او مدنى كما يخطر ببال البعض اول ما تذكر تلك الكلمه
و انما المشروع هو اى عمل له بدايه و نهايه و له دوافعه و لا يكون من عمليات الانتاج
يعنى ابنى عماره - مشروع
اخطط لحفله جوازىى - مشروع
المهم تعرف تكتب المشروع وفق منهجيتهم ازاى
و خلى بالك
هناك 10 % من المتقدمين يتم عمل تحقيق فى الابليكيشن الخاص بهم
و فى تلك الحاله يتم طلب منك الصور الرسميه للشهادات الخاصه بك
و على ما اذكر تقرير عن مشاريعك موقع من مديرينك خلال تلك المشروعات
------------
يتم احتساب 4500 ساعه بمعدل 8 ساعات فى اليوم لخمسه ايام فى الاسبوع
طبعا فى ايام ممكن تكون شغال اكثر من 40 ساعه فى المشروع بس متبقاش ال 3500 ساعه كلهم كده
يعنى حاول تكون منطقى , كمان المده المتراكبه لا تحتسب
يعنى شغال فى مشروع من يناير الى ابريل
و بدأت فى نفس الوقت مشروع اخر من مارس الى يوليو
لا تحسب المشروع الاول 4 شهور و التانى 4 شهور يبقى كده 8 شهور التوتال
انما سيتم الاحتساب لسبعه اشهر فقط
و كل تلك المعلومات و اكثر ستجدها فى موقعهم
PMI - the World’s Leading Professional Association for Project Management
و بالتوفيق ان شاء الله