متغلطش غلطتى
انا رديت باببين مخبوطين عندى
بس للأسف ندمت
المعجون بيعمل تموجات للأنعكاس و بيقى باين انها مش مظبوطه
عرض للطباعة
متغلطش غلطتى
انا رديت باببين مخبوطين عندى
بس للأسف ندمت
المعجون بيعمل تموجات للأنعكاس و بيقى باين انها مش مظبوطه
علي فكره ياباشا يرجع عادي جدااا لو سمكري كويس هايرجعه من غير اي مشاكل
يا باشا اى حاجه ممكن ترجع لاصلها بالظبط بس موضوع التقطيع واللحام فى عضم العربيه ده مش كويس لان فى بعد كده هتظهر مشاكل بارومه و ممكن اللحام يفتح تانى
فممكن حضرتك تفضى نفسك فى يوم كده وتنزل محلات قطع الغيار تدور على باب استيراد نضيف يكون نفس الموديل وخلى موضوع السمكره ده اخر حاجه
وياريت لو حد من الاعضاء عنده فكره تانيه يقولها
والله ردودكم ممتازه ومفيده لجميع الزوار الي بيخشو على الموضوع
بالنسبه للمعجون فالعربيه فيها ابواب مردوده بردو والتعرجات باينه لكن عاديه يعني شكلها مش وحش اوي
لكن بالنسبه للاستيراد فانا جربت وكنت جبت باب نظيف لكن المشكله ان العربيه دي فيها منها كذا موديل فنفس السنه يعني هتجيب باب زيو بالظبط لكن هيفرق معاك فحاجه بسيطه هتعملك مشكله ولو خليجي ولا اوروبي و موديل قبلو بسنه مش هيبان هو نفس المقاس لكن فالتركيب هيختلف
انا جبت باب استيراد وراكب عندي لكن بردو عامل ازعاج فقلفو وفتحو وفالقزاز وفكل حاجه ومبقاش بيقفل فانا فكرة الاستيراد بطلتها لاني كل ما اجيب حاجه بمشي بيها فتره لكن عيبوها بتبان وبتعمل مشاكل يعني حاجه مش جايه مع العربيه مش هتريحها ولا هتبقى مصممه ليها فانا بقيت بصلح اي حاجه فالعربيه وبحس براحة اكتر
بالنسبه لصاج الباب فالصورة الي فيها الباب من وره باين ان مفيش شغل اتعمل فيه قبل كده هي الخبطه واترمى وطبعا صاج العربيات القديمه خامتو تقيله ده الباب عاوز اتنين يشيلوه فهل ده كفايه ان الباب يبقى كويس ؟
ثم يجماعه هل لازم يقطع عشان يشتغل ؟ انا شفت مره حاجه زي ايد كده بتوصل للأماكن الصعبه يعني بيدخلها جوه العظم ويدخلها المكان المطلوب فهل ده موجود ولا مبيحصلش فخبطه زي دي ؟
وشكرا ليكو على اهتمامكم وردودكم الاكثر من رائعة
بالنسبة للتصليح . الباب هايرجع مضبوط بس ساعة الرش هايشيل معجون كتير ولو الصنايعي محترم بتاع الدوكو هايخلي لك الباب زي المراية مش هاتلاقية معوج خالص .بس لو الباب اتخبط هايبقي شكلة زفت والمعجون هايشرخ . باختصار الي بيداري شغل السمكري بتاع الدهان .
والافضل استيراد
مقولة للصنايعية (شرا العبد ولا تربيتة )
هو مش بيقص ف العضم بتاع الباب
المفروض بيفك اللحامات و بيظبطه و بعدين بيرجع يلحم تاني
و الحاجات الي اتلحمت بتترش و مبيجيش فيها بارومه
فيه سمكريه عندنا هنا بيجيلهم عربيات مقلوبه و مطبقه و بيرجعوها جديده تاني
قليل اما بيغير حاجه فيها
فيه سمكريه عندنا في الجيزه بس الي شوفتهم شغالين في الابواب و الكبوت دول تبع التوكيلات بس
كان عندهم شاهين مقلوبه مسكوها سمكره من اولها لاخرها رجعت جديده
انا شوفت الشغل في باب فيرنا و باب الشاهين
السمكري بتاعي لسه ماجربتوش في الابواب بس شغله كويس
ممكن اوصفهولك تروح تشوف شغله و توريله الباب
علي فكره شارع العشرين فيه سمكريه كويسين على حسب ما سمعت
فيه هناك ناس معروفه يعني
بس انا ماروحتش هناك قبل كدا