ساجا اوتو وللا مانيوال ؟؟؟؟ ساعدوووونى ارجوووكوا

**hammo_semsem** · 19-05-2011 09:32 PM

أخواتى فى نايل موتورز وبالأخص البروتونيين :)

انا هبقى واحد منكم قريب ان شاء الله بساجا 2011 اسود ان شاء الله ...
ومحتاج مشورتكم فى موضوع الغيار ده عشان هتجنن من الحيرة
((اجيب المانيوال عشان متعة الغيارات والقرص ....* وللا اجيب اوتو عشان الراحة وكمان حلاوة الكيك دون ))

انا كنت اتفقت على مانيوال كاش ل 65500 فى التوكيل (حاسس انهم كانوا ينزلوا عن كده !!) بس جه كل معارفى بيقولولى اوعى تجيب مانيول احنا كرهنا السواقة منه ...

وفى نفس الوقت خايف اجيب اوتو عشان العربية 1300 بس وخايف ده يأثر على السحب خصوصا مع التكييف لأنى بشغله على طول .. مع انى عارف ان الباور هورس عالى بس برضو خااايف

المهم مطولش عليكوا انتوا اللى معاكوا العربية سواء اوتو او منوال و مستنى مشورتكم ..
مع العلم انى سواقتى هادية ومبعملش مشاوير طويلة

اسف مرة تانية على الأطالة

**prohossam** · 19-05-2011 09:46 PM

السلام عليكم

اولا انا مش معايا ساجا للاسف ..
لكن فعلا العربية دي احترامي بيزيد ليها يوم بعد يوم

لو سواقتك هتبقى جوا البلد وفي اماكن زحمة اغلبها : يبقى اختيارك الامثل الاوتو لانها هتريحك كتير اوي
لو سواقتك في اماكن عادية ومفيهاش زحمة ودا استبعده طبعا لان مصر كلها زحام يبقى هات المانيوال

بالنسبة للمتعة هي المانيول بتبقى متعة في الاماكن الغير المزدحة اكيد لكن في الزحمة بتبقى مقرفة

الفرق في السحب : مش هيبقى الفرق الوهم اللي انت متخيله اي نعم في فرق بس مش كبير اوي
وراعي بردو ان شوارع مصر مش ممهدة للشد والسحب والجري

وربنا يستر طريقنا ويباركلك في النوع اللي حضرتك هتختاره

**tamerosman** · 20-05-2011 12:05 AM

المشاركة الأصلية كتبت بواسطة prohossam

السلام عليكم

اولا انا مش معايا ساجا للاسف ..
لكن فعلا العربية دي احترامي بيزيد ليها يوم بعد يوم

لو سواقتك هتبقى جوا البلد وفي اماكن زحمة اغلبها : يبقى اختيارك الامثل الاوتو لانها هتريحك كتير اوي
لو سواقتك في اماكن عادية ومفيهاش زحمة ودا استبعده طبعا لان مصر كلها زحام يبقى هات المانيوال

بالنسبة للمتعة هي المانيول بتبقى متعة في الاماكن الغير المزدحة اكيد لكن في الزحمة بتبقى مقرفة

الفرق في السحب : مش هيبقى الفرق الوهم اللي انت متخيله اي نعم في فرق بس مش كبير اوي

وربنا يستر طريقنا ويباركلك في النوع اللي حضرتك هتختاره

انا راى ان من اكبر مميزات الساجا انها ارخص عربية سيدان اتوماتيك فى مصر و كمان فل ابشن و بجنوط ، منافستها الشرسة اللوجان مش بتنزل اتوماتيك و بكماليات اقل يعنى لو هتجيب ساجا يبقى اتوماتيك

تانى نقطة مواتير الكام برو دى حاجة تانية خالص و قوية جدا فى الاتوماتيك و مش طبيعية فى المانيوال

انا راى هات اوتوماتيك و ريح رجلك الشمال من الدبرياج فى الزحمة لان الواحد ساعات فى الزحمة الجامدة بيحس ان رجله الشمال خلاص نملت و عضلاتها شدت من دوس الدبرياج

**sayed911** · 20-05-2011 01:16 AM

هات الأوتو ووحياتك ما ها تحس انك راكب اوتو من اصلوا !! تحكمك في النقل بكبستك للمحرك وسحب العربية في الكيك داون غريب وقوي جدا على الطريق وعايزة طريق عشان تحس بالعربية فعلا !! اسطورة كامبرو دي ننحني لها فعلا بجد !! توكل على الله بجد ولو لسة حتى حاسس بذرة شك جرب تعمل تيست درايف

**amazingahmed** · 20-05-2011 10:55 AM

أنا معايا ساجا أوتو و كنت قبل كده راكب عربية مانيوال. مهما قلتلك من كلام مش هقدر أوصف أنا قد ايه كان فايتني حاجات كتير.
الأوتو رااااااااااااحه في الزحام و ما أكثر الزحام في القاهرة.
الأوتو تخليك تحس برقي في القيادة.
الأوتو مش هتوجع دماغك بنقلات و فتيس و دبرياج.

ميزة المانيوال أنك بتقدر تتحكم أكتر في الغيارات و الحرق أكتر. لكن القاهرة مينفعش تعمل فيها كده. دي العربيات بقت بتمشي ملزقة في بعض.
أنا امبارح كنت في جينز كار بركب فرش للعربية و قابلت واحد معاه جين مانيوال. قاللي أنا كنت قاعد في السعودية و متعود على شوارع هناك فكان المانيوال عادي. لكن قاللي أنه ندم أنه ماشتراش أوتو في القاهرة.

**nour_nrc** · 20-05-2011 08:07 PM

توكل علي الله وهات اوتو اريح في بلدنا الحبيبة مصر

**mememsaid** · 22-05-2011 03:28 PM

بلا شك الاوتو في كل حاجه
وماتخفش هيديك احساس المانيول
اينعم مش بنسبه 100 في 100 بس الكيك دوان بتاعها تحفه

**asas2** · 22-05-2011 05:22 PM

اوتو وتوكل على الله .. انا قعدت اعاند كل اللى بيقولى جيب اوتو واقولهم استهلاك بنزين زيادة وتيل فرامل بيخلص بسرعة وجبت العربية مانيوال .. بجد دلوقتى لو رجعت تانى حجيب اوتو من غير تفكير

**hammo_semsem** · 22-05-2011 06:30 PM

انا بشكر كل الأعضاء اللى اهتموا بالموضوع وشكل الكفة كدة رايحة للأوتو من الردود ..... وفى انتظار المزيد من الأرامن أخواتى فى المنتدى ............

**waeljimmy** · 23-05-2011 02:46 AM

من وجهة نظري طبعا

أنا بحس إن الاوتوماتك بيسحب بسرعه أوي من غير حاجه تلاقيها جايبه 10 كيلو بس فعلا بتريح في الزحمه أوي

الموضوع: ساجا اوتو وللا مانيوال ؟؟؟؟ ساعدوووونى ارجوووكوا

LinkBack

أدوات الموضوع

عرض

-

-

-

-

المواضيع المتشابهه

اكسنت rb مانيوالريو اوتو 1600 اوبترا مانيوال*بيرسونا اوتو

اكسنت rb مانيوالريو اوتو 1600 ابترا مانيوال

للى بيدور على الساجا اوتو فى عربية ساجا اوتو موجودة الان

بــروتـــون ساجا اوتو زيرو ولا اوبل فكترا 2003 اوتو1600

الرجاء الافادة نيو اكسنت - لوجان - ساجا اوتو - واجا مانيوال

الكلمات الدلالية لهذا الموضوع

المفضلات

المفضلات

ضوابط المشاركة