.. عايزين نولع فى بعض ..... يلا بينا ..
أحبائى أعضاء منتدى نايل موتورز
إيه رأيكم نولع الدنيا ... إشمعنى إحنا !!!
يعنى ممكن نعمل إيه .. نعمل إيه ؟!!
نولع الدنيا بين المسلميين والمسيحيين
ونخرب بين شباب الثوره وشباب إحنا آسفين يا ريس
وبالمره نوقع بيان فرسان شيفروليه وصقور نيسان فى المنتدى
يلا نخربها كمان وكمان
!!!!!!!!
ـــــــــــــــــــــــ
يا شباب المنتدى إتقوا الله فى أنفسكم وفى بلدكم
كام موضوع إتعمل فى الإجتماعى كان سبب فى وجود فتن كتيره بين الناس
عايزين نكون أعقل من كده
كام واحد مسلم ومسيحى بيحبوا بعض بجد
كام واحد مؤيد ومعارض للثوره بيحبوا بعض بجد
عايزين ننشر المحبه والديموقراطيه على أصولها ، مش مجرد كلام وبس
اليابان إشتغلوا ساعتين زياده علشان يعوضوا خسايرهم
والهند فيها 52 ديانه والناس عايشه ، ومصر فيها ديانتين بس ومش عارفين نعيش ، بالذمه دى مش خيبه .
بلاش المواضيع السلبيه واللى بتخلى الناس تولع فى بعض ، إنشروا الفكر النظيف وبلاش التطرف الفكرى اللى بسببه بنخربها على الكل .
التعديل قبل ما يكون تعديل دستورى أو برلمانى أو سياسى لازم يكون تعديل إنسانــــــــــــــــــــ ـــــى
أنا عارف إن كلامى ممكن ميعجبش ناس كتير ، وناس تانيه ممكن تقول " هما اللى إبتدوا الأول ولازم نرد "
كفايه كده بقى وكل واحد يبتدى بنفسه .... ويا ريت تفتكروا إننا كلنا فى مركب واحده واللى بيحصل هيرسى على الكل .
وربنا يوفق الجميع
ويسترها عليه وما إتوقفش بسبب الموضوع ده
تم غلق الموضوع تمهيداً لحذفه نظراً لخروجه عن هدفه الرئيسي و بناء على طلب صاحب الموضوع.
مشـرف الاجتمـاعي.
3 ب
20/5/2011
1:57pm