الموضوع: تقرير عن byd f3 اتوماتيك بالصور

انا بحب العربيه دي جدا علي فكره
مركبتهاش غير مره واحده تاكسي في كايرو واتحايلت علي السواق يخليني اسوق ووافق بعد ما اتعرفنا علي بعض وعرف اني صاحب تاكسيات في طنطا وعايز اجربها عشان لو بفكر اغيرلها مش اكتر وجربتها من كارفور المعادي لغايه رمسيس ووصلت بيها 140 مع التكييف وكانت مانيوال وجميله جدا ماشاء الله عليها

شوفتلها موقف غريب جدا علي طريق القاهره اسكندريه الزراعي وكانت بتشد مع كورولا الشيب الاخير والغريب انهم كانوا مع بعض تقريبيا بنفس التقدم مش عارف بقي فيه مشكله في الكورولا والا دا العادي بتاع ال اف3

المشاركة الأصلية كتبت بواسطة abomona

السلام عليكم اخوانى الكرام الافاضل اخوكم اشترى السيارة byd 2012 منوال اولا قبل ما انسى احب ابارك للاستاذ صاحب الموضوع واقولة الف مبروك والله يكفيك شر طريقك ويحرسهالك انا شايف اسئلة كتير من الافضل انا هقول انطباعى عن المنوال السيارة مرضية الى حد كبير بس فيها شوية عيوب فى التقفيل المصرى مش مرضى فى اول الامر السيارة كانت معايا جميلة جدا وانا كنت بمشى بهدوء جدا وبعد كدة ظهر عيب الفتيس اللى بيعض فى الغيار الاول والتانى علشان كدة انا بقول الافضل الاتوماتك السيارة ناعمة ولكن عند ال 120 بيعلى صوت الماتور السيارة عاملة 13 الف حاولت كذا مرة فى توكيل الشرابية اضبط موضوع الفتيس لكن للاسف كل مرة بمشى مش مرضى لحد لما قابلت المهندس تامر وخرج معايا وقالى انى لازم ادى الغير بمجرد السيارة ما تمشى او تتحرك ومستناش علية وبعدين الغيار التانى مينفعش ارجع من الغيار الثالث الا لما السرعة تقل انا ليا زميل لسة شارى 2013 منوال وربنا يبارك لة فيها ملاش اتوماتك فى المكان اللى راح يحجز اشترى منوا عاملة 74 الف جنية انا من راى الاتوماتك افضل من المنوال بحكم التجربة واسف للاطالة بس حبيت انقل لكم تجربتى مع السيارة ولك كل التوفيق

تحياتي لسيادتك ولكل الزملاء مالكي السيارة الf3، واحب انوه عن شيء لاحظته من تعليق حضرتك علي الفتيس المانوال، ولي تجربة مع السيارة فتيس مانوال موديل 2011 والحقيقة ان كان هناك عضه في الفتيس عند النقل من الأول للثاني وفي الصيانة الدورية سجلت المشكلة في ملاحظاتي في مركز الصيانه ( القطامية ) والي حد كبير قلت وتكاد تكون غير موجودة حاليا.
والمهم ان المشكلة ليست في ان الفتيس مانوال او اوتوماتيك لاني لاحظت تكرار الشكوي من نفس الاعراض لعدد من مالكي السيارة المانوال "موضوع العضه" ولاحظت أيضا ان في الفتيس الجديد موديل 2014 اوتوماتيك يشتكي من الفتيس الاوتوماتيك اعراضها صوت كركرة مع النقلات نابعة من الفتيس وتلك الشكوي كانت في سيارتين اثناء زيارتي لمركز الخدمة في القطامية للصيانة الدورية .
اعتقد ان هذه المشاكل ناتجة من مرحلة التجميع بالمصنع ومراقبي الجودة في المصنع عليهم التأكيد عليها ولابد التغلب عليها اثناء التجميع في المصنع ولابد ان يتم اخطار مراكز الصيانة بتلك المشاكل للمصنع للتغلب عليها قبل خروج السيارة من المصنع.
مع الشكر

يعنى الbyd ,ولا السينوفوا ولا جيلى
انا فى حيره جامده
انصحونى