ساجا اوتو وللا مانيوال ؟؟؟؟ ساعدوووونى ارجوووكوا

**hammo_semsem** · 06-06-2011 10:54 AM

فين الردود يا ساجاوية عايزين اراء وتشجيع اكتر من كده انا نزل احجز الأسبوع الجى ولسة فى حيرة

**SonaSteel** · 06-06-2011 11:55 AM

السلام عليكم
انا مش من الساجاوية ...... بس النيساناوية بيشجعوا واحنا معاهم
انا من رأي اخواني ... لو سواقتك هاتبقي عادية ومش بتاع فرك وغرز وحرق
لان فعلا مهما عملت بالاوتو ...... استحاله هاتوصل للمانويل
لكن لو دماغك في المانويل بجد (بحق وحقيقي) توكل علي الله
يبقي تستحمل الزحمة علشان خاطر متعة المانويل
او تستحمل الانتخة علشان متعتة الاوتو
--------------------------------------------------
اناجايب الصني مانويل مع ان نص سكان مصر اقنعوني بالاوتو
بس ولا ثانية من متعه الغرز والحرق والفرك
وفي حاجة برده ممكن ملاكها يفيدوك
هي العربية 1300 وهاتبقي اوتو .... ولو محمل ناس ومشغل التكييف هاتظبط معاك؟
مش عارف .... هما يفدونا ان شاء الله
ومتنساش الاستخارة حتي في نوع الفتيس ........ وربنا ييسرلك الخير ان شاء الله

**dodo33v** · 08-06-2011 06:47 PM

لو تسمحو بس يا جماعه انا عندي شويه نقط هتكلم فيها بالنسبه للمانيوال والاوتو اولا المانيوال تحكم في الغيارات مش بياثر التكيف عليها خالص في الساجا كمان راعو ان تانك الساجا 40 لتر مينفعش معاه اوتو اوي لان استهلاك البنزين في الاوتو بيزيد بنسبه 20 % فما بالك بقي مع التكيييف واكيد انت مش عاوز كل شويه تدخل بنزينه وكمان دبرياج الساجا تحفه انا معايا واحده مانيوال مريحاني جدا واعتقد نقطه البنزين دي برده تستحق كل تقدير ولا ايه؟؟؟؟؟؟؟؟؟؟

**amazingahmed** · 08-06-2011 09:58 PM

المشاركة الأصلية كتبت بواسطة dodo33v

لو تسمحو بس يا جماعه انا عندي شويه نقط هتكلم فيها بالنسبه للمانيوال والاوتو اولا المانيوال تحكم في الغيارات مش بياثر التكيف عليها خالص في الساجا كمان راعو ان تانك الساجا 40 لتر مينفعش معاه اوتو اوي لان استهلاك البنزين في الاوتو بيزيد بنسبه 20 % فما بالك بقي مع التكيييف واكيد انت مش عاوز كل شويه تدخل بنزينه وكمان دبرياج الساجا تحفه انا معايا واحده مانيوال مريحاني جدا واعتقد نقطه البنزين دي برده تستحق كل تقدير ولا ايه؟؟؟؟؟؟؟؟؟؟

أنا مقدرش أتكلم عن المانيوال علشان مجربتهاش بس معايا الأوتو. التكييف مش بيأثر عليها غير التأثير العادي و النهاردة كنت بجري بيها و أنا مشغل التكييف.
كل حاجة و لها مميزاتها و عيوبها. ولو العملية بالبشاعة دي مكانش حد اشترى الأوتو مش كده؟؟؟؟
ربنا يباركلك في عربيتك و تريحك دايما و ممكن تقولنا هي بتعمل كام كيلو في اللتر؟؟؟ و هي عاملة كام كيلو؟؟؟؟
معتقدش أن الفرق يوصل ل20% بحالهم لكن هنعرف لما تقولنا معدل استهلاك البنزين.

**salama_ahmad** · 09-06-2011 12:39 AM

على فكرة انا معايا الاوتو وبش وبجرى بيها وانا مشغل التكيف ومبحسش باى فرق وجبت بيها لحد 190 كم فى الساعة وكنت مشغل التكيف وعادى خالص محستش بفرق فىى السحب