استشارة عاجلة بخصوص رفع حظر البيع عن العربية من بنك باركليز

السلام عليكم ، انا الحمد اللة خلصت اقساط العربية و كان التقسيط تبع بنك باركليز المهم حقول اللى حصل بالتفصيل
1-كلمت الكول سنتر فقالو ادفع اخر قسط و حنبعتلك الشيكات و المخالصة على الفرع اللى تختارة و هناك يدولك رقم الصادر اللى اتبعت بية جواب الحظر للمرور و تروح المرور بعد 15 يوم
2-رحت الفرع و اخذت الشيكات و سالتهم عن رقم الصادر فقال لى الموظف انهم غيروا النظام و مفيش رقم صادر و اروح المرور بعد يومين
حسيت انة بيشتغلنى او انة مش فاهم المهم قلت بلاش اتخانق فى الفرع
3-كلمت الكول سنتر ردوا عليا وقال ازاى لا لازم فية رقم صادر و تاخذة من الفرع و المدة 15 يوم

مش عارف اعمل معاهم اية واضح انة بنك مضروب و الموظفين مش فاهمين حاجة و انا مش عارف اروح امتى المرور و لازم يكون معايا رقم الصادر ام لا

كنت عايز اعرف رايكم و اعمل اية مع البنك السكة دة ، و هل ممكن انى اشتكيهم فى البنك المركزى

ممكن تشتكبهم
البنك المركزى
الشئون القانونية للبنك
المراجعة الداخلية للبنك او التفتيش
العضو المنتدب للبنك
مدير المنطقة
مدير الفرع

ده بالترتيب بس خدهم من تحت لفوق علشان تنجز
اللى اعرفه انك بتاخد الجواب من البنك بايدك
لو النظام اتغير
يبقى تاخد رقم صادر وتعرف مين استلمه هناك فى المرور وامتى
وقاله المرور مش لاقى الجواب
وعامة فى اى شركة
اى جواب طالع منهم ليه رقم صادر
داخل يبقى رقم وارد
غير كدة يبقى كشك سجاير

متشكر جدا على رد حضرتك ، هو فعلا كشك سجائر مش بنك

انا كتبت شكوى لمدير الفرع و حبعتها يوم الاحد و صورة منها لمدير الشئون القانونية بالبنك و ربنا يسهل و اعرف اخلص من البنك دة

ارسلت شكاوى الى مدير ادارة قروض السيارات و مدير الفرع و برضة مفيش فايدة و مش عارف اعمل اية مع البنك دة دى حتى محصلش كشك سجائر

مش عارف ابعتلهم انذار على يد محضر ولا اعملهم محضر فى القسم

المراجعة الداخلية للبنك او التفتيش
العضو المنتدب للبنك

ربنا معاك