عيوب كيا سيراتو

**ahmedsaiad** · 19-05-2011 11:01 PM

مساء الفل عالكل منورين المنتدى ليا سؤال بسيط ايه عيوب كيا سيراتو لانى بفكر فيها انا معايا لانسر 2007 1600cc مانيوال ارجو الرد بكل امانه علما باننى بجرى بسرعات عاليه وبسافر كتير من المنصوره اسكندريه وايه الفرق بينها وبين الانسر ولوغيرت هاحس بفرق والا لالالالالالالالالالالالال الالالا

**masterzmind** · 20-05-2011 01:31 AM

العفشة الناشفة فى الجنط ال 17 فقط واستنى رأى الاعضاء

**moha4tec** · 20-05-2011 02:14 AM

توكل على الله و اشترى اوبل الجديده (فاجره موت السنين 2012 الشكل الجديد )او سيات الجديده, او بى ام
الكلام ده لو انت بتجرى جرى موت يعنى 200 و انت طالع
انما لو بتجرى لحد 140 يبقى كلهم زى بعض فاشترى الارخص ووفر السيراتو بسافر بيها اى حته و عادى جدا و ممتازه فى السفر لكن جوا البلد او الحتت اللى فيها مطبات او مكسره جامد اوى الجنط ال 17 فقط هو اللى منشف العربيه
و عموما لو انت سواق انت بتعرف حدود عربيتك و اخرها اه فى الجرى و الملفات و مبتعديش حدودها غير كده تبقى مش سواق اصلا
يعنى فى ناس معاها فيرارى و بتتقلب بيها و بتخيش لان اللى سايقها مش سواق فاهم (كل حاجه و ليها حدود و بتفرق بسيط من عربيه لتانيه
و اى عربيه من 90 وانت طالع هتقضى غرضك السفر و السرعه (اهم حاجه الثبات و متعمش منك لانك بتسافر كتير )
و ربنا معاك و مبروك مقدما
انا الحمد لله العربيه مناسبه لى فى السفر و جوا البلد و بحافظ عليها و الجنط ال 17 بيجبرنى انى امشى براحه اوى فى الحتت المكسره و المطبات و اظن ده الصح اصلا منه حفاظ على العربيه و العفشه و منه سلوك كويس و راحه نفسيه و توفير مصاريف ملهاش لزمه فى تغيير اجزاء من العفشه نتيجة الاستخدام القاسى جدا
يا ريت مكنش طولت عليك و تكون وصلتلك وجهة نظرى
اهم حاجه اه اللى يناسبك اصلا هل حدود السعر مقيداك مثلا او الاوبشنز و الكماليات او سعر اعادة البيع او.........او..............
شوف اللى يريحك و صلى صلاة استخاره و توكل على الله و هو هيهديك للخير ان شاء الله
و السلام ختام

**M.Akef** · 20-05-2011 01:09 PM

المشاركة الأصلية كتبت بواسطة momo_sunny

انك تغير من اللانسر للسيراتو مش نقلة
حاتحس انك تركبت حاجة نفس المستوى اماكنش اقل
حاول تشوف هوندا سيفيك او اى حاجة اوروبى محترمة

علي فكره انا مغير من بومه لسيراتو و كانت نقله كبيره جدا و عسيت بفرق كبير بين تكنولوجيت 2003 ل تكنولوجيت 2009!!!

اما صاحب الموضوع احب اوضح لك انت راكب بسم الله ما شاء الله صاروخ ارض جو متتوقعشي اي عربيه 1.6 اوتو هتبقا زيه
السيراتو سياره جميله و هتستحمل معاك و لو انت بتاكل مطبات و بتبهدلها معاك حات جنط 16 مش 17 لكن 17 ثباته اعلي بشكل ملحوظ
و هي كعربيه و اوبشن هتعجبك جدا و هتسليك و انت في الطريق

يعيبها ان عفشتها نشفه شويه يعني مستوي الراحه فيها اقل من الانسر بشويه لكن هي كركوبه افضل من البومه بكتير مع مراعات فرق السنين طبعا

**samoreception** · 20-05-2011 01:47 PM

لو معاك تجيب سكودا اوكتافيا هاتها وادعيلى بجد عربية من الاخررررررررررر
ولو مش معاك كتير قووى ممكن تجيب حاجة مستعمل كسر زيرو
واسال على الاوكتافيا وانت تعرف انا قصدى ايه

**M.Akef** · 20-05-2011 05:40 PM

المشاركة الأصلية كتبت بواسطة samoreception

لو معاك تجيب سكودا اوكتافيا هاتها وادعيلى بجد عربية من الاخررررررررررر
ولو مش معاك كتير قووى ممكن تجيب حاجة مستعمل كسر زيرو
واسال على الاوكتافيا وانت تعرف انا قصدى ايه

مع احترامي ليك و لسيارتك يا باشا هو لي حضرتك محسسني ان ان معتشي في عربيات محترمه في البلد غير الاوكتفيا؟!
يا باشا هي عربيه محترمه و كل حاجه مع اني بحب ركوبه الجتا اكتر لكن يا باشا دي وجهات نظر يعني احنا مش بنقول نجيب اسكاي لين و حضرتك بتقول لا حاتو slk الاوكتفيا من فئه الانسر و السيراتو و الكورولا و السفك و بتتقارن بيهم عادي جدا لكن بتفوز في حجات كتير و ده باين في سعرها زيرو و ياريت يا باشا تسال عن السفكvti الي هي يباني و كمان ب180 الف بس